1 Korіnflіlerä 16:16 - Enі Baalantı

¹⁶ butürlü insannarı sesleyin hem hepsini, kim onnarlan işleer hem çalışêr.

Ени Бааланты

¹⁶ бутӱрлӱ инсаннары сеслейин хем хепсини, ким оннарлан ишлеер хем чалышэр.

1 Korіnflіlerä 16:16 Referans Kwoze

Çıfıtlara 13:17

Sesleyin sizin öndercileri da ön verin onnara, zerä onnar kahır güderlär sizin cannarınız için, nicä cuvapçılar. Bakın, ki bunu sevinmäklän yapsınnar, ama diil oflayarak, zerä bu diildir sizin faydanız için.

1 Salonіklіlerä 5:12

Yalvarêrız sizä, kardaşlar, hatırlayın sizdeki işçileri, ani sizi kullanêrlar Saabinin yolunda hem akıl vererlär.

3 İoanın 1:8

Onuştan bölä insannarı lääzım kabledelim, ki barabar işleyelim aslılık için.

Apokalіpsіs 2:3

Saburluysun, zeetlerä dayandın Benim adım için da yorulmadın.

1 Petrіnіn 5:5

Hep ölä siz dä, gençlär, ön verin presviterlerä. Hepsiniz, biri-birinizä ön vereräk, kuşanın yavaşlıklan. Zerä «Allah şişkinnerä karşı durêr, ama yavaşlara iivergi verer».

Çıfıtlara 6:10

Zerä Allah doorudur, O unutmêêr sizin savaşmanızı hem sevginizi, ani gösterdiniz Onun adı için. Siz yardım ettiniz hem taa yardım edersiniz Allahın ayoz halkına.

1 Tіmofeyä 5:17

Presviterlär, ani ii önderleerlär, lääzım iki katına hatırlansınnar, ayırıca onnar, kim işleer nasaat etmektä hem üüretmektä.

1 Salonіklіlerä 2:9

Siz aklınıza getirin, kardaşlar, bizim aar işimizi hem savaşmamızı, nicä gecä-gündüz işledik, ki sizdän kimseyä aarlık yapmayalım, da nasaat ettik sizä İi Haberi Allah için.

1 Salonіklіlerä 1:3

Dayma anêrız bizim Allah Bobanın önündä, nesoy inannan işleersiniz, nesoy sevgiylän savaşêrsınız, da nekadar dayanêrsınız, umudu koyarak bizim Saabi İisus Hristoza.

Fіlіplіlerä 4:3

Sän dä, Sizig, hakına kafadarım, yardım et bu karılara, ani savaştılar İi Haberi nasaat etmää benimnän, Klementlän hem kalannarlan, ani benimnän işleerlär, angıların adları yazılı yaşamak kiyadında.

Efeslіlerä 5:21

Biri-birinizä ön verin, Hristozdan korkarak.

1 Korіnflіlerä 12:28

Allah erleştirdi klisedä ilkin apostolları, ikinci – prorokları, üçüncü – üüredicileri, sora onnarı, kim kudretli işlär yapêr; sora onnarı, kimin baaşışı var hastaları alıştırmaa; onnarı, kim yardım eder; onnarı, kim kullanêr; onnarı, kim lafeder hertürlü dillerdä.

1 Korіnflіlerä 3:9

Zerä biz – Allahın işçileri, ama siz – Allahın tarlası, Allahın yapısı.

Romalılara 16:12

Seläm Trifenaya hem Trifosaya, angıları çalışêrlar Saabinin izmetçiliindä. Seläm Persidaya, sevgili kızkardaşa, angısı çok çalıştı Saabinin izmetçiliindä.

Romalılara 16:9

Seläm Urbana, ani bizim kafadarımız Hristozun işindä, hem Stahisä, benim sevgili kardaşıma.

Romalılara 16:6

Seläm Mariyaya, angısı çok işledi sizin için.

Romalılara 16:3

Seläm Priskillaya hem Akilaya, benim kafadarlarıma İisus Hristozun işindä.

Çıfıtlara 13:24

Selämneyin sizin öndercileri hem Allahın bütün ayoz halkını. İtaliyadan olannar seläm yollêêrlar sizä.