Matfey 5:4 - Ени Бааланты

⁴ Мутлу аалайаннара, зерӓ оннар иилендирилеӂек!

Enі Baalantı

⁴ Mutlu aalayannara, zerä onnar iilendirilecek!

Matfey 5:4 Referans Kwoze

Apokalіpsіs 21:4

Аллах хер йашы оннарын гӧзлериндӓн силеӂек. Артык ӧлӱм олмайаӂэк. Артык ааламак, сызламак хем аӂы олмайаӂэк. Зерӓ евелки ишлӓр гечти».

Luka 6:21

Мутлу сизӓ, шинди аач оланнар, зерӓ сиз дойунаӂэныз! Мутлу сизӓ, ани шинди аалээрсыныз, зерӓ сиз гӱлеӂениз!

İakovun 1:12

Не мутлу адам, ким дайанмаклан денемеклери гечирер, зерӓ, дененмиш олуп, йашамак фенецини кабледеӂек, ани адады Сааби хепсинӓ оннара, ким Ону север.

Luka 16:25

Авраам ӂувап етти: „Оолум, аклына гетир, ани сӓн ии йашадын, ама Лазар зор йашады, шинди о бурада раатлык едер, ама сӓн зеетленерсин.

Luka 6:25

Вай сизӓ, ани токсунуз шинди, зерӓ сиз аӂыкаӂэныз. Вай сизӓ, ани бӱӱн гӱлерсиниз, зерӓ сиз аалайаӂэныз хем сызлайаӂэныз!

Luka 7:50

Иисус деди карыйа: «Сенин инанын сени куртарды, гит услулуклан евӓ».

Luka 7:38

О дурарды Иисусун ардында, айакларында, да ааларды, йыслайып Иисусун айакларыны кенди йашларыннан хем силип сачларыннан, ӧпӓрди хем кокуларды.