Matfey 26:28 - Ени Бааланты

²⁸ зерӓ бу – Беним каным, ени баалантынын каны, ани дӧкӱлер чойу ичин, ки гӱнахлары баашлансын.

Enі Baalantı

²⁸ zerä bu – Benim kanım, eni baalantının kanı, ani döküler çoyu için, ki günahları baaşlansın.

Matfey 26:28 Referans Kwoze

Matfey 20:28

Зерӓ Адам Оолу гелмеди, ки Она измет етсиннӓр, ама Кенди измет етсин инсана хем версин йашамасыны чойун еринӓ, ки куртарабилсин оннары».

Apokalіpsіs 7:14

«Чорбаӂы, – ӂувап еттим бӓн, – сӓн билерсин». О деди бана: «Буннар о бӱӱк зееттӓн гечип-геленнӓр. Оннар рубаларыны йыкадылар хем Кузунун каныннан бийазлаттылар.

1 Korіnflіlerä 11:25

Хеп ӧлӓ, имектӓн сора, алды чӧлмӓӓ да деди: «Бу чӧлмек – ени бааланты, ани куведӓ гирер Беним канымнан. Буну херзаман йапасыныз, кач керӓ ичеӂениз, Беним анылмам ичин».

1 İoanın 2:2

Одур аӂыйаннык курбаны бизим гӱнахларымыз ичин, диил саде бизим ичин, ама бӱтӱн дӱннейин гӱнахлары ичин.

Çıfıtlara 13:20

Услулук верӓн Аллах, Ангысы дивеч баалантынын каныннан ӧлӱдӓн дирилтти койуннарын бӱӱк гӱдӱӂӱсӱнӱ, бизим Сааби Иисус Христозу,

Çıfıtlara 9:28

хеп ӧлӓ Христос да Кендини бир сыра курбан гетирди, ки чок инсанын гӱнахларыны ташысын. Икинӂи сыра гӧстерилеӂек, диил ки курбан олсун гӱнах ичин, ама куртарсын оннары, ким Ону беклеер.

Efeslіlerä 1:7

Христозда куртулмак едендик Христозун каныннан, гӱнахларымыз афедилди Аллахын ӂӧмерт иивергисиннӓн,

Koloslulara 1:14

Ангысы куртарды бизи /Кенди каныннан/ да баашлады гӱнахларымызы.

Luka 22:19

Сора алды бир екмек, шӱкӱр етти Аллаха, кырып, ону верди ӱӱрениӂилеринӓ да деди: «Бу – Беним гӱӱдӓм, ани верилер сизин ичин. Буну йапасыныз Беним анылмам ичин».

Koloslulara 1:20

да услулук еденерӓк Онун каныннан, ани ставрозда акыдылды, Онун араӂылыыннан барыштырсын Кендиннӓн хепсини, не гӧктӓ хем не ердӓ.

Romalılara 5:19

Зерӓ, ниӂӓ бир адамын сеслемезлииннӓн чойу кабаатлы сайылды, хеп ӧлӓ бир адамын сеслемесиннӓн чойу доору сайылаӂэк.

Mark 14:24

Иисус деди: «Бу – Беним каным, /ени/ баалантынын каны, ани дӧкӱлер чойу ичин.

Apokalіpsіs 7:9

Ондан сора бактым да гӧрдӱм бир бӱӱк сӱрӱ инсан, ангыларыны кимсей йокту насыл сайсын, хертӱрлӱ миллеттӓн, сенселедӓн, халктан хем дилдӓн, ангылары дурардылар чорбаӂылык скемнесинин хем Кузунун ӧнӱндӓ, бийаз рубаларлан гиийимни хем хурма даллары еллериндӓ.

Romalılara 5:15

Ама Аллахын баашышы диил ниӂӓ Адамын гӱнахы. Зерӓ ниӂӓ бир адамын гӱнахы бетеринӓ чойу ӧлдӱ, окадар таа чок Аллахын иивергиси хем баашышы бир Адамын – Иисус Христозун – иивергисиннӓн ташкынныктан чойуна верилер.

Mark 1:4

Иоан гелди, чол ердӓ ваатиз едерӓк хем насаат едерӓк, ани инсан лӓӓзым дӧнсӱн гӱнахларындан Аллаха хем ваатиз олсун, ки баашламак еденсиннӓр.

Matfey 6:12

Баашла бизим борчларымызы: Ниӂӓ биз дӓ баашлээрыз бизӓ борчлу оланнары.

Matfey 26:27

Сора алды бир чӧлмек, шӱкӱр етти Аллаха, верди оннара, дейип: «Ичин хепсиниз ондан,

Matfey 26:29

Сӧлеерим сизӓ, ани бӱӱндӓн ӧтӓӓ ичмейеӂӓм бу чотук мейвасындан о гӱнӓ кадар, ачан ичеӂӓм таазесини сизиннӓн Бобамын Падишахлыында».

Luka 22:20

Хеп ӧлӓ, имектӓн сора, алды чӧлмӓӓ да деди: «Бу чӧлмек – ени бааланты, ани куведӓ гирер Беним канымнан, ани сизин ичин дӧкӱлер.

Çıfıtlara 10:29

сиз не деерсиниз? Некадар таа бӱӱк ӂеза кабледеӂек о, ким Аллахын Оолуну чиинемиш, бааланты каныны ашааламыш, нейлӓн айозландыйды, да бутакым Аллахын хайырлы Духуну гӱӂендирмиш.