1 Korіnflіlerä 13:13 - Enі Baalantı

¹³ Şindi kalêr bunnar üçü: inan, umut hem sevgi, ama sevgi onnardan taa büük.

Ени Бааланты

¹³ Шинди калэр буннар ӱчӱ: инан, умут хем севги, ама севги оннардан таа бӱӱк.

1 Korіnflіlerä 13:13 Referans Kwoze

1 Korіnflіlerä 16:14

Hepsini sevgiylän yapın.

Koloslulara 3:14

Hepsinin üstünä giinin sevgiyi, angısı bir sincirdir, ne tutar hepsini birlik içindä.

Galatіyalılara 5:6

Zerä İisus Hristozda yok paayı ne kesikliin, ne dä kesiksizliin, ama inanın, ani sevgiylän işleer.

Fіlіplіlerä 1:9

Dua ederim, ki sizin sevginiz taa çok hem taa çok büüsün bilgidä hem annamakta.

1 Tіmofeyä 1:5

Bu sımarlamanın keezi – sevgi bir pak ürektän, temiz neettän hem diil ikiüzlü inandan.

1 İoanın 2:10

Kim kardaşını sever, o aydınnıkta kalêr. Ona yok bişey kösteklenmäk için.

1 Salonіklіlerä 5:8

Ama biz gündüz oolları, onuştan lääzım ayık olalım, güüsümüzä inan hem sevgi zirhini giiyelim, başımıza kurtulmak umut başlıını takalım.

2 Korіnflіlerä 5:10

Zerä hepsimiz lääzım çıkalım daavaya Hristozun önünä, ki herbirimiz kabletsin ödek ii eki kötü işlär için, angılarını yaptık, güüdedä yaşarkan.

1 Korіnflіlerä 8:3

Eer birkimsey sevärseydi Allahı, Allah onu biler.

Koloslulara 1:27

Allah istedi göstersin onnara, nekadar şannı hem zengindir milletlär arasında bu saklı kurulmuş. O – Hristostur, metinnik umudu, ani sizdä bulunêr.

1 Petrіnіn 1:21

Onun aracılıınnan Allaha inandınız, Angısı diriltti Onu ölüdän da verdi Ona metinnik, ki inanasınız hem umutlanasınız Allaha.

1 İoanın 3:9

Kim Allahtan duulmuş, o günah yapmêêr, zerä Allahın toomu onda kalêr. O yok nicä günah yapsın, zerä Allahtan duulmuş.

1 İoanın 3:3

Herkez, kim bu umudu Ona koyêr, kendini paklêêr, nicä Hristos pak.

1 İoanın 2:14

Sizä yazdım, bobalar, zerä siz tanıdınız Onu, Kim taa baştandır. Sizä yazdım, delikannılar, zerä siz kaaviysiniz, Allahın sözü sizdä kalêr, hem kötü olanı ensediniz.

Çıfıtlara 6:19

Bu umudumuz kaavi hem çetin, nicä bir gemi demiri, ani koruyêr canımızı, Ayoz binanın içyankı perdenin öbür tarafına etişer,

2 Tіmofeyä 1:7

Zerä Allah verdi bizä diil korkaklık duhu, ama kudret, sevgi hem kendini zapetmäk duhu.

Çıfıtlara 6:11

İsteeriz, ani herkeziniz bitkiyädän göstersin hep bu çalışmayı, ki bütün umudunuz olsun.

2 Korіnflіlerä 5:15

Hristos hepsi için öldü, ki yaşayannar artık yaşamasınnar kendileri için, ama Onun için, Kim onnar için öldü hem dirildi.

1 Korіnflіlerä 14:1

Sevginin ardına gidin, ama çalışın duhça baaşışları edenmää, en çok prorokluk etmää.

1 Korіnflіlerä 3:14

Eer yapı, ani yıvılı birkimseydän temel üstünä, ayakça kalarsaydı, o baaşış edenecek.

1 İoanın 2:24

Onuştan, ne baştan işittiniz, o sizdä kalsın. Eer sizdä kalarsaydı, ne baştan işittiniz, ozaman siz kalacenız hem Oolda, hem Bobada.

Luka 22:32

ama Bän dua ettim senin için, yufkalanmasın senin inanın. Da sän, enidän dönüp Bana, kaavileyäsin kardaşlarını inanda».

Luka 10:27

O cuvap etti: «Seväsin Saabi Allahını bütün üräännän, bütün canınnan, bütün kuvedinnän hem bütün aklınnan hem seväsin yakın olanını, nicä kendini».

Çıfıtlara 10:39

Biz diiliz onnardan, kim geeri çekiler da kaybeler, ama onnardan, kim inanêr da canını koruyêr.

1 Korіnflіlerä 8:1

İdollara baaşlanmış kurbannar için bileriz, ani «hepsimizdä bilgi var», salt ki bilgi kabardêr, ama sevgi duhça kaavileer.

Romalılara 15:13

Allah, Kim umut bizä versin, sizi doldursun hertürlü sevinmäklän hem usluluklan inanınızda, ki Ayoz Duhun kuvedinnän sizi umutlan zenginnetsin.

Çıfıtlara 10:35

Ölä ki brakmayın girginniinizi, angısı için bir büük baaşış olacek.

Koloslulara 1:5

Bu inan hem sevgi geler umuttan, ani göktä saklı sizin için. İşittiniz bu umut için hakına sözdän, İi Haberdän,

1 Salonіklіlerä 1:3

Dayma anêrız bizim Allah Bobanın önündä, nesoy inannan işleersiniz, nesoy sevgiylän savaşêrsınız, da nekadar dayanêrsınız, umudu koyarak bizim Saabi İisus Hristoza.