Yaptıklar 17:11 - Ени Бааланты

¹¹ Буннар таа ачык фикирлийдилӓр, некадар иудейлӓр Салониктӓ. Оннар каблеттилӓр Аллахын сӧзӱнӱ бӱӱк хавезлӓн. Хер гӱн, аараштырып Айоз Йазылары, бакардылар аннасыннар, ӧлӓ ми, ниӂӓ сӧленер.

Enі Baalantı

¹¹ Bunnar taa açık fikirliydilär, nekadar iudeylär Saloniktä. Onnar kablettilär Allahın sözünü büük havezlän. Her gün, aaraştırıp Ayoz Yazıları, bakardılar annasınnar, ölä mi, nicä sölener.

Yaptıklar 17:11 Referans Kwoze

İoan 5:39

Сиз аараштырэрсыныз Айоз Йазылары, дӱшӱнӱп, ки оннарлан еденӓсиниз дивеч йашамак. Оннар шаатлык едерлӓр Беним ичин!

1 Salonіklіlerä 2:13

Онуштан биз херзаман шӱкӱр едериз Аллаха, ки кабледип Аллахын сӧзӱнӱ, ани ишиттиниз биздӓн, каблеттиниз диил ниӂӓ адам сӧзӱнӱ, ама ниӂӓ Аллахын сӧзӱнӱ, ниӂӓ дӓ хакына вар хем ангысы сиздӓ, инанӂыларда, ишлеер.

Matfey 13:23

Тоомнар, екилмиш ии топраа, оннардыр, ким, ишидип сӧзӱ, аннээр да берекет гетирер: бир тоом ӱз, башкасы алтмыш, таа башкасы отуз катына».

1 Salonіklіlerä 1:6

Сиз бизӓ хем Саабийӓ бензӓр олдунуз, кабледип Аллахын сӧзӱнӱ чок зеет ичиндӓ, севинмеликлӓн, ани гелер Айоз Духтан.

İoan 3:21

Ама ким йашээр аслылаа гӧрӓ, о гелер айдыннаа, гӧрӱнсӱн дейни йаптыклары, ани Аллахын кувединнӓн йапылы».

2 Salonіklіlerä 2:10

хем хертӱрлӱ кӧтӱ шалвирлии, ки кайыплык йолунда оланнары алдатсын. Оннар кайбелеӂеклӓр, зерӓ истӓмеерлӓр севмӓӓ аслылыы, куртулсуннар дейни.

1 Petrіnіn 2:2

Ниӂӓ ени дуумуш евлатлар ӧзлеер сӱт, ӧзлейин Аллахын хализ Сӧзӱнӱ, ки сиз, бунуннан бӱӱйӱп, еденӓбилӓсиниз куртулмак.

Luka 24:44

Сора деди: «Не сӧледийдим сизӓ, ачан таа булунардым сизиннӓн, ани хепси, не вар йазылы Моисейин Законунда, пророкларын кийатларында хем Псалмаларда Беним ичин, лӓӓзым таманнансын».

İakovun 1:21

Онуштан бракылын хертӱрлӱ кирли ишлердӓн хем кӧтӱлӱктӓн, ани хер тарафа йайылмыш, да йавашлыклан кабледин екилмиш сӧзӱ, ани вар ниӂӓ куртарсын ӂаннарынызы.

Yaptıklar 10:33

Осаат йолладым сенин ардына, да ислӓӓ йаптын, ани гелдин. Шинди биз хепсимиз дурэрыз Аллахын ӧнӱндӓ, ки сеслейелим хепсини, не Сааби сымарлады сана».

Yaptıklar 2:41

Хепси, ким каблетти онун насаадыны, ваатиз олдулар, да о гӱн клисейӓ еклешти бир ӱч бин киши.

Yaptıklar 17:1

Амфиполис хем Аполлонийа касабаларындан гечтиктӓн сора Павли хем Сила гелдилӓр Салоник касабасына, нередӓ варды иудейлерин синагогасы.

Yaptıklar 11:1

Апостоллар хем Иудейанын хер тарафындан кардашлар ишиттилӓр, ани йабанӂылар да каблеттилӓр Аллахын сӧзӱнӱ.

Luka 16:29

Авраам ӂувап етти: „Вар оннарда Моисей хем пророклар, оннары сеслесиннӓр“.

Luka 1:2

ниӂӓ етиштирдилӓр бизӓ баштан о инсаннар, ани гӧрдӱлӓр хепсини хем ангылары шинди олдулар Аллахын Сӧзӱнӱн насаатчылары.

Luka 11:3

Хергӱнкӱ екмеемизи хер гӱн бизӓ вер.