Tіta 3:8 - Ени Бааланты

⁸ Аслыдыр бу сӧз, да бӓн истеерим, ани сӓн буннары каавилейӓсин, ки оннар, ким Аллаха инанды, баксыннар кендилерини вермӓӓ ии ишлерӓ, зерӓ буннар ии хем файдалы адама.

Enі Baalantı

⁸ Aslıdır bu söz, da bän isteerim, ani sän bunnarı kaavileyäsin, ki onnar, kim Allaha inandı, baksınnar kendilerini vermää ii işlerä, zerä bunnar ii hem faydalı adama.

Tіta 3:8 Referans Kwoze

Tіta 3:14

Ко бизимкилӓр дӓ ӱӱренсиннӓр кендилерини вермӓӓ ии ишлерӓ да йардым етмӓӓ зорлукта оланнара, ки мейвасыз калмасыннар.

Tіta 2:14

О верди Кендини бизим ичин курбан олсун, ки куртарсын бизи хертӱрлӱ законсузлуктан да, паклайып, бир айыры инсан Кендинӓ йапсын, чалышкан ии ишлӓр йапмаа.

Tіta 1:9

Тутунсун инан сӧзӱндӓн, не ӱӱренди, беӂерсин клисейи саа ӱӱретмӓклӓн гиргиннетмӓӓ хем каршы дураннары азарламаа.

Tіta 3:1

Инанӂылара аклына гетир, кулланыӂылара хем заабитлерӓ ӧн версиннӓр, оннары сеслесиннӓр да хербир ии ишӓ хазыр олсуннар.

1 Petrіnіn 1:21

Онун араӂылыыннан Аллаха инандыныз, Ангысы дирилтти Ону ӧлӱдӓн да верди Она метинник, ки инанасыныз хем умутланасыныз Аллаха.

1 Tіmofeyä 1:15

Аслыдыр хем йарашэр, ки херкезиндӓн кабледилсин о сӧз, ани деер: «Иисус Христос гелди бу дӱннейӓ, ки гӱнахкерлери куртарсын», ангыларындан бӓн ен кӧтӱсӱйӱм.

Romalılara 4:5

Ким кенди ишлеринӓ умутланмээр, ама инанэр Она, Ким аллахсызы доору сайэр, инаннан она доорулук сайылэр.

İoan 12:44

Иисус бӱӱк сеслӓн деди: «Ким инанэр Бана, о инанмээр Бана, ама инанэр Она, Ким Бени йоллады.

İoan 5:24

Доору, доору сӧлеерим: ким сеслеер Беним сӧзӱмӱ да инанэр Она, Ким Бени йоллады, онун вар дивеч йашамасы, о гелмеер даавайа, ама гечти ӧлӱмдӓн йашамайа.

Fіlіmona 1:11

Бир вакыт о сана йарамарды, ама шинди йарар хем сана, хем бана.

2 Korіnflіlerä 4:13

Чӱнкӱ биздӓ вар хеп о инан духу, ниӂӓ йазылы: «Инандым, онуштан лафеттим», биз дӓ инанэрыз, онуштан лафедериз,

Yaptıklar 12:15

Оннар дедилӓр она: «Сӓн дели мийсин?» Ама о бакарды аннатсын, ани сӧледиклери аслы, онуштан оннар дедилӓр: «Бу олмалы онун ангили».

Efeslіlerä 4:28

Ким хырсызлык йапарды, шиндӓн сора хырсызлык йапмасын. Терсинӓ, чалышсын да кенди еллериннӓн файдалы ишлӓр йапсын, ки олсун колай йоклукта оланнара йардым етсин.

1 Tіmofeyä 2:8

Онуштан истеерим, ки херердӓ адамнар дуа етсиннӓр, калдырып пак еллерини, ӱфкесиз хем чекишсиз.

1 Tіmofeyä 5:10

ии ишлери ичин билинӓн, ушак бӱӱтмӱш, мусаафир каблетмиш, Аллахын айоз халкынын айакларыны йыкамыш, сыкынтыда оланнара йардым етмиш хем чалышканныклан хертӱрлӱ иилик йапмыш.

2 Tіmofeyä 1:12

Бу бетерӓ бӓн бӧлӓ зеетленерим, ама хич утанмээрым, зерӓ билерим, Кимӓ инандым хем чок инанэрым, ани Онун вар куведи о Гӱнӓ кадар, корусун ону, не бана верилди.

Tіta 2:7

Хербир иш ӱзерӓ гӧстер кендини ӧрнек ии ишлӓр йапарак. Ӱӱретмендӓ пак ол, кендини доору гӧтӱр, есаплы ол.

Çıfıtlara 10:24

Чалышалым бири-биримизи хавезлендирмӓӓ, ки севгийлӓн иилик йапалым.

Matfey 20:4

Сора деди оннара: „Сиз дӓ гидин беним баайымда ишлемӓӓ. Не дӱшер, ӧдейеӂӓм сизӓ“. Оннар гиттилӓр.