Yaptıklar 27:1 - Ени Бааланты

¹ Ачан карар алынды, ки Италийайа ӱзелим гемийлӓн, Павлийи хем таа биркач капанӂыйы вердилӓр бир ӱзбашынын елинӓ, Августун полкундан, ады Иулий.

Enі Baalantı

¹ Açan karar alındı, ki İtaliyaya üzelim gemiylän, Pavliyi hem taa birkaç kapancıyı verdilär bir üzbaşının elinä, Avgustun polkundan, adı İuliy.

Yaptıklar 27:1 Referans Kwoze

Yaptıklar 25:25

Ама бӓн булдум, ани о бишей йапмады, ки ӂезалансын ӧлӱмнӓн. Чӱнкӱ кендиси истеди даава кессин она император, бӓн карарладым ону императора йолламаа.

Yaptıklar 25:12

Фест, лафедип кенди йардымӂыларыннан, ӂувап етти: «Сӓн истедин Кесарын даавасыны, Кесара гидеӂӓн».

Yaptıklar 10:1

Кесарийа касабасында йашарды бир адам, ады Корнилий. О ӱзбашы аскер бӧлӱмӱндӓ, ани ады Италийа бӧлӱмӱ.

Yaptıklar 27:11

Ама аскер ӱзбашы таа чок сеследи капитаны хем геминин чорбаӂысыны, некадар Павлийи.

Yaptıklar 18:2

Орада булду бир иудей, ады Акила, ани дууду Понт долайында. О аз ӧнӂӓ Италийадан гелмишти карысыннан, Прискиллайлан, зерӓ император Клавдий сымарладыйды хепси иудейлӓр Рома касабасындан гитсиннӓр. Павли оннара гитти.

Çıfıtlara 13:24

Селӓмнейин сизин ӧндерӂилери хем Аллахын бӱтӱн айоз халкыны. Италийадан оланнар селӓм йоллээрлар сизӓ.

Yaptıklar 28:16

Биз етиштик Рома касабасына, /аскер ӱзбашы верди капанӂылары бекчилерин заабидинӓ, ама/ Павлийӓ изин верилди, айыры йашасын бир аскерлӓн, ангысы беклӓрди ону.

Yaptıklar 27:43

Ама ӱзбашы, ангысы истӓрди Павлийи куртармаа, дургутту бу нееттӓн оннары да сымарлады, ким билер ӱзмӓӓ, илкин атласын да ӱзсӱн кенара,

Yaptıklar 27:6

Орада ӱзбашы булду Александрийа касабасындан бир геми, ани ӱзӓрди Италийайа, да пиндирди бизи она.

Yaptıklar 24:23

Сора о сымарлады ӱзбашына беклесин Павлийи, ама таа сербест браксын хем дургутмасын йакын оланнарыны, ки измет етсиннӓр она.

Yaptıklar 23:17

Павли чаарды бир ӱзбашыны да деди: «Гӧтӱр бу генч оланы бинбашына, зерӓ онда вар несӓ сӧлесин она».

Yaptıklar 23:11

Ертеси геӂӓ Сааби гӧрӱндӱ Павлийӓ да деди: «Гиргин ол, Павли, зерӓ ниӂӓ шаатлык еттин Беним ичин Иерусалимдӓ, хеп ӧлӓ лӓӓзым олаӂэк, шаатлык едӓсин Ромада да».

Yaptıklar 22:26

Ишидип буну, ӱзбашы йаклашты да хабер верди бинбашына, дейип: «Бак, не йапаӂан? Бу адам – Рома ватандашыймыш».

Yaptıklar 21:32

Аскер бинбашы ойаланмайарак алды аскерлери хем аскер ӱзбашларыны, да алатладылар калабалаа доору. Инсан, гӧрӱп аскер бинбашыны хем аскерлери, дургунду Павлийи дӱӱмектӓн.

Yaptıklar 19:21

Ачан бу ишлӓр олду, Павли карарлады, Македонийа хем Ахайа ерлериндӓн гечип, Иерусалимӓ гитсин. О деди: «Иерусалимдӓн сора Рома касабасыны да гӧрейим гидерим».

Yaptıklar 16:10

Павлинин гӧрӱмӱндӓн сора биз хемен бактык гиделим Македонийайа, зерӓ аннадык, ани Аллах чаарэр бизи, ки орада аннадалым Ии Хабери.

Yaptıklar 10:22

Оннар дедилӓр: «Корнилий, аскер ӱзбашы, Аллахтан коркан доору бир адам, беенилмиш хепси иудей инсанындан, алды сымарламак бир айоз ангилдӓн, ки теклиф етсин сени кенди евинӓ да сеслесин, не сӓн сӧлейеӂӓн».

Luka 23:47

Аскер ӱзбашы, гӧрӱп, не олду, метиннеди Аллахы, дейип: «Хакына, ани бу Адам кабаатсызды!»

Luka 7:2

Бир аскер ӱзбашы, кимин чыраа хастайды ӧлӱм дӧшеендӓ, ангысыны о пек беенӓрди,

Matfey 27:54

Аскер ӱзбашы хем аскерлӓр, ани бекчилик едӓрдилӓр Иисусун йанында, ачан гӧрдӱлӓр ер тепремесини хем хепсини, не олду, пек корктулар да дедилӓр: «Хакына, О Аллахын Оолуйду!»

Yaptıklar 28:1

Куртулдуктан сора аннадык, ани аданын ады Малта.