Romalılara 7:4 - Ени Бааланты

⁴ Хеп ӧлӓ сиз дӓ, кардашлар, чӱнкӱ пай алэрсыныз Христозун гӱӱдесиндӓн, ӧлдӱнӱз Закон ичин, ки бааланасыныз башкасына – Она, Ким ӧлӱдӓн дирилди. Бу олду, ки файдалы олалым Аллахын изметиндӓ.

Enі Baalantı

⁴ Hep ölä siz dä, kardaşlar, çünkü pay alêrsınız Hristozun güüdesindän, öldünüz Zakon için, ki baalanasınız başkasına – Ona, Kim ölüdän dirildi. Bu oldu, ki faydalı olalım Allahın izmetindä.

Romalılara 7:4 Referans Kwoze

1 Petrіnіn 2:24

О алды бизим гӱнахларымызы Кенди гӱӱдесиндӓ ставроза, ки биз ӧлелим гӱнах ичин да йашайалым доорулук ичин. Онун йараларыннан сиз алыштыныз.

Romalılara 8:2

Зерӓ духчасына йашамак закону Иисус Христозда бошандырды бени о закондан, ани гӱнаха хем ӧлӱмӓ гӧтӱрер.

Efeslіlerä 2:15

О Айоз Закону сымарламакларыннан хем сыраларыннан куветсиз йапты, ки, услулук гетирип, икисиндӓн бир ени адам йапсын Кендисиндӓ,

Romalılara 7:6

Ама шинди, ӧлӱп, бошандык о закондан, ангысыннан баалыйдык, ки измет еделим Аллаха Духун енилииннӓн, диил букванын ескилииннӓн.

Galatіyalılara 5:18

Еер сиз Духтан кулланылмыш оларсайдыныз, диилсиниз Законун запында.

Koloslulara 1:22

зерӓ Христос гӱӱдейӂесинӓ ӧлдӱ, ки гетирсин сизи Аллахын ӧнӱнӓ айоз, кусурсуз хем кабаатсыз.

Romalılara 6:22

Ама шинди, ачан гӱнахтан бошанмышсыныз хем Аллаха чырак олдунуз, бундан файданыз вар: айозлукта йашээрсыныз, хем бунун сону – дивеч йашамак.

Galatіyalılara 3:13

Христос куртарды бизи Законун бетвасындан, ачан О бетвалы олду бизим ичин. Зерӓ вар йазылы: «Бетвалы хепси, кимин ӧлӱсӱ аачта асылы».

Romalılara 6:14

Гӱнах сизӓ чорбаӂылык етмесин, зерӓ сиз заплы диилсиниз Айоз Законнан, ама Аллахын иивергисиннӓн.

Koloslulara 2:14

О бизим борч йазымызы силди, ани сыраларыннан бизӓ каршыйды да кабаатлы чыкарарды. Ону арадан алып, ставроза какты.

Koloslulara 1:10

Дуа едериз, ани йашаманыз Саабийӓ йакышсын да хербир иш ӱзерӓ беендирӓсиниз кендинизи Она, хертӱрлӱ ииликлӓрлӓн мейва гетирӓсиниз хем илерлейӓсиниз Ону танымакта,

Fіlіplіlerä 1:11

долу доорулук мейвасыннан, ани гелер Иисус Христоздан, Аллахын шаны ичин хем метиннии ичин.

Apokalіpsіs 19:7

Севинелим хем шенненелим, метинник Она верелим, зерӓ Кузунун дӱӱн вакыды гелди, да гелини кендини хазырлады.

Romalılara 6:2

Олмаз! Биз гӱнах ичин ӧлдӱк, несой йашайабилириз гӱнахта?

Koloslulara 2:20

Еер сиз, ӧлерӓк Христозлан билӓ, дӱннейин башланкы ӱӱретмеклериндӓн куртулдусайдыныз, озаман нечин сиз, сансын дӱннедӓ йашайаннар, бу сыралары тутэрсыныз:

Koloslulara 1:6

ани сизӓ етишти. Ии Хабер, ниӂӓ бӱтӱн дӱннедӓ, сизин аранызда да мейва гетирер хем гит-гидӓ илерлеер о гӱндӓн, ачан ишиттиниз онун ичин хем хакына аннадыныз Аллахын иивергисини,

Fіlіplіlerä 4:17

Сӧлеерим буну, диил ани баашыш аарээрым. Терсинӓ, аарээрым бир казанч сизин файданыз ичин.

İoan 3:29

Кимин вар гелини, одур гӱвӓӓ. Гӱвеенин йанында досту дурэр, сеслеер ону, севинер хем шенненер, ишидип гӱвеенин сесини. Бу севинмелиим шинди таманнанды.

Matfey 26:26

Ачан оннар ийӓрдилӓр, Иисус алды бир екмек, иисӧзледи, кырды да верди ӱӱрениӂилеринӓ, дейип: «Алын да ийин, бу – Беним гӱӱдӓм».

Apokalіpsіs 21:9

Еди ангилдӓн бириси, ангыларында варды еди чӧлмек, долу еди битки белаларлан, гелип, лафетти бенимнӓн: «Гел, – деди, – гӧстереӂӓм сана Кузунун гелинини, карысыны!»

Çıfıtlara 10:10

Аллахын бу истемесинӓ гӧрӓ, биз айозландык бир сыра херзамана, ачан Иисус Христос курбан гетирди Кенди гӱӱдесини.

2 Korіnflіlerä 11:2

Зерӓ бӓн алифли сизин ичин Аллахын алифлииннӓн, чӱнкӱ йавклу еттим сизи бир коӂайлан, Христозлан, ки чыкарабилейим сизи Онун ӧнӱнӓ бир темиз кыз гиби.

1 Korіnflіlerä 10:16

Иисӧзленмиш чӧлмек, ангысыны иисӧзлеериз, диил ми пайдашлык Христозун канындан? Екмек, ангысыны кырэрыз, диил ми пайдашлык Христозун гӱӱдесиндӓн?

İoan 15:8

Еер йапарсайдыныз чок ӱзӱм, бунуннан Беним Бобам олаӂэк метинненмиш, да бутӱрлӱ олаӂэныз Беним ӱӱрениӂилерим.

İoan 6:51

Бӓним йашамак екмӓӓ гӧктӓн инмӓ. Ким бу екмектӓн ийер, дивеч йашайаӂэк. Екмек, ани Бӓн верерим дӱннейин йашамасы ичин, Кенди гӱӱдӓм».

Mark 4:20

Тоомнар, екилмиш ии топраа, оннардыр, ким, ишидип сӧзӱ, кабледерлӓр да берекет гетирерлӓр: бириси отуз, ӧбӱрӱ алтмыш, таа ӧбӱрӱ ӱз катына».

Romalılara 6:11

Сиз дӓ сайын кендинизи ӧлӱ гӱнах ичин, ама дири Аллах ичин /Саабимиздӓ,/ Иисус Христозда.

Romalılara 7:3

Ама окадар вакыт, некадар коӂасы йашээр, еер башка бир адамнан йашарсайды, ороспу сайылэр. Ама еер коӂасы ӧлӱрсейди, кары Закондан бошанэр, да озаман, еер башка адама евленӓрсейди, ороспулук йапмээр.