Yaptıklar 1:14 - Ени Бааланты

¹⁴ Хепси барабар, ниӂӓ бир ӂан, дурмадаан дуа едӓрдилӓр, Марийайлан, Иисусун анасыннан, ӧбӱр карыларлан хем Иисусун кардашларыннан.

Enі Baalantı

¹⁴ Hepsi barabar, nicä bir can, durmadaan dua edärdilär, Mariyaylan, İisusun anasınnan, öbür karılarlan hem İisusun kardaşlarınnan.

Yaptıklar 1:14 Referans Kwoze

Efeslіlerä 6:18

Херзаман духча дуа един хертӱрлӱ дуаларлан хем йалвармакларлан. Бунун ичин уйанык дурун бӱтӱн дайанмаклан хем йалвармаклан Аллахын хепси айоз халкы ичин.

Yaptıklar 6:4

Ама биз кендимизи дуайа хем Аллахын сӧзӱнӱн насаадына вереӂез».

Koloslulara 4:2

Херзаман верилин дуайа. Дуа едӓркӓн, кушку олун хем шӱкӱр един.

Yaptıklar 2:42

Оннар херзаман чалышардылар апостолларын ӱӱренмеклериндӓ бир кардаш пайдашлыында. Барабар екмек ийӓрдилӓр хем дуа едӓрдилӓр.

Romalılara 12:12

Умутлан севинин, зееттӓ сабурлу олун, кендинизи дуайа верин.

Luka 18:1

Иисус сӧледи ӱӱрениӂилеринӓ бир ӧрнек, ки гӧстерсин, ани лӓӓзым херзаман дуа етмӓӓ да хич бракылмамаа:

Matfey 21:22

Инаннан дуа едӓрсейдиниз, не дӓ истейеӂениз, кабледеӂениз».

Yaptıklar 2:1

Еллинӂи гӱнӱ йортусунда хепси бирердӓ топлуйдулар.

Luka 11:13

Еер сиз, ани фенайсыныз, билӓрсениз ушакларыныза ии баашышлар вермӓӓ, некадар таа чок сизин Гӧктеки Бобаныз вереӂек Айоз Духу оннара, ким Ондан истейеӂек».

Yaptıklar 2:46

Хер гӱн хепси барабар топланардылар Айоз бинайа хем евлердӓ екмек пайедӓрдилӓр да севинмӓклӓн хем пак ӱреклӓн ийӓрдилӓр.

Luka 24:53

Херзаман гидип Айоз бинайа, Аллахы метиннӓрдилӓр. /Амин./

Matfey 12:46

Ачан Иисус насаат едӓрди инсана, Онун анасы хем кардашлары, дышарда дуруп, бакардылар Онуннан лафетмӓӓ.

Luka 24:10

Ким бу хабери гетирди, буннарды: Марийа Магдалина, Иоана, Марийа, Иаковун анасы, хем каланы, ким оннарлан барабарды.

Luka 23:55

Карылар, ангылары гелдийдилӓр Иисуслан Галилейадан, гиттилӓр Иосифин ардына, гӧрдӱлӓр мезары хем насыл ерлештирилди Иисусун гӱӱдеси мезар ичинӓ.

Luka 23:49

Хепси, ким Иисусу таныйарды, хем карылар, ангылары Галилейадан гелдийдилӓр, дурурдулар узакта да бакардылар, не олэр.

Mark 16:1

Ачан гечти ӂумертеси, Марийа Магдалина, Марийа, Иаковун анасы, хем Саломе сатын алдылар кокулук, ки гитсиннӓр да йааласыннар Иисусун гӱӱдесини.

Mark 15:40

Оннардан башка орада варды карылар, ани узактан-узаа сииредӓрдилӓр: Марийа Магдалина, Марийа, кӱчӱк Иаковун хем Иосифин анасы, хем Саломе,

Matfey 27:55

Орада варды чок кары, ангылары узактан сииредӓрдилӓр, хем ангылары Галилейадан гиттийдилӓр Иисусун ардына, измет едерӓк Она.

Luka 24:33

Оннар хич ойаланмадылар, калкып, геери Иерусалимӓ дӧндӱлӓр. Орада булдулар онбир апостолу хем башка ӱӱрениӂилери, бирердӓ топлу,

Luka 8:20

Биркимсей деди Иисуса: «Сенин анан хем кардашларын, дышарда дуруп, истеерлӓр Сениннӓн гӧрӱшмӓӓ».

1 Korіnflіlerä 14:13

Онуштан, ким лафедер башка дилдӓ, дуа етсин, ки чевирӓбилсин, не лафедер.