Matfey 6:20 - Ени Бааланты

²⁰ Топлайын зенгинник гӧктӓ, нередӓ гӱвӓ хем кӱф имеер, хем нередӓ хырсызлар казып чалмээр.

Enі Baalantı

²⁰ Toplayın zenginnik göktä, neredä güvä hem küf imeer, hem neredä hırsızlar kazıp çalmêêr.

Matfey 6:20 Referans Kwoze

Luka 12:33

Сатын не вар сиздӓ, да йапын иилик. Кендинизӓ ескимӓз кеселӓр хазырлайын – гечмӓз зенгинник гӧклердӓ, нерейи хырсыз сокулмээр хем гӱвӓ имеер.

Matfey 19:21

«Еер истӓрсейдин таман олмаа, гит да сат варлыыны, пайет фукааралара, да олаӂэк хазнан гӧктӓ. Сора гел да излӓ Бени», – деди Иисус.

İakovun 2:5

Севгили кардашларым, сеслейин. Сечмеди ми Аллах бу дӱннедӓ фукаара оланнары, ки инанда зенгин олсуннар хем мирасчы падишахлыкта, ангысы аданды оннара, ким Аллахы север?

1 Tіmofeyä 6:19

Топласыннар хазна кендилеринӓ, ани саа бир темел олаӂэк гелеӂек вакыт ичин, ки еденӓбилсиннӓр хакына йашамак.

Luka 18:22

Иисус, ишидип бу лафлары, деди: «Сана салт бир иш етишмеер: сат варлыыны, пайет фукааралара, да олаӂэк хазнан гӧктӓ. Сора гел да излӓ Бени».

Apokalіpsіs 2:9

Билерим сенин зеетини хем фукааралыыны, ама хеп окадар зенгинсин. Билерим, ани ким сени кӧтӱлеер, оннар сайэрлар кендилерини иудей, ама бу диил аслы. Оннар – шейтанын топлушу.

Çıfıtlara 11:26

Христос ичин ашааланмайы таа бӱӱк зенгинник сайды, некадар Мысыр хазналарыны, зерӓ о бакарды баашыша, ани сонда алаӂэк.

1 Tіmofeyä 6:17

Зенгиннерӓ бу ӧмӱрдӓ сымарла, ани ходулланмасыннар, умутларыны коймасыннар зенгиннӓӓ, ани гелип-гечер, ама /дири/ Аллаха, Ангысы верер бизӓ хепсини ташкынныктан, ки сефаланалым,

1 Petrіnіn 1:4

чӱрӱмӓз, лекесиз, сӧрпешмӓз бир мирас, ани сизин ичин гӧктӓ саклы.

1 Petrіnіn 5:4

Ачан гелеӂек Бӱӱк Гӱдӱӂӱ, еденеӂениз бир сӧрпешмӓз шанны фенец.

Çıfıtlara 10:34

Сиз аӂыдыныз оннары, ким капанда булунду; варлыынызын кайыплыыны севинмӓклӓн каблеттиниз, чӱнкӱ билерсиниз, ани /гӧктӓ/ таа ии хем гечмӓз бир варлык еденеӂениз.

Matfey 6:19

Топламайын зенгинник бу ер ӱстӱндӓ, нередӓ кӱф хем гӱвӓ ийер хем нередӓ хырсызлар казып-чалэр.

Mark 10:21

Иисус бакты уз онун гӧзлеринӓ, севди ону да деди: «Сана етишмеер салт бир иш. Гит да сат, нейин вар, пайет фукааралара, да олаӂэк хазнан гӧктӓ. Сора гел, /ал ставрозуну/ да излӓ Бени».