Matfey 7:2 - Ени Бааланты

² Не даавайлан даавалайаӂэныз, о даавайлан дааваланмыш олаӂэныз. Не ӧлчӱйлӓн ӧлчеӂениз, о ӧлчӱйлӓн Аллахтан ӧлчӱлмӱш олаӂэныз.

Enі Baalantı

² Ne daavaylan daavalayacenız, o daavaylan daavalanmış olacenız. Ne ölçüylän ölçeceniz, o ölçüylän Allahtan ölçülmüş olacenız.

Matfey 7:2 Referans Kwoze

İakovun 2:13

Зерӓ аӂыйанныксыз даава олаӂэк оннара, ким башкаларыны аӂымээр. Аӂыйаннык даавадан таа ӱстӱндӱр.

Mark 4:24

Хем деди оннара: «Бакын, не ишидерсиниз. Не ӧлчӱйлӓн ӧлчеӂениз, о ӧлчӱйлӓн Аллахтан ӧлчӱлмӱш олаӂэныз, салт таа зееделенмиш.

Luka 6:38

Верин, Аллах да сизӓ вереӂек чалканмыш, басылмыш хем тепеленмиш, ӂӧмертли хем койнунуза дӧкӱлӱ. Зерӓ, не ӧлчӱйлӓн ӧлчеӂениз, о ӧлчӱйлӓн Аллахтан ӧлчӱлӱ олаӂэныз».

Apokalіpsіs 18:6

Она ӧлӓ верин, ниӂӓ о сизӓ верди. Ики катына геери чевирин йаптыклары ичин. Окайлан, нейлӓн сизӓ шарап хазырлады, ики катына таа чок геери она верин.

2 Korіnflіlerä 9:6

Унутмайын: ким аз екер, аз бичер, ким чок екер, чок да бичер.

Matfey 6:14

Еер сиз баашларсайдыныз инсанын кабаатларыны, Гӧктеки Бобаныз да баашлайаӂэк сизин кабаатларынызы.