Yaptıklar 13:39 - Ени Бааланты

³⁹ да пакланасыныз хепсиндӓн, недӓн пакламады Моисейин Закону.

Enі Baalantı

³⁹ da paklanasınız hepsindän, nedän paklamadı Moiseyin Zakonu.

Yaptıklar 13:39 Referans Kwoze

Galatіyalılara 2:16

Хеп окадар билериз, ани инсан доору сайылмээр Айоз Закону таманнамаклан, ама инаннан Иисус Христоза. Онуштан биз дӓ инандык Христос Иисуса, ки инаннан Христоза доору сайылалым, ама диил Закону таманнамаклан. Зерӓ кимсей доору сайылмайаӂэк Закону таманнамаклан.

Romalılara 10:4

Зерӓ Христос – Законун биткиси, ки херкези, ким инанэр, доорулук еденсин.

Romalılara 8:3

Не Закон йапамады, чӱнкӱ теннӓн йуфкаланды, Аллах йапты. О йоллады Кенди Оолуну, бензӓр гӱнахкер инсана, курбан олсун гӱнах ичин, да даава етти гӱнахы, ани вар инсан тениндӓ,

Çıfıtlara 7:19

Зерӓ Закон бишей йапамады таман. Онун еринӓ верилди таа ии умут, ангысыннан биз йаклашэрыз Аллаха.

Romalılara 10:10

Зерӓ ким ӱректӓн инанэр, о доорулук еденер, хем ким аазындан шаатлык едер, о куртулмак еденер.

Romalılara 8:1

Ӧлӓ ки, Аллах оннары шинди даава етмеер, ким йашээр Иисус Христозда /– оннары, ким йашамээр тенӓ гӧрӓ, ама Духа гӧрӓ/.

Romalılara 4:15

Зерӓ Закон Аллахын ӱфкесини гетирер, ама нередӓ йок закон, орада йок закон басмасы да.

Romalılara 3:19

Ама биз билериз, не сӧленер Айоз Законда, сӧленер оннара, ким Законун запында, ӧлӓ ки хербир ааз капансын, да бӱтӱн дӱннӓ Аллахын ӧнӱндӓ кабаатлы калсын.

Romalılara 5:20

Айоз Закон сора верилди, ки кабаатлар зееделенсин, ама нередӓ гӱнах чоклашты, орада Аллахын иивергиси таа чок зееделенди,

Romalılara 5:9

Некадар таа чок шинди, незаман Онун каныннан доору сайылдык, Аллахын ӱфкесиндӓн Онун йардымыннан куртулаӂэз.

İoan 1:17

Зерӓ Закон Моисей ашыры верилди, ама хайыр хем аслылык Иисус Христос ашыры гелди.

Çıfıtlara 10:11

Хербир попаз, гӱн гӱндӓн изметчилик йапарак, чок сыра гетирер хеп о курбаннары, ангылары бир сыра билӓ йок едӓмӓз гӱнахы.

Çıfıtlara 10:4

Зерӓ йок насыл буалар хем текелӓр каны гӱнахы йок етсин.

Romalılara 5:1

Шинди инаннан доору сайылмыш, биз Аллахлан услулук едендик. Буну йапты Саабимиз Иисус Христос,

Romalılara 4:24

ама бизим ичин дӓ, ани доору сайылаӂэз, зерӓ инанэрыз Она, Ким дирилтти Саабимизи Иисусу ӧлӱдӓн.

Yaptıklar 10:43

Хепси пророклар Онун ичин шаатлык едерлӓр, ани херкезин, ким Она инанэр, гӱнахлары афедилир Онун адыннан».

Galatіyalılara 5:3

Енидӓн хабер верерим херкезинӓ, ким кесиклик йапэр, ани о борчлу таманнасын бӱтӱн Закону.

Galatіyalılara 3:8

Айоз Йазыда вакытча хаберленди, ани Аллах аклээр йабанӂы миллетлердӓн оланнары инаннан. Онуштан илкин Авраама бу ии хабер верилди: «Сендӓ иисӧзленеӂек хепси миллетлӓр».

Galatіyalılara 2:19

Зерӓ Законун йардымыннан бӓн, Законун заплыындан куртулуп, сансын ӧлдӱм, ки Аллах ичин йашайым.

1 Korіnflіlerä 6:11

Бутӱрлӱйдӱ киминиз сиздӓн, ама йыкандыныз, айозландыныз, акландыныз Сааби Иисус Христозун адыннан хем бизим Аллахын Духуннан.

Romalılara 9:31

Ама Израил, ани аарарды закону, ангысыннан доору сайылсын, бутӱрлӱ закон буламады.

İoan 5:24

Доору, доору сӧлеерим: ким сеслеер Беним сӧзӱмӱ да инанэр Она, Ким Бени йоллады, онун вар дивеч йашамасы, о гелмеер даавайа, ама гечти ӧлӱмдӓн йашамайа.

Luka 18:14

Доору сӧлеерим сизӓ, бу харччы Аллахын гӧзӱндӓ таа доору гитти евӓ, некадар фарисей. Зерӓ ким кендини ӱӱсеклендирер, о ашааландырылаӂэк, ким кендини ашааландырэр, о ӱӱсеклендирилеӂек».

Luka 10:28

Иисус деди она: «Доору ӂувап еттин, йап ӧлӓ да йашайаӂан».

Luka 10:25

Бир закон ӱӱредиӂиси калкты денесин Иисусу да деди: «Ӱӱредиӂи, не йапайым, ки дивеч йашамак еденейим?»

Romalılara 3:20

Зерӓ Закону таманнамаклан Аллахын ӧнӱндӓ кимсей доору чыкмайаӂэк, зерӓ Закондан белли олэр, ани инсан гӱнахкер.