1 Korіnflіlerä 9:25 - Enі Baalantı

²⁵ Hepsi, kim yarışêr atletik oyunnarda, tutêrlar kendilerini zaplı herbir üzerä. Onnar bunu yapêrlar, ki bir sörpeşär feneţ kazansınnar. Ama biz yapêrız, ki sörpeşmäz feneţ kazanalım.

Ени Бааланты

²⁵ Хепси, ким йарышэр атлетик ойуннарда, тутэрлар кендилерини заплы хербир ӱзерӓ. Оннар буну йапэрлар, ки бир сӧрпешӓр фенец казансыннар. Ама биз йапэрыз, ки сӧрпешмӓз фенец казаналым.

1 Korіnflіlerä 9:25 Referans Kwoze

2 Tіmofeyä 2:5

Yarışannar, sıraya görä yarışmarsaydılar, feneţ kazanamazlar.

Apokalіpsіs 2:10

Ne lääzım olacek geçiräsin, bişeydän korkma. Diavol kimisini sizdän kapana atacek, ki denenäsiniz. Zeetlenmiş olacenız on gün. Ol inanç ölümä kadar, da verecäm sana yaşamak feneţini.

1 Tіmofeyä 6:12

İnanda ii savaşlan savaş, bak edenmää diveç yaşamayı, angısına sän çaarıldın, açan ii inanı çok şaatların önündä açık kablettin.

Apokalіpsіs 3:11

Bän tez gelerim! Sıkı tut, ne var sendä, ki kimsey kapmasın senin feneţini.

İakovun 1:12

Ne mutlu adam, kim dayanmaklan denemekleri geçirer, zerä, denenmiş olup, yaşamak feneţini kabledecek, ani adadı Saabi hepsinä onnara, kim Onu sever.

2 Petrіnіn 1:6

bilginizä kendinizi zaplamak, zaplamanıza dayanmak, dayanmanıza allahçılık,

1 Petrіnіn 5:4

Açan gelecek Büük Güdücü, edeneceniz bir sörpeşmäz şannı feneţ.

1 Petrіnіn 1:4

çürümäz, lekesiz, sörpeşmäz bir miras, ani sizin için göktä saklı.

Galatіyalılara 5:23

yavaşlık, kendini zapetmäk. Bunnara karşı yok zakon.

Çıfıtlara 12:28

Onuştan, çünkü biz kablettik bir padişahlık, ani sarsalanmaz, olalım şükür da butakım izmet edelim Allaha ölä, nicä O beener, bir allahçı korkuylan hem saygıylan.

Çıfıtlara 12:4

Siz taa cenkleşmediniz kan döküncä, savaşarak günaha karşı.

1 Korіnflіlerä 15:54

Açan bu çürüyän güüdä kaplanacek çürüksüzlüklän, hem bu ölümnü güüdä donanacek ölümsüzlüklän, ozaman tamannanacek, ne yazılı: «Ölüm ensenmiş oldu da yok edildi».

Apokalіpsіs 4:10

bu vakıt irmi dört aksakal, düşüp üzükoynu çorbacılık skemnesindä Oturanın önündä, baş iilderlär Ona, Kim diveç yaşêêr, da, feneţlerini Onun önünä koyup, deerlär:

Apokalіpsіs 4:4

Çorbacılık skemnesinin dolayında vardı taa irmi dört çorbacılık skemnesi. Bu skemnelerdä irmi dört aksakal oturardı, giiyimni biyaz rubalarlan. Hepsinin başında vardı altın feneţ.

Tіta 1:8

Olsun musaafirci, iilikçi, esaplı, dooru, allahçı hem kendini kullanan.

Tіta 2:2

Sölä yaşlı adamnara ayık, kendini dooru götürän, esaplı, saa inanda, sevgidä hem dayanmakta olsunnar.