Matfey 25:10 - Ени Бааланты

¹⁰ Ачан гиттилӓр сатын алсыннар, гелди гӱвӓӓ. Хазыр оланнар онуннан гирдилӓр дӱӱн еринӓ да капуйу китледилӓр.

Enі Baalantı

¹⁰ Açan gittilär satın alsınnar, geldi güvää. Hazır olannar onunnan girdilär düün erinä da kapuyu kitledilär.

Matfey 25:10 Referans Kwoze

Luka 13:25

Незаман евин чорбаӂысы калкып капуйу капайаӂэк, сиз дураӂэныз дышанда, ураӂэныз капуйа да дейеӂениз: „Сааби, ач бизӓ!“ Ама О ӂувап едеӂек: „Танымээрым сизи, нередӓн гелдиниз“.

1 Petrіnіn 1:13

Онун ичин фикирлериниз ишӓ хазыр олсун. Айык олун. Ен хептӓн умутланын о иивергийӓ, ани сизӓ верилеӂек Иисус Христозун гелмесиндӓ.

Matfey 24:44

Онуштан сиз дӓ олун хазыр, зерӓ Адам Оолу гелеӂек о саатта, ачан хич дӱшӱнмеерсиниз.

Apokalіpsіs 22:20

О, ким шаатлык едер бу ишлӓр ичин, деер: «Хакына, тездӓ гелерим!» Амин! Ей, гелсӓнӓ, Сааби Иисус!

Matfey 25:6

Геӂӓ йарысы ишидилди бир бӱӱк сес: „Тӓ гӱвӓӓ гелер, чыкын она каршы!“

2 Tіmofeyä 4:8

Шиндӓн сора бана хазыр дурэр доорулук фенеци, ани Сааби, Доору Дааваӂы, о Гӱндӓ вереӂек бана, диил саде бана, ама хепсинӓ, ким ӧзлемӓклӓн беклеер Онун гелмесини.

Apokalіpsіs 1:7

Бак, О гелер булутларлан, да хербир гӧз Ону гӧреӂек, артык оннар да, ким Ону саплады. Хепси ердеки сенселелӓр аалайаӂэк Онун бетеринӓ. Ӧлӓ, амин!

Koloslulara 1:12

шӱкӱр едерӓк Аллах Бобайа, Ангысы колайлык верди бизӓ, пай алалым онда, не саклады айоз халкы ичин айдынныкта.

Matfey 7:21

Диил оннар, ким Бана деер „Сааби, Сааби!“, гиреӂек Гӧк Падишахлыына, ама оннар, ким таманнээр Беним Гӧктеки Бобамын истедиини.

Matfey 24:42

Онуштан кушку олун, зерӓ билмеерсиниз, не гӱнӱ Саабиниз гелеӂек.

Matfey 24:43

Билиниз, еер билейди евин чорбаӂысы, незаман хырсыз гелеӂек, кушку дураӂэйды да бракмайаӂэйды, евини сойсун.

Luka 12:35

Олун хазыр, белиниз кушаклы олсун, шафкларыныз йансын.

Apokalіpsіs 19:7

Севинелим хем шенненелим, метинник Она верелим, зерӓ Кузунун дӱӱн вакыды гелди, да гелини кендини хазырлады.