Yaptıklar 28:8 - Ени Бааланты

⁸ Публийин бобасы дизентерийа йангынныындан йатарды. Павли гитти онун йанына, дуа етти, койуп еллерини ӱстӱнӓ, да алыштырды ону.

Enі Baalantı

⁸ Publiyin bobası dizenteriya yangınnıından yatardı. Pavli gitti onun yanına, dua etti, koyup ellerini üstünä, da alıştırdı onu.

Yaptıklar 28:8 Referans Kwoze

Yaptıklar 9:40

Петри чыкартты хепси инсаны дышары да, диз чӧкӱп, дуа етти. Сора дӧндӱ ӧлӱ гӱӱдейӓ доору да деди: «Тавифа, калк!» Кары ачты гӧзлерини да, ачан гӧрдӱ Петрийи, доорулуп-отурду.

Mark 6:5

Йапамады орада бир дӓ кудретли иш, саде некадар биркач хастайы, койуп еллерини, алыштырды.

Mark 16:18

йылан еллеринӓ алаӂэклар. Зихирли бишей ичӓрсейдилӓр, оннара зарар олмайаӂэк. Койаӂэклар еллерини хасталарын ӱстӱнӓ, да хасталар саа олаӂэклар».

Matfey 9:18

Ачан Иисус сӧлӓрди бу сӧзлери, бир синагога ӧндерӂиси гелди, Она баш иилтти да деди: «Беним кызым шинди ӧлдӱ. Гел да кой еллерини онун ӱстӱнӓ, да о йашасын».

1 Korіnflіlerä 12:28

Аллах ерлештирди клиседӓ илкин апостоллары, икинӂи – пророклары, ӱчӱнӂӱ – ӱӱредиӂилери, сора оннары, ким кудретли ишлӓр йапэр; сора оннары, кимин баашышы вар хасталары алыштырмаа; оннары, ким йардым едер; оннары, ким кулланэр; оннары, ким лафедер хертӱрлӱ диллердӓ.

1 Korіnflіlerä 12:9

Хеп о Духтан бирисинӓ верилер инан, башкасына хеп о Духтан беӂериклик хасталары алыштырмаа.

Matfey 10:8

Алыштырын хасталары, дирилдин ӧлӱлери, паклайын лепралы оланнары, чыкарын фена духлары. Парасыз каблеттиниз, парасыз верин.

Matfey 10:1

Сора Иисус чаарды оники ӱӱрениӂисини, верди оннара заабитлик, чыкарсыннар фена духлары, алыштырсыннар хертӱрлӱ хасталыклары хем дертлери.

Luka 13:13

Койду еллерини онун ӱстӱнӓ. Кары чабук доорулду да башлады Аллахы метиннемӓӓ.

Luka 4:40

Гӱн каушмасындан сора хепси, кимдӓ варды хаста оланнар хертӱрлӱ аарыларлан, гетирӓрдилӓр Иисуса, да О, койуп еллерини хербир хаста ӱстӱнӓ, алыштырарды оннары.

Mark 7:32

Гетирдилӓр Она бир саар, ангысы зор лафедӓрди, да йалвардылар, койсун елини онун ӱстӱнӓ.

Mark 5:23

да пек йалварды: «Беним кызым ӧлӱм дӧшеендӓ. Йалварэрым, гел да кой еллерини онун ӱстӱнӓ, ки саа олсун да йашасын».

Matfey 12:13

Сора деди бу адама: «Узат елини!» О узатты, да ели енидӓн саа олду, ниӂӓ ӧбӱр ели.

Yaptıklar 28:7

О ерин йакынында варды аданын ӧндерӂисинин мералары. Онун адыйды Публий. О каблетти бизи да ӱч гӱн хавезлӓн конаклады.

Yaptıklar 28:9

Бу олдуктан сора адада калан хасталар да гелдилӓр да алыштырылдылар.