1 Korіnflіlerä 11:4 - Enі Baalantı

⁴ Herbir adam, kim dua eder yada prorokluk eder uzun saçlan, kendi başını ikramsızlêêr.

Ени Бааланты

⁴ Хербир адам, ким дуа едер йада пророклук едер узун сачлан, кенди башыны икрамсызлээр.

1 Korіnflіlerä 11:4 Referans Kwoze

1 Korіnflіlerä 12:28

Allah erleştirdi klisedä ilkin apostolları, ikinci – prorokları, üçüncü – üüredicileri, sora onnarı, kim kudretli işlär yapêr; sora onnarı, kimin baaşışı var hastaları alıştırmaa; onnarı, kim yardım eder; onnarı, kim kullanêr; onnarı, kim lafeder hertürlü dillerdä.

1 Korіnflіlerä 12:10

Taa başkasına veriler kuvet, ki yapsın kudretli işlär, başkasına – prorokluk etsin, başkasına – duhları tanısın, başkasına hertürlü dillär veriler, başkasına beceriklik, dilleri çevirsin.

1 Korіnflіlerä 11:14

Acaba sizi sıra kendisi üüretmeer mi, ani utançtır bir adam uzun saç taşısın.

Yaptıklar 13:1

Antiohiyada, oradakı klisedä vardı kimi proroklar hem üüredicilär: Varnava; Simon, angısına denilärdi Niger; Luţiy, Kirinä kasabasından; Manain, angısı büüdü İrod beylän barabar; hem Saul.

1 Korіnflіlerä 11:5

Hem herbir karı, kim dua eder yada prorokluk eder açık başlan, ikramsızlêêr kendi başını. Bölä bir karı traş olmuş karı gibi olur.

1 Korіnflіlerä 13:2

Eer bendä varsaydı prorokluk beceriklii, eer bilirseydim hepsi saklı işleri hem edendiseydim bütün bilgiçlii, eer varsaydı büük inanım, bayırları da erindän diiştireyim, ama yoksaydı sevgim, ozaman bän bişey diilim.

1 Salonіklіlerä 5:20

Prorokluu paasızlandırmayın.