Matfey 5:9 - Ени Бааланты

⁹ Мутлу барыштырыӂылара, зерӓ оннара денеӂек Аллахын ооллары!

Enі Baalantı

⁹ Mutlu barıştırıcılara, zerä onnara denecek Allahın oolları!

Matfey 5:9 Referans Kwoze

Çıfıtlara 12:14

Хепси инсаннан услулукта хем айозлукта йашамаа чалышын, зерӓ айозлуксуз кимсей Саабийи гӧрӓмейеӂек.

Romalılara 12:18

Еер варса насыл сизин тарафыныздан, олун барышмакта хепси инсаннан.

Galatіyalılara 5:22

Ама Айоз Духун мейвасы – севги, севинмӓк, услулук, сабурлук, аӂыйаннык, иилик, инанӂылык,

Romalılara 8:14

Зерӓ хепси, ким кулланылмыш Аллахын Духундан, оннар – Аллахын ооллары.

Luka 6:35

Ама сиз душманнарынызы севин, иилик оннара йапын. Верин ӧдӱнч, дӱшӱнмейерӓк геери бишей алмаа. Озаман бӱӱк ӧдек олаӂэк сизӓ. Сиз олаӂэныз Пек ӱӱсек Аллахын ооллары, зерӓ О иилик йапэр оннара да, ким шӱкӱр етмеер хем феналык йапэр.

2 Korіnflіlerä 13:11

Биткидӓ, кардашлар, хошча калын. Олгун олун, насаатымы сеслейин, бир нееттӓ олун, услулукта йашайын. Озаман Аллах, севги хем услулук сызынтысы, сизиннӓн олаӂэк.

Koloslulara 3:13

Бири-биринизӓ дайанын, еер биркимсей кӱстӱйсӓ башкасына, сиз дӓ бири-биринизи афедин, ниӂӓ Сааби сизи афетти.

Matfey 5:48

Онуштан, олун таман, ниӂӓ сизин Гӧктеки Бобаныз таман.

2 Korіnflіlerä 5:20

Ӧлӓ ки, биз Христозун хаберӂилерийиз, ниӂӓ ачан Аллах Кендиси бизим аазымызлан чаарэр инсаны. Христозун адына йалварэрыз, барышын Аллахлан.

Yaptıklar 7:26

Ертеси гӱнӱ Моисей гӧрдӱ ики израилли адамы дӱӱшӱркӓн, да бакты аннаштырсын оннары: „Адамнар! – деди. – Сиз кардашсыныз, нечин гӱӂендирерсиниз бири-биринизи?“

Matfey 5:45

Гӧктеки Бобанын ооллары оласыныз дейни. Зерӓ О йапэр, ки гӱн дуусун ниӂӓ ии оланнара, хеп ӧлӓ фена оланнара да. Верер йаамур доору оланнара, хеп ӧлӓ кӧтӱ оланнара да.

1 Korіnflіlerä 6:6

Кардаш кардашыннан даавайа чыкэр, да буну инансызларын ӧнӱндӓ йапэр!

Fіlіplіlerä 4:2

Йалварэрым Еводийайа, йалварэрым Синтихийӓ, Саабидӓ олун бир аннамакта.

Luka 20:36

Артык йок насыл ӧлсӱннӓр, чӱнкӱ ангиллерӓ бензеерлӓр. Оннар Аллахын ооллары, зерӓ ӧлӱмдӓн дирилеӂеклӓр.

Efeslіlerä 4:1

Бутакым насаатлээрым сизи бӓн, Сааби ичин капанӂы, йашаманыз йакышыклы олсун Онун чаармасына гӧрӓ, ангысыны каблеттиниз.

Romalılara 8:16

Бу Дух Кендиси, бизим духумузлан бирлешип, шаатлык едер, ани биз Аллахын ушакларыйыз.

Romalılara 8:19

Зерӓ хепси, не йарадылмыш, умутлан беклеер, незаман Аллахын ооллары ачылаӂэк.