Tіta 3:14 - Ени Бааланты

¹⁴ Ко бизимкилӓр дӓ ӱӱренсиннӓр кендилерини вермӓӓ ии ишлерӓ да йардым етмӓӓ зорлукта оланнара, ки мейвасыз калмасыннар.

Enі Baalantı

¹⁴ Ko bizimkilär dä üürensinnär kendilerini vermää ii işlerä da yardım etmää zorlukta olannara, ki meyvasız kalmasınnar.

Tіta 3:14 Referans Kwoze

Koloslulara 1:10

Дуа едериз, ани йашаманыз Саабийӓ йакышсын да хербир иш ӱзерӓ беендирӓсиниз кендинизи Она, хертӱрлӱ ииликлӓрлӓн мейва гетирӓсиниз хем илерлейӓсиниз Ону танымакта,

Tіta 3:8

Аслыдыр бу сӧз, да бӓн истеерим, ани сӓн буннары каавилейӓсин, ки оннар, ким Аллаха инанды, баксыннар кендилерини вермӓӓ ии ишлерӓ, зерӓ буннар ии хем файдалы адама.

Fіlіplіlerä 1:11

долу доорулук мейвасыннан, ани гелер Иисус Христоздан, Аллахын шаны ичин хем метиннии ичин.

Matfey 7:19

Хербир фидан, ани йапмээр ии мейва, кесилер да атешӓ атылэр.

2 Petrіnіn 1:8

Еер буннар сиздӓ варса хем зееделенирсӓ, олмайаӂэныз файдасыз хем калмайаӂэныз мейвасыз танымакта бизим Саабимизи Иисус Христозу.

Fіlіplіlerä 4:17

Сӧлеерим буну, диил ани баашыш аарээрым. Терсинӓ, аарээрым бир казанч сизин файданыз ичин.

Efeslіlerä 4:28

Ким хырсызлык йапарды, шиндӓн сора хырсызлык йапмасын. Терсинӓ, чалышсын да кенди еллериннӓн файдалы ишлӓр йапсын, ки олсун колай йоклукта оланнара йардым етсин.

İoan 15:16

Сиз Бени сечмединиз, ама Бӓн сизи сечтим. Сыраладым, гидип, мейва гетирӓсиниз, да хожма олсун мейваныз, ки не дӓ истейеӂениз Бобадан Беним адыма, сизӓ версин.

İoan 15:8

Еер йапарсайдыныз чок ӱзӱм, бунуннан Беним Бобам олаӂэк метинненмиш, да бутӱрлӱ олаӂэныз Беним ӱӱрениӂилерим.

2 Salonіklіlerä 3:8

Кимсейин екмеени ӂабадан имедик, ама ишледик хем саваштык, чалышарак геӂӓ-гӱндӱз, ки аарлык йапмайалым сизӓ.

Yaptıklar 20:35

Хербир ӱзерӓ сизӓ гӧстердим, ани, бутӱрлӱ ишлейип, лӓӓзым йардым еделим йуфка оланнара да унутмайалым Сааби Иисусун сӧзлерини, зерӓ О Кендиси деди: „Таа мутлу вермӓӓ, некадар алмаа“».

Matfey 21:19

Йол бойунда гӧрдӱ бир инӂир фиданы. Йаклашып она, йапраклардан каарӓ бишей булмады да деди: «Бӱӱндӓн ӧтӓӓ хич мейва йапмайасын!» Инӂир фиданы осаат куруду.

Yaptıklar 18:3

Чӱнкӱ оннарын занаатлары биртӱрлӱйдӱ, Павли оннарда калып, барабар ишледи. Оннарын занаатлары чадыр курмасыйды.

1 Salonіklіlerä 2:9

Сиз аклыныза гетирин, кардашлар, бизим аар ишимизи хем савашмамызы, ниӂӓ геӂӓ-гӱндӱз ишледик, ки сиздӓн кимсейӓ аарлык йапмайалым, да насаат еттик сизӓ Ии Хабери Аллах ичин.

Romalılara 15:28

Йаптыктан сора бу иши – гӧтӱрдӱктӓн сора оннара хепси бу баашышлары, сиздӓн гечип, Испанийайа гидеӂӓм.

Romalılara 12:13

Пайедин, не сиздӓ вар Аллахын айоз халкына, ачан о йоклукта. Бакын мусаафирӂи олмаа.

Fіlіplіlerä 4:16

Бӓн Салониктӓ булунаркан, сиз биркач сыра йардым йолладыныз бана, ачан зорум варды.

Tіta 2:8

Сӧлӓ саа лафлар, ангыларына кимсей маана буламар, ки бизӓ каршы денклешеннӓр бишей фена сӧлейӓмесиннӓр да утанмыш калсыннар.