Yaptıklar 26:16 - Ени Бааланты

¹⁶ Хайди шинди калк айакча да дик дур, зерӓ Бӓн гӧрӱндӱм сана, ки койайым сени изметкӓр хем шаат, ниӂӓ оннар ичин, не гӧрдӱн хем не дӓ ачаӂам сана.

Enі Baalantı

¹⁶ Haydi şindi kalk ayakça da dik dur, zerä Bän göründüm sana, ki koyayım seni izmetkär hem şaat, nicä onnar için, ne gördün hem ne dä açacam sana.

Yaptıklar 26:16 Referans Kwoze

1 Tіmofeyä 1:12

Шӱкӱр едерим Иисус Христоза, бизим Саабийӓ, Ангысы бени каавилетти, зерӓ О сайды бени инанч да алды изметинӓ,

Galatіyalılara 1:12

Зерӓ бӓн каблеттим хем ӱӱрендим ону диил инсандан, ама Иисус Христозун ачыкламасындан.

Romalılara 15:16

ки Иисус Христозун изметкери олайым миллетлерин арасында. Бӓн чалышэрым айоз изметчиликтӓ, насаат едерӓк Аллахын Ии Хаберини, ки миллетлӓр олсуннар Аллахтан кабледилмиш курбан гиби, ани Айоз Духтан айозланмыш.

Koloslulara 1:25

Бӓн клисенин изметкери олдум Аллахын сырасына гӧрӓ. Бу измет бана верилди сизин хатырыныз ичин, ки насаат едейим херердӓ Аллахын сӧзӱнӱ,

Koloslulara 1:23

Бу олур, еер сиз темелленмиш хем салланмадык инанда дурурсайдыныз да йыракланмарсайдыныз умуттан, ани гелер Ии Хабердӓн. Сиз ишиттиниз бу Ии Хабери, ангысы насаат олунду хепси инсаннара гӧк алтында. Бӓн, Павли, бу Ии Хаберин изметкерийим.

Galatіyalılara 2:2

Аллахын ачыкламасына гӧрӓ гиттим да, гӧрӱшерӓк салт ӱстӱн сайыланнарлан, оннара аннаттым Ии Хабери, ангысыны насаат едерим йабанӂы миллетлерӓ, ки наафилӓ чалышмайым йада чалышмыш олмайым.

Yaptıklar 23:11

Ертеси геӂӓ Сааби гӧрӱндӱ Павлийӓ да деди: «Гиргин ол, Павли, зерӓ ниӂӓ шаатлык еттин Беним ичин Иерусалимдӓ, хеп ӧлӓ лӓӓзым олаӂэк, шаатлык едӓсин Ромада да».

2 Tіmofeyä 4:5

Ама сӓн хербир иш ӱзерӓ кушку ол, зеетлерӓ дайан, Ии Хабери насаат ет, изметчилиини таманна.

1 Tіmofeyä 4:6

Еер буннары кардашлара аннадырсайдын, Иисус Христозун бир ии изметкери олаӂан, бесленмиш инан сӧзлериннӓн хем ии ӱӱретмӓклӓн, не изледин шиндийӓ кадар.

1 Salonіklіlerä 3:2

да йолладык Тимофейи, бизим кардашы хем кафадары Аллах ичин, ки Христозун Ии Хаберини насаат етсин да каавилесин хем гиргиннетсин сизи инанда,

Koloslulara 1:7

ниӂӓ ӱӱрендиниз Епафрастан, бизим севгили кафадарымыздан, ангысы Иисус Христозун инанч изметкеридир сизин хатырыныз ичин.

2 Korіnflіlerä 5:18

Хепси Аллахтан, Ким Иисус Христозун араӂылыыннан барыштырды бизи Кендисиннӓн, верип бизӓ барыштырмак изметчилиини.

2 Korіnflіlerä 4:1

Онуштан, чӱнкӱ Аллахын аӂыйанныыннан бизим бӧлӓ изметчилиимиз вар, биз умуду кайбетмеериз.

Romalılara 1:5

Ондан биз каблеттик ииверги, апостол олалым Онун адыннан, ки Она инансыннар хем сеслесиннӓр хепси миллетлердӓн инсаннар,

Yaptıklar 22:10

Енидӓн сордум: „Сааби, не йапайым?“ Сааби ӂувап етти бана: „Калк да гит Дамаска, орада сана сӧленеӂек хепси, не дӱшер йапасын“.

Yaptıklar 21:19

Павли селӓмнеди оннары, сора хепсини аннатты, не йапты Аллах тайфӓннарын арасында онун изметчилииннӓн.

Yaptıklar 20:24

Ама бӓн бишейӓ бакмээрым, йашамамы да паайа коймээрым. Истеерим салт севинмӓклӓн йолуму хем изметчилиими баша чыкарайым, ани каблеттим Сааби Иисустан, да шаатлык едейим Ии Хабери Аллахын иивергиси ичин.

Yaptıklar 6:4

Ама биз кендимизи дуайа хем Аллахын сӧзӱнӱн насаадына вереӂез».

Yaptıklar 1:25

ки ер алсын изметчиликтӓ хем апостоллукта, нейи бракты Иуда, ангысы кенди еринӓ гитти».

Yaptıklar 1:17

Иуда бизим арамызданды хем пай аларды хеп бу изметчиликтӓн.

Luka 1:2

ниӂӓ етиштирдилӓр бизӓ баштан о инсаннар, ани гӧрдӱлӓр хепсини хем ангылары шинди олдулар Аллахын Сӧзӱнӱн насаатчылары.

Yaptıklar 26:15

Озаман сордум: „Саабим, Кимсин Сӓн?“ Сааби деди: „Бӓним – Иисус, Кими сӓн коолээрсын.

Efeslіlerä 3:3

Зерӓ бир ачыкламаклан О бана билдирди саклы курулмушуну, ангысы ичин таа ӧнӂӓ кысадан йаздым.