Matfey 5:10 - Ени Бааланты

¹⁰ Мутлу доорулук ичин кооланмыш оланнара, зерӓ Гӧк Падишахлыы оннарын олаӂэк!

Enі Baalantı

¹⁰ Mutlu dooruluk için koolanmış olannara, zerä Gök Padişahlıı onnarın olacek!

Matfey 5:10 Referans Kwoze

İakovun 1:12

Не мутлу адам, ким дайанмаклан денемеклери гечирер, зерӓ, дененмиш олуп, йашамак фенецини кабледеӂек, ани адады Сааби хепсинӓ оннара, ким Ону север.

2 Korіnflіlerä 4:17

Зерӓ бизим илин гӱчлӱклӓр тез гечер, ама казандырэр бизӓ дивеч метинник, ани аарлыкта хепсини ашар.

Matfey 5:3

«Мутлу духлан фукаара оланнара, зерӓ Аллахын Падишахлыы оннарын олаӂэк!

Luka 6:22

Мутлу сизӓ, ачан сиздӓн инсан азетмеер, синагогадан чыкарэр, фена лафедер хем кӧтӱлеер сизин адынызы Адам Оолунун бетеринӓ!

2 Tіmofeyä 2:12

Еер дайанарсак, Онуннан билӓ да падишахлык едеӂез. Еер Ондан атыларсак, О да биздӓн атылаӂэк.

Fіlіplіlerä 1:28

хем каршы дураннардан хич коркмайарак. Бу оннар ичин бир нышан, ани оннар кайбелеӂеклӓр, ама сиз куртулаӂэныз. Бу да вар Аллахтан.

Luka 21:12

Хепсиндӓн ӧнӂӓ сизи тутаӂэклар хем коолайаӂэклар. Вереӂеклӓр синагогалара хем зынданнара, чыкараӂэклар сизи падишахларын хем кулланыӂыларын ӧнӱнӓ Беним адым ичин.

İoan 15:20

Гетирин аклыныза сӧзӱ, ани сӧледим сизӓ: „Чырак диил таа бӱӱк, некадар чорбаӂысы“. Чӱнкӱ Бени кооладылар, сизи дӓ коолайаӂэклар, чӱнкӱ Беним сӧзӱмӱ таманнадылар, сизин сӧзлеринизи дӓ таманнайаӂэклар.

Apokalіpsіs 2:10

Не лӓӓзым олаӂэк гечирӓсин, бишейдӓн коркма. Диавол кимисини сиздӓн капана атаӂэк, ки дененӓсиниз. Зеетленмиш олаӂэныз он гӱн. Ол инанч ӧлӱмӓ кадар, да вереӂӓм сана йашамак фенецини.

2 Tіmofeyä 3:11

кооламаклары хем зеетлери, ани башыма гелди Антиохийа, Иконийа хем Листра касабаларында. Не кооламаклар гечирдим! Ама хепсиндӓн Сааби куртарды.

Matfey 25:34

Озаман Падишах дейеӂек саа тарафында оланнара: „Гелин, Бобамын иисӧзленмишлери, да елӓ алын Падишахлыы, ани хазырланмыш сизӓ дӱннейин курулмасындан.

Mark 10:30

о кабледеӂек шинди, бу ӧмӱрдӓ, ӱз катына таа чок ев, кардаш, кызкардаш, ана, ушак, тарла, кооламакларлан билӓ, ама гелӓн ӧмӱрдӓ кабледеӂек дивеч йашамак.

Luka 6:20

Озаман чевирди Иисус бакышыны ӱӱрениӂилеринӓ да деди: «Мутлу духтан фукаара оланнара, зерӓ сизин Гӧк Падишахлыы!

Matfey 10:23

Ачан сизи коолайаӂэклар бир касабадан, качын башка касабайа, зерӓ доору сӧлеерим сизӓ, ани Адам Оолу гелинӂӓ, сиз Израилин касабаларыны долайламаа етиштирмейеӂениз.

1 İoanın 3:12

Олмайалым, ниӂӓ Каин, ангысы кӧтӱ оланданды да кенди кардашыны ӧлдӱрдӱ. Нечин ӧлдӱрдӱ? Зерӓ онун кенди ишлери кӧтӱйдӱ, ама онун кардашынын ишлери дооруйду.

Yaptıklar 8:1

Саул Стефанын ӧлдӱрӱлмесинӓ кайыл олду. О гӱн чекетти бӱӱк кооламак Иерусалим клисесинӓ каршы. Апостоллардан каарӓ, хепси даалды Иудейа хем Самарийа ерлеринӓ.

Yaptıklar 5:40

Оннар сеследилӓр ону, чаарып апостоллары, дӱӱдӱлӓр да сымарладылар, насаат етмесиннӓр Иисус адыннан. Сора салвердилӓр оннары.

Matfey 19:14

Иисус деди: «Бракын ушаклары, гелсиннӓр Бана, да дургутмайын оннары, зерӓ Гӧк Падишахлыы оннарын гибилери ичин».

Mark 10:14

Иисус, гӧрӱп буну, ӱфкеленди да деди ӱӱрениӂилеринӓ: «Бракын ушаклары, гелсиннӓр Бана, да дургутмайын оннары, зерӓ Аллахын Падишахлыы оннарын гибилери ичин.

Luka 22:29

Онун ичин сизӓ падишахлык баашлээрым, ниӂӓ Боба Бана баашлады,

İakovun 5:11

Биз мутлу сайэрыз оннары, ким дайанэр. Сиз ишиттиниз Иовун дайанмасы ичин хем гӧрдӱнӱз, не биткидӓ Сааби йапты онун ичин. Сааби чок аӂыйан хем йалпак ӱрекли.