Yaptıklar 16:9 - Ени Бааланты

⁹ Павли геӂӓ гӧрдӱ бир гӧрӱм. Бир адам Македонийадан, ӧнӱндӓ дуруп, йалварарды: «Геч Македонийайа да йардым ет бизӓ».

Enі Baalantı

⁹ Pavli gecä gördü bir görüm. Bir adam Makedoniyadan, önündä durup, yalvarardı: «Geç Makedoniyaya da yardım et bizä».

Yaptıklar 16:9 Referans Kwoze

Yaptıklar 19:21

Ачан бу ишлӓр олду, Павли карарлады, Македонийа хем Ахайа ерлериндӓн гечип, Иерусалимӓ гитсин. О деди: «Иерусалимдӓн сора Рома касабасыны да гӧрейим гидерим».

Yaptıklar 18:5

Ачан Сила хем Тимофей гелдилӓр Македонийадан, Павли хептӓн верилди шаатлык етсин иудейлерӓ, аннадып оннара, ани Иисус – Христос.

Romalılara 15:26

Зерӓ Македонийадан хем Ахайадан инанӂылар кайыл олдулар, топласыннар йардым фукааралар ичин Аллахын айоз халкындан, оннар ичин, кимнӓр йашээрлар Иерусалимдӓ.

Yaptıklar 20:1

Карышмалык усланмасындан сора Павли топлады ӱӱрениӂилерини, гиргиннетти оннары, сора сӧледи оннара «калын саалыӂаклан» да йолланды йола, Македонийайа гитмӓӓ.

1 Salonіklіlerä 4:10

Аслы, ани северсиниз хепси кардашлары, ким булунэр Македонийада, ама сизӓ йалварэрыз, кардашлар, бу ӱзерӓ таа илерлейин.

2 Korіnflіlerä 12:7

Ки кабармайым бу ачыкламакларын чоклуундан, бана бир тикен батсын гӱӱдемӓ, верилди, шейтанын хаберӂиси, ки йумурукласын бени, кабармайым дейни.

2 Korіnflіlerä 11:9

Зерӓ беним йоклууму Македонийадан гелӓн кардашлар долдурдулар. Хербир иш ӱзерӓ сакындым хем сакынаӂам да, ки бишейлӓн ӱк олмайым сизӓ.

2 Korіnflіlerä 9:2

Билерим, ани хавезсиниз йардым етмӓӓ, бунуннан ӱӱнерим македонийалыларын ӧнӱндӓ. Оннара дедим, ани сиз ахайалылар гечӓн йылдан беери хазырсыныз бу иши йапмаа. Сизин чалышканныыныз оннардан чойуну хавезлендирди.

2 Korіnflіlerä 8:1

Кардашлар, истеерим аклыныза гетирейим иивергийи, не Аллах Македонийа клиселеринӓ верди.

2 Korіnflіlerä 7:5

Зерӓ, ачан гелдик биз Македонийайа, гӱӱдемизин раатлыы олмады. Хер тарафтан зеетлендик – дышандан дӱӱшлӓр, ичйандан корку.

Yaptıklar 20:3

Орада ӱч ай калдыктан сора Павли истеди гемийлӓн гитсин Сирийайа, ама иудейлӓр кӧтӱ неет курдулар она каршы. Онуштан карарлады дӧнсӱн геери Македонийадан.

Yaptıklar 10:30

Озаман Корнилий ӂувап етти: «Дӧрт гӱн геери бу саада доору /бӓн оруч тутардым, да/ докузунӂу саатта дуа едӓрдим кенди евимдӓ. Ансыздан пейдаланды беним ӧнӱмдӓ бир адам йалабык рубайлан.

Yaptıklar 10:3

Гӱндӱз, бир докузунӂу саатта, бир гӧрӱмдӓ о ачык гӧрдӱ Аллахтан бир ангил, ангысы гелди она да деди: «Корнилий!»

Yaptıklar 9:38

Чӱнкӱ Лидда йакын Иоппийа касабасына, ӱӱрениӂилӓр, ишидип, ани Петри орада, йолладылар она ики киши, ани йалвардылар: «Ойаланма, гел бизӓ!»

Yaptıklar 16:10

Павлинин гӧрӱмӱндӓн сора биз хемен бактык гиделим Македонийайа, зерӓ аннадык, ани Аллах чаарэр бизи, ки орада аннадалым Ии Хабери.

Yaptıklar 16:12

Ордан гиттик Филип касабасына, ангысы Рома колонийасы Македонийанын илк бӧлӱмӱндӓ. Бу касабада дурдук биркач гӱн.

Yaptıklar 19:22

Онун йардымӂыларындан икисини йоллады Македонийайа, Тимофейи хем Ерасты, ама кендиси калды бир парча вакыт Асийада.

Yaptıklar 19:29

Бӱтӱн касаба карышты. Инсан тутту македонийалылары, Гайы хем Аристархы, Павлинин йолдашларыны да бирликтӓ ӱӱштӱлӓр театру ичинӓ.

Yaptıklar 27:2

Биз пиндик бир гемийӓ Адрамит касабасындан, ангысы лӓӓзымды ӱзсӱн Асийанын йанындан, да йола чыктык. Бизимнӓн гелди Аристарх Македонийадан, Салоник касабасындан.