Matfey 6:16 - Ени Бааланты

¹⁶ Ачан оруч тутэрсыныз, гӱӂеник дурмайын, ниӂӓ икиӱзлӱлӓр. Оннар гӱчлендирерлӓр ӱзлерини, ки инсана гӧстерилсиннӓр, ани оруч тутэрлар. Доору сӧлеерим сизӓ, ани оннар шиндӓн сора каблеттилӓр ӧдеклерини.

Enі Baalantı

¹⁶ Açan oruç tutêrsınız, gücenik durmayın, nicä ikiüzlülär. Onnar güçlendirerlär üzlerini, ki insana gösterilsinnär, ani oruç tutêrlar. Dooru söleerim sizä, ani onnar şindän sora kablettilär ödeklerini.

Matfey 6:16 Referans Kwoze

Luka 18:12

Бӓн ики сыра хафтада оруч тутэрым, верерим онунӂу пайыны бӱтӱн гелиримдӓн“.

Mark 2:18

Иоанын ӱӱрениӂилери хем фарисейлӓр оруч тутардылар. Биркач киши гелдилӓр Иисуса да сордулар: «Нечин Иоанын хем фарисейлерин ӱӱрениӂилери оруч тутэрлар, ама Сенин ӱӱрениӂилерин тутмээрлар?»

Yaptıklar 14:23

Хербир клиседӓ айырдылар пресвитерлери, дуа едип хем оруч тутуп, вердилӓр оннары Саабинин елинӓ, Ангысына инандылар.

Matfey 6:5

Ачан дуа едерсин, олма ниӂӓ икиӱзлӱлӓр, ангылары беенерлӓр дуа етмӓӓ айакча синагогалар ичиндӓ хем сокак кӧшелериндӓ, инсан гӧрсӱн дейни. Доору сӧлеерим сизӓ, оннар шиндӓн сора каблетти ӧдеклерини.

Matfey 6:2

Ӧлӓ ки, ачан йапэрсын бир йардым, ӧтмӓ, ниӂӓ йапэрлар икиӱзлӱлӓр синагогаларда хем сокакларда, инсан оннары мететсин дейни. Доору сӧлеерим сизӓ, оннар шиндӓн сора каблетти ӧдеклерини.

2 Korіnflіlerä 11:27

чалышмакта, савашмакта; чок керӓ уйкусузлукта, аачлыкта, сусузлукта; чок керӓ оручта, суукта, чыплаклыкта.

1 Korіnflіlerä 7:5

Бири-бириниздӓн атылмайын, салт кайыллыклан бир вакыда айыры калабилирсиниз, ки верилӓсиниз дуайа; ама сора енидӓн бирлешин, ки запсызлык бетеринӓ шейтан денӓмесин сизи.

Luka 2:37

Калмышты дул да шинди сексӓн дӧрт йашындайды. Анна хич айырылмарды Айоз бинадан, геӂӓ-гӱндӱз измет едӓрди Аллаха оручлан хем дуайлан.

2 Korіnflіlerä 6:5

лобутлар алтында, капанда, каршы калкышмакларда, аар иштӓ, уйкусузлукта, аачлыкта;

Yaptıklar 10:30

Озаман Корнилий ӂувап етти: «Дӧрт гӱн геери бу саада доору /бӓн оруч тутардым, да/ докузунӂу саатта дуа едӓрдим кенди евимдӓ. Ансыздан пейдаланды беним ӧнӱмдӓ бир адам йалабык рубайлан.

Matfey 6:1

Бакын, йапмайасыныз иилик инсаннарын ӧнӱндӓ гӧстермӓк ичин, зерӓ олмайаӂэк сизӓ ӧдек Гӧктеки Бобаныздан.