Tіta 2:13 - Ени Бааланты

¹³ Шинди беклеериз бизим мутлулук умуду, бизим бӱӱк Аллах хем Куртарыӂы Иисус Христос шанныкта пейдалансын.

Enі Baalantı

¹³ Şindi bekleeriz bizim mutluluk umudu, bizim büük Allah hem Kurtarıcı İisus Hristos şannıkta peydalansın.

Tіta 2:13 Referans Kwoze

2 Tіmofeyä 4:8

Шиндӓн сора бана хазыр дурэр доорулук фенеци, ани Сааби, Доору Дааваӂы, о Гӱндӓ вереӂек бана, диил саде бана, ама хепсинӓ, ким ӧзлемӓклӓн беклеер Онун гелмесини.

1 Korіnflіlerä 1:7

Ӧлӓ ки, сиз геери калмээрсыныз хич бир баашышта, беклӓркӓн Иисус Христозун гелмесини.

Matfey 16:27

Зерӓ Адам Оолу гелеӂек Гӧктеки Бобасынын метиннииндӓ Кенди ангиллериннӓн барабар да херкезинӓ ишлеринӓ гӧрӓ ӧдейеӂек.

Tіta 1:2

хем темелли дивеч йашамак умуду ӱстӱндӓ, ангысыны Аллах, ани хич йалан сӧлӓмеер, адады баштан дивечликтӓн.

Mark 14:62

Иисус ӂувап етти: «Бӓним, хем сиз гӧреӂениз Аллахын Оолуну, отураркан Кудретлинин саа тарафында хем гелӓркӓн гӧк булутларыннан».

Çıfıtlara 9:28

хеп ӧлӓ Христос да Кендини бир сыра курбан гетирди, ки чок инсанын гӱнахларыны ташысын. Икинӂи сыра гӧстерилеӂек, диил ки курбан олсун гӱнах ичин, ама куртарсын оннары, ким Ону беклеер.

2 Petrіnіn 3:18

Ама каавиленин бизим Сааби хем Куртарыӂы Иисус Христозун иивергисиннӓн хем Ону танымаклан. Она метинник олсун шинди хем дивеӂинӓ. Амин.

2 Korіnflіlerä 4:4

инансызлар ичин, кимин фикирлерини бу заманын аллахы кӧӧр етти, ки оннары айдыннатмасын Ии Хаберин шафкы Христозун метиннии ичин, Ким гӧрӱнмӓз Аллахын гӧрӱнмесидир.

Romalılara 15:13

Аллах, Ким умут бизӓ версин, сизи долдурсун хертӱрлӱ севинмӓклӓн хем услулуклан инанынызда, ки Айоз Духун кувединнӓн сизи умутлан зенгиннетсин.

Romalılara 5:5

Умут да утандырмээр, зерӓ Аллахын севгилии бизим ӱреклеримизӓ дӧкӱлдӱ Айоз Духлан, Ангысы бизӓ верилди.

2 Petrіnіn 1:1

Бӓн, Симон Петри, Иисус Христозун кулу хем апостолу, селӓм йоллээрым хепсинӓ, ким бизим Аллах хем Куртарыӂы Иисус Христозун доорулууна гӧрӓ, каблетти инаны, ани бизим инан гиби паалыдыр.

1 Petrіnіn 1:7

ки сизин инанынызын хализлии гӧстерилсин. Алтын, ани кайбелер, атештӓн дененер. Хеп ӧлӓ инаныныз да, ани таа паалы алтындан, дененер, ки сиздӓ метинник, шаннык хем икрам олсун Иисус Христозун гелмесиндӓ.

1 Petrіnіn 1:3

Метинник олсун Аллаха, Саабимиз Иисус Христозун Бобасына, Ангысы Кенди бӱӱк аӂыйанныындан йапты, аники енидӓн дууалым, да Иисус Христозун дирилмесиннӓн биздӓ бир ени умут олсун,

2 Tіmofeyä 4:1

Еминнеерим сени Аллахын хем Сааби Иисус Христозун ӧнӱндӓ, Ангысы даава кесеӂек дирилерӓ хем ӧлӱлерӓ, зерӓ О, гелип, падишахлык едеӂек.

2 Korіnflіlerä 4:6

Зерӓ Аллах, Ким деди: «Айдыннык шафк етсин каранныктан», О айдыннатты ӱреклеримизи, ки таныйалым Аллахын метинниини, ани шафк едер Иисус Христозун ӱзӱндӓн.

Yaptıklar 24:15

Умут едерим Аллаха, ниӂӓ оннар да инанэрлар, ани олаӂэк ӧлӱлерин дирилмеси, ниӂӓ доорулара, хем ӧлӓ доору олмайаннара да.

Mark 8:38

Еер биркимсей утанарса Бендӓн хем Беним сӧзлеримдӓн бу ороспу хем гӱнахкер бой инсанын ӧнӱндӓ, ондан утанаӂэк Адам Оолу да, ачан гелеӂек Бобасынын метиннииндӓ айоз ангиллериннӓн барабар».

Apokalіpsіs 1:7

Бак, О гелер булутларлан, да хербир гӧз Ону гӧреӂек, артык оннар да, ким Ону саплады. Хепси ердеки сенселелӓр аалайаӂэк Онун бетеринӓ. Ӧлӓ, амин!

Tіta 3:4

Ама ачан ачылды Аллахын, бизим Куртарыӂынын, иилии хем инсана севгиси,

Koloslulara 3:4

Ачан Христос, сизин йашаманыз, гӧстерилеӂек, озаман сиз дӓ метинниктӓ Онуннан барабар гӧрӱнеӂениз.

Koloslulara 1:23

Бу олур, еер сиз темелленмиш хем салланмадык инанда дурурсайдыныз да йыракланмарсайдыныз умуттан, ани гелер Ии Хабердӓн. Сиз ишиттиниз бу Ии Хабери, ангысы насаат олунду хепси инсаннара гӧк алтында. Бӓн, Павли, бу Ии Хаберин изметкерийим.

1 İoanın 4:14

Биз гӧрдӱк да шаатлык едериз, ани Боба йоллады Оолуну, ки дӱннейин Куртарыӂысы олсун.

Koloslulara 1:5

Бу инан хем севги гелер умуттан, ани гӧктӓ саклы сизин ичин. Ишиттиниз бу умут ичин хакына сӧздӓн, Ии Хабердӓн,

Matfey 26:64

«Ӧлӓ, ниӂӓ сӧледин, – ӂувап етти Иисус. – Бундан таа зеедӓ сӧлеерим сизӓ: бӱӱндӓн ӧтӓӓ гӧреӂениз Адам Оолуну отураркан Кудретлинин саа тарафында хем гелӓркӓн гӧк булутлары ӱстӱндӓ».

Matfey 25:31

Ачан Адам Оолу Кенди метиннииндӓ гелеӂек, хем хепси айоз ангиллӓр Онуннан, озаман отураӂэк Кенди метинни чорбаӂылык скемнесиндӓ.

2 Salonіklіlerä 2:16

Кендиси бизим Сааби Иисус Христос хем бизим Аллах Бобамыз, ани севди бизи да иивергисиннӓн дивеч гиргинник хем каави умут верди,

2 Salonіklіlerä 2:8

Озаман законсуз олан ачылаӂэк, ангысыны Сааби Иисус ӧлдӱреӂек Кенди аазындан солууннан да телеф едеӂек Кенди гелмесинин пейдаланмасында.

Koloslulara 1:27

Аллах истеди гӧстерсин оннара, некадар шанны хем зенгиндир миллетлӓр арасында бу саклы курулмуш. О – Христостур, метинник умуду, ани сиздӓ булунэр.

Romalılara 8:18

Бӓн есаплээрым, ки бизим шиндики зеетлеримиз бишей диил, бакарак о метиннӓӓ, ани бизӓ ачылаӂэк.

1 Tіmofeyä 1:1

Бӓн, Павли, Иисус Христозун апостолу, сыраланмыш бизим Куртарыӂы Аллахтан хем Сааби Иисус Христоздан, Ангысында бизим умудумуз,

2 Tіmofeyä 1:2

Селӓм йоллээрым Тимофейӓ, беним севгили ушаама: ииверги, аӂыйаннык, услулук Аллах Бобадан хем бизим Сааби Иисус Христоздан.

Tіta 1:4

Селӓм йоллээрым сана, Тит, ани беним хакына оолум бенимнӓн бир инанда. Ииверги, /аӂыйаннык/ хем услулук Аллах Бобадан хем бизим Куртарыӂыдан, /Сааби/ Иисус Христоздан.

İudanın 1:21

кендинизи коруйун Аллахын севгисиндӓ да беклейин бизим Сааби Иисус Христозун аӂыйанныыны, ани сизи гӧтӱрӓр дивеч йашамайа.