Romalılara 8:3 - Ени Бааланты

³ Не Закон йапамады, чӱнкӱ теннӓн йуфкаланды, Аллах йапты. О йоллады Кенди Оолуну, бензӓр гӱнахкер инсана, курбан олсун гӱнах ичин, да даава етти гӱнахы, ани вар инсан тениндӓ,

Enі Baalantı

³ Ne Zakon yapamadı, çünkü tennän yufkalandı, Allah yaptı. O yolladı Kendi Oolunu, benzär günahker insana, kurban olsun günah için, da daava etti günahı, ani var insan tenindä,

Romalılara 8:3 Referans Kwoze

Yaptıklar 13:39

да пакланасыныз хепсиндӓн, недӓн пакламады Моисейин Закону.

Galatіyalılara 3:13

Христос куртарды бизи Законун бетвасындан, ачан О бетвалы олду бизим ичин. Зерӓ вар йазылы: «Бетвалы хепси, кимин ӧлӱсӱ аачта асылы».

2 Korіnflіlerä 5:21

Христозу, Ким билмӓрди, недир гӱнах, Ону Аллах курбан верди бизим гӱнахларымыз ичин, ки Онун араӂылыыннан биз Аллахын ӧнӱндӓ доору олалым.

Çıfıtlara 10:14

Зерӓ О бир курбаннан таман йапты херзамана оннары, ким айозланмак йолунда.

1 Petrіnіn 2:24

О алды бизим гӱнахларымызы Кенди гӱӱдесиндӓ ставроза, ки биз ӧлелим гӱнах ичин да йашайалым доорулук ичин. Онун йараларыннан сиз алыштыныз.

Romalılara 6:6

Буну билериз, ани бизим ески адам Онуннан билӓ ставроза герилди, ки гӱӱдемизин гӱнахкерлии куветсиз калсын, да биз шиндӓн сора гӱнаха чырак олмайалым.

Galatіyalılara 3:21

Не дейеӂез? Закон каршы дурэр мы Аллахын адамакларына? Олмаз, бир сыра билӓ! Еер верилмиш олайды бир закон, ани гетирӓбилеӂейди йашамак, озаман доору, ани инсан доору сайылаӂэйды Закондан.

Romalılara 8:32

О, Ким Кенди Оолуну аӂымады, ама хепсимиз ичин ӧлӱмӓ верди, аӂаба насыл Онуннан барабар бизӓ хепсини вермӓз?

Romalılara 3:20

Зерӓ Закону таманнамаклан Аллахын ӧнӱндӓ кимсей доору чыкмайаӂэк, зерӓ Закондан белли олэр, ани инсан гӱнахкер.

Çıfıtlara 2:14

Ӧлӓ ки, ниӂӓ ушаклар пай алэрлар кандан хем еттӓн, хеп ӧлӓ О да пай алды кандан хем еттӓн, ки ӧлӱмнӓн телеф етсин ону, кимдӓ вар ӧлӱмӱн куведи, ангысы диавол,

Fіlіplіlerä 2:7

ама метиннииндӓн сойунуп, алды чырак симасыны да олду инсан гиби.

Çıfıtlara 10:12

Ама О, Кендини гетирип салт бир сыра курбан гӱнахлар ичин, отурду херзамана Аллахын саа тарафына.

Çıfıtlara 4:15

Биздӓ вар ӧлӓ бир Баш попаз, Ангысы йок насыл аӂымасын бизи зайыфлыкларымызда, зерӓ О дененмиш олду хербир иш ӱзерӓ бизим гиби, салт гӱнах йапмады.

Çıfıtlara 2:17

Онуштан О лӓӓзымды хербир иш ӱзерӓ бензесин кардашларына, ки олабилсин Аллахын изметиндӓ бир инанч хем аӂыйан Баш попаз да усландырсын Аллахын ӱфкесини инсанын гӱнахлары ичин.

Romalılara 9:3

Бӓн кендим кайылым, бетваланып, айырылайым Христоздан беним кардашларым ичин, беним сенселӓм ичин.

İoan 1:14

Сӧз адам олду, бизим арамызда йашады, иивергийлӓн хем аслылыклан долу. Онун метинниини гӧрдӱк, ниӂӓ Бобадан бириӂик Оолун метинниини.

İoan 9:24

Фарисейлӓр икинӂи сыра чаардылар адамы, ани кӧӧрду, да дедилӓр она: «Аллаха емин ет да доору сӧлӓ, зерӓ биз билериз, ани бу адам гӱнахкер».

Mark 15:27

Онуннан барабар ставроза гердилӓр ики хайдут: бирисини саа, ӧбӱрӱнӱ сол тарафына. /

Romalılara 7:18

Билерим, ани бендӓ, доорусу, беним тенимдӓ, йок иилик. Бендӓ вар ии истемеклӓр, ама йок кувет, йапайым не ии.