1 Petrіnіn 3:8 - Enі Baalantı

⁸ Olun hepsiniz bir neettä, pay alın başkalarının zorluklarında, kardaşları sevin, yalpak hem münüz ürekli olun.

Ени Бааланты

⁸ Олун хепсиниз бир нееттӓ, пай алын башкаларынын зорлукларында, кардашлары севин, йалпак хем мӱнӱз ӱрекли олун.

1 Petrіnіn 3:8 Referans Kwoze

Romalılara 12:10

Sevin biri-birinizi kardaşçasına yalpaklıklan. Yarışmaklan biri-birinizä saygı sürün.

1 Petrіnіn 1:22

Aslılıı seslemäklän cannarınızı /Ayoz Duhlan/ pakladınız. Bunun için kardaşlarınızı ikiüzlülüksüz seversiniz. Onuştan sevin biri-birinizi haşlaklıklan hem bütün üreklän.

Efeslіlerä 4:31

Hertürlü acılamak, kızgınnık, üfkä, baarmak, fena laf hem hertürlü kötü neet sizdän uzak olsun.

İakovun 3:17

Ama yukardan inän aariflik hepsindän öncä temiz, sora uslu, yalpak, sesleyici, dolu acıyannıklan hem ii işlärlän, üzä bakmaz, ikiüzlü olmaz.

Efeslіlerä 4:2

Herzaman yavaş, yalpak hem saburlu olun, dayanın biri-birinizä sevgiylän.

Koloslulara 3:12

Onuştan giinin, nicä Allahın seçilmişleri, ayoz hem sevgili, acıyannıı, iilii, yavaşlıı, yalpaklıı, saburluu.

1 Korіnflіlerä 12:26

Eer zeetlenärseydi bir ek, hepsi eklär onunnan barabar zeetlenerlär. Eer bir ek ikramnanarsaydı, hepsi eklär onunnan barabar sevinerlär.

Matfey 18:33

Düşmärdi mi, sän dä acıyasın kafadarını, nicä Bän seni acıdım?“

1 İoanın 3:14

Biz bileriz, ani ölümdän yaşamaya geçtik, zerä severiz kardaşlarımızı. O, kim sevmeer /kardaşını/, ölümdä kalêr.

1 Korіnflіlerä 1:10

Yalvarêrım, kardaşlar, bizim Saabi İisus Hristozun adınnan, hepsiniz annaşın, da olmasın ayırıklık aranızda. Olun birliktä, bir neettä hem bir düşünmektä.

Yaptıklar 4:32

Hepsi inancılar bir ürek hem bir can gibiydilär. Birisi bilä demärdi, ki varlıı salt kendisinin. Hepsi işlerini biri-birinnän paylaşardılar.

1 Petrіnіn 5:5

Hep ölä siz dä, gençlär, ön verin presviterlerä. Hepsiniz, biri-birinizä ön vereräk, kuşanın yavaşlıklan. Zerä «Allah şişkinnerä karşı durêr, ama yavaşlara iivergi verer».

Çıfıtlara 13:1

Herzaman kardaş sevgilii aranızda olsun.

2 Petrіnіn 1:7

allahçılıınıza kardaş sevgilii, kardaş sevgiliinizä dä sevgi.

1 Petrіnіn 2:17

Hepsi insannarı hatırlayın, kardaşları sevin, Allahtan korkun, padişahı ikramnayın!

İakovun 5:11

Biz mutlu sayêrız onnarı, kim dayanêr. Siz işittiniz İovun dayanması için hem gördünüz, ne bitkidä Saabi yaptı onun için. Saabi çok acıyan hem yalpak ürekli.

İakovun 2:13

Zerä acıyannıksız daava olacek onnara, kim başkalarını acımêêr. Acıyannık daavadan taa üstündür.

Fіlіplіlerä 3:16

Ama neylän bir annamaya geldik, onu ölä dä tutalım.

Romalılara 15:5

Allah, Kim dayanmak hem havezlik verer, baaşlasın sizä, ki biri-birinizlän bir düşünmektä olasınız İisus Hristozun örneenä görä.

Yaptıklar 28:7

O erin yakınında vardı adanın öndercisinin meraları. Onun adıydı Publiy. O kabletti bizi da üç gün havezlän konakladı.

Yaptıklar 27:3

İkinci günü etiştik Sidon kasabasına. İuliy ii götürärdi kendini Pavliylän. O kayıl oldu, ki Pavli dolaşsın kendi dostlarını, ki onnar yardım etsinnär ona.

Yaptıklar 2:1

Ellinci günü yortusunda hepsi birerdä topluydular.

Luka 10:33

Ama bir samariyalı, bu yoldan geçärkän, yaklaştı, onu görüp, canı acıdı.

Efeslіlerä 4:32

Ama biri-birinizlän ii ürekli hem yalpak olun. Biri-birinizi afedin, nicä Allah Hristozda sizi afetti.

Fіlіplіlerä 2:3

Bişey yapmayın kendinizi kaldırmak için eki boşuna üünmäk için, ama yavaşlıklan hatırlayın biri-birinizi, üüseklendireräk başkasını taa çok, nekadar kendini.