Matfey 7:7 - Ени Бааланты

⁷ Истейин, да сизӓ верилеӂек; аарайын, да булаӂэныз; урун, да ачылаӂэк.

Enі Baalantı

⁷ İsteyin, da sizä verilecek; aarayın, da bulacenız; urun, da açılacek.

Matfey 7:7 Referans Kwoze

Matfey 21:22

Инаннан дуа едӓрсейдиниз, не дӓ истейеӂениз, кабледеӂениз».

1 İoanın 3:22

Да не дӓ истейеӂез Ондан, кабледеӂез, зерӓ таманнээрыз Онун сымарламакларыны хем йапэрыз, не О беенер.

İoan 15:7

Еер каларсайдыныз Бендӓ, Беним сӧзлерим дӓ каларсайдылар сиздӓ, озаман не истӓрсейдиниз, истейин, да верилеӂек сизӓ.

Mark 11:24

Онуштан сӧлеерим сизӓ: Не дӓ истейеӂениз дуада, инанын каблетмиш гиби, да олаӂэк сизӓ.

Matfey 6:33

Хепсиндӓн ӧнӂӓ аарайын Аллахын Падишахлыыны хем Онун доорулууну, хепси калан ишлӓр дӓ верилеӂек сизӓ.

Matfey 7:8

Зерӓ ким истеер – еденер, ким аарээр – булэр, хем ким урэр – она ачылэр.

İoan 15:16

Сиз Бени сечмединиз, ама Бӓн сизи сечтим. Сыраладым, гидип, мейва гетирӓсиниз, да хожма олсун мейваныз, ки не дӓ истейеӂениз Бобадан Беним адыма, сизӓ версин.

Çıfıtlara 11:6

Инансыз йок насыл Аллахтан беенилмиш олалым, зерӓ, ким йаклашэр Аллаха, лӓӓзым инансын, ки Аллах вар хем баашыш верер оннара, ким Ону аарээр.

İoan 4:10

Иисус ӂувап етти она: «Еер билсӓн Аллахын баашышыны хем Ону, Ким сендӓн су истеер, сӓн кендин истӓрсин Ондан су ичмӓӓ, да О йашамак суйу верир сана».

Matfey 18:19

Енидӓн сизӓ сӧлеерим: еер сиздӓн ики киши кайыл оларсайды истемӓӓ бишей бу ердӓ, озаман не дӓ истӓрсейдилӓр верилеӂек Гӧктеки Бобамдан.

İakovun 5:15

Дуа, ани инаннан йапылы, хастайы куртараӂэк, да Сааби ону айаа калдыраӂэк. Хаста гӱнах йаптысайды, афедилеӂек.

Luka 18:1

Иисус сӧледи ӱӱрениӂилеринӓ бир ӧрнек, ки гӧстерсин, ани лӓӓзым херзаман дуа етмӓӓ да хич бракылмамаа:

Matfey 7:11

Еер сиз, ани фенайсыныз, билирсениз ушакларыныза ии баашышлар вермӓӓ, некадар таа чок сизин Гӧктеки Бобаныз вереӂек ии ишлӓр оннара, ким Ондан истейеӂек!

Romalılara 2:7

Оннара, ким, дайма иилик йапарак, метинник, икрам хем ӧлӱмсӱзлӱк аарээр, дивеч йашамак вереӂек.

Romalılara 3:11

Аннайан кимсей йок, Аллахы аарайан кимсей йок.

Luka 13:25

Незаман евин чорбаӂысы калкып капуйу капайаӂэк, сиз дураӂэныз дышанда, ураӂэныз капуйа да дейеӂениз: „Сааби, ач бизӓ!“ Ама О ӂувап едеӂек: „Танымээрым сизи, нередӓн гелдиниз“.