1 Korіnflіlerä 9:17 - Enі Baalantı

¹⁷ Eer bunu kendi istediimdän yaparsaydım, baaşış edenärim. Eer zoruna yaparsaydım, yapêrım sade o izmeti, ne bana inandırılmış.

Ени Бааланты

¹⁷ Еер буну кенди истедиимдӓн йапарсайдым, баашыш еденӓрим. Еер зоруна йапарсайдым, йапэрым саде о измети, не бана инандырылмыш.

1 Korіnflіlerä 9:17 Referans Kwoze

Galatіyalılara 2:7

Buna karşı, onnar annadılar, ani İi Haber bana verildi kesiksiz olannar için, nicä dä Petriyä kesikli olannar için.

1 Korіnflіlerä 3:8

Kim eker hem kim yıslêêr, onnarın bir saygıları. Herkezi kendi zaametinä görä ödek kabledecek.

Koloslulara 1:25

Bän klisenin izmetkeri oldum Allahın sırasına görä. Bu izmet bana verildi sizin hatırınız için, ki nasaat edeyim hererdä Allahın sözünü,

1 Korіnflіlerä 4:1

Kimin gibi insannar bizi lääzım saysın: Hristozun izmetkerleri hem Allahın saklı işlerinin vekilleri.

Matfey 10:41

Kim kableder bir proroku, ki prorok deyni, o kabledecek prorok ödää. Kim kableder bir dooru adamı, ki dooru deyni, o kabledecek dooru adam ödää.

1 Salonіklіlerä 2:4

Ama çünkü Allah saydı bizi uygun, ki inandırsın bizä İi Haberi, bakêrız, ölä lafedelim, ki beendirelim kendimizi diil insana, ama Allaha, ani adamın üreeni deneer.

1 Korіnflіlerä 3:14

Eer yapı, ani yıvılı birkimseydän temel üstünä, ayakça kalarsaydı, o baaşış edenecek.

Fіlіmona 1:14

Ama izin olmayınca sendän, istämedim bunu yapmaa. İstedim, iilik yapasın diil zorlanmış, ama ii istediindän.

2 Korіnflіlerä 8:12

Zerä ne veriler havezliklän, o baaşış kabul olêr, diil ani versin birkimsey neyi yok, ama neyi var.

1 Korіnflіlerä 9:16

Eer nasaat edärseydim İi Haberi, yok neylän üüneyim, zerä bu benim borcum. Vay bana, eer nasaat etmärseydim!

Luka 12:42

Saabi cuvap etti: «Kimdir inanç hem aarif vekil, angısını çorbacısı koyacek cuvapçı kendi evindä hepsi çırakların üstünä, vakıdında imää versin onnara deyni?

Matfey 24:25

Tä, Bän vakıtça sizä haberledim.

İoan 4:36

Kim biçer, hak alêr, bereket diveç yaşamak için toplêêr. Onuştan ekici hem biçici barabar sevineceklär.

1 Korіnflіlerä 9:18

Ozaman ne baaşış bana olur? Bu, ani nasaat ederäk İi Haberi /Hristos için/, nasaat ederim ödeksiz, faydalanmayarak, İi Haberin nasaatçısı olarak, kendi dooruluumdan.