Yaptıklar 9:15 - Ени Бааланты

¹⁵ Ама Сааби ӂувап етти: «Гит, зерӓ о бир кап, ангысыны Бӓн айырдым, хаберлесин Беним адымы башка халклара, падишахлара хем Израилин оолларына.

Enі Baalantı

¹⁵ Ama Saabi cuvap etti: «Git, zerä o bir kap, angısını Bän ayırdım, haberlesin Benim adımı başka halklara, padişahlara hem İzrailin oollarına.

Yaptıklar 9:15 Referans Kwoze

Romalılara 11:13

Данышэрым сизӓ, башка миллетлерӓ: ниӂӓ апостол, ани башка миллетлерӓ йолланмыш, бӓн кенди изметчилиими метинни сайэрым,

Romalılara 1:5

Ондан биз каблеттик ииверги, апостол олалым Онун адыннан, ки Она инансыннар хем сеслесиннӓр хепси миллетлердӓн инсаннар,

1 Tіmofeyä 2:7

Бунун ичин бӓн койулдум хаберӂи хем апостол. Доору сӧлеерим, йаландырмээрым. Койулдум, ки ӱӱредейим миллетлери инана хем аслылаа.

2 Tіmofeyä 2:4

Хич бир аскер бааламаз кендини гӱннӱк йашаманын зааметлериннӓн, чӱнкӱ кендини бакэр беендирсин аскерлик заабидинӓ.

Yaptıklar 22:21

О деди бана: „Гит, Бӓн сени йоллайаӂам узаа, тайфӓннара“».

İoan 15:16

Сиз Бени сечмединиз, ама Бӓн сизи сечтим. Сыраладым, гидип, мейва гетирӓсиниз, да хожма олсун мейваныз, ки не дӓ истейеӂениз Бобадан Беним адыма, сизӓ версин.

2 Tіmofeyä 1:11

ангысы ичин бӓн койулдум насаатчы, апостол хем ӱӱредиӂи /миллетлерӓ/.

Galatіyalılara 1:1

Бӓн, Павли, диил инсаннардан сечилмиш апостол еки инсанын араӂылыыннан, ама Иисус Христоздан хем Аллах Бобадан, Ангысы Иисусу ӧлӱмдӓн дирилтти,

1 Korіnflіlerä 15:10

Ама шинди нейсӓм, Аллахын иивергисиннӓн ӧлейим. Онун иивергиси беним ичин наафилӓ олмады. Бӓн ишледим таа чок хепси апостоллардан – доорусу, диил бӓн, ама Аллахын иивергиси, ани бенимнӓн ишлеер.

Yaptıklar 13:2

Ачан измет едӓрдилӓр Саабийӓ хем оруч тутардылар, Айоз Дух деди: «Айырын Бана Варнавайы хем Саулу о ишӓ, ани Бӓн чаардым оннары».

Matfey 10:18

Беним бетеримӓ чыкараӂэклар кулланыӂыларын хем падишахларын ӧнӱнӓ, ки шаатлык едӓсиниз оннара хем тайфӓннара.

Apokalіpsіs 17:14

Оннар Кузуйлан ӂенк едеӂеклӓр, ама Кузу оннары енсейеӂек, зерӓ Одур саабилерин Саабиси хем падишахларын Падишахы, хем ким Онуннан барабар, оннар чаарылмыш, сечилмиш хем инанч».

Yaptıklar 27:24

„Коркма, Павли! Сӓн лӓӓзым чыкасын Кесарын ӧнӱнӓ. Да тӓ, Аллах сенин хатырын ичин куртарэр хепсини, ким сениннӓн барабар ӱзерлӓр“.

Yaptıklar 26:32

Агриппа деди Фестӓ: «Варды ниӂӓ салвермӓӓ ону, еер о истӓмейди Кесарын даавасыны».

Yaptıklar 25:22

Агриппа деди Фестӓ: «Истеерим сеслейим бӓн дӓ бу адамы». «Йаарына сеслейеӂӓн», – ӂувап етти Фест.

Yaptıklar 21:19

Павли селӓмнеди оннары, сора хепсини аннатты, не йапты Аллах тайфӓннарын арасында онун изметчилииннӓн.

Yaptıklar 28:17

Ӱч гӱндӓн сора Павли теклиф етти иудей ӧндерӂилерини. Оннар топландыйнан, деди оннара: «Кардашлар! Бӓн бишей халкымыза каршы йада бобаларымызын адетлеринӓ каршы йапмадым. Хеп окадар бӓн Иерусалимдӓ тутулдум хем верилдим ромалыларын елинӓ.

Yaptıklar 22:14

Сора деди: „Бизим бобаларымызын Аллахы сени айырды, ки таныйасын Онун истедиини хем гӧрӓсин Кабаатсызы хем ишидӓсин Онун лафларыны Кенди аазындан.

Yaptıklar 26:1

Агриппа деди Павлийӓ: «Верилер изин, лафедӓсин кендин ичин». Озаман Павли, узадып елини, башлады доорулууну чыкармаа:

Yaptıklar 28:28

Онуштан билӓсиниз, ани Аллахтан бу куртулмак ичин хабер йолланылды тайфӓннара, оннар буну сеслейеӂек». /

Romalılara 1:1

Бӓн, Павли, Иисус Христозун чыраа, чаарылмыш апостол олмаа, сечилмиш Аллахын Ии Хаберини аннатмаа, селӓм йоллээрым.

1 Korіnflіlerä 9:16

Еер насаат едӓрсейдим Ии Хабери, йок нейлӓн ӱӱнейим, зерӓ бу беним борӂум. Вай бана, еер насаат етмӓрсейдим!

Efeslіlerä 3:1

Онуштан бӓн, Павли, Иисус Христозун изметиндӓ капана дӱштӱм сизин ичин, ангыныз башка миллетлердӓн.