Matfey 24:5 - Ени Бааланты

⁵ Зерӓ чойу гелеӂек Беним адыма да дейеӂек: „Бӓним Христос“, да чойуну алдадаӂэклар.

Enі Baalantı

⁵ Zerä çoyu gelecek Benim adıma da deyecek: „Bänim Hristos“, da çoyunu aldadaceklar.

Matfey 24:5 Referans Kwoze

Matfey 24:24

Зерӓ пейдаланаӂэк йаланӂы христослар хем йаланӂы пророклар. Йапаӂэклар бӱӱк нышаннар хем шашмаклы ишлӓр, алдатсыннар дейни, оларсайды колай, артык сечилмиш оланнары да.

Matfey 24:11

Калкаӂэк чок йаланӂы пророклар да чойуну алдадаӂэклар.

1 İoanın 2:18

Ушакларым! Бу – битки вакыт. Ниӂӓ ишиттиниз, ани гелеӂек антихрист, тӓ шинди пейдаланды чок антихрист. Бундан аннээрыз, ани бу – битки вакыт.

İoan 5:43

Бӓн гелдим Беним Бобамын адына, да каблетмеерсиниз Бени, ама гелӓрсейди башка биркимсей кенди адына, ону сиз кабледеӂениз.

Apokalіpsіs 13:8

Хепси йашайаннар ер ӱстӱндӓ она баш иилдеӂек, кимин адлары дӱннейин курулмасындан буазланмыш Кузунун йашамак кийадында диил йазылы.

İoan 8:24

Онун ичин сизӓ дедим, ани ӧлеӂениз гӱнахларынызда, зерӓ еер инанмарсайдыныз, ани Бӓним, озаман гӱнахларынызда ӧлеӂениз».

İoan 8:28

Ӧлӓ ки, Иисус оннара деди: «Ачан калдыраӂэныз йукары Адам Оолуну, озаман аннайаӂэныз, ани Бӓним, хем ани йапмээрым бишей Кенди башыма, ама лафедерим ону, не ӱӱредер Бени Бобам.

1 İoanın 2:22

Ким йаланӂы, еер диилсӓ о, ким инкӓр едер, ани Иисус – Христос? Одур антихрист, ангысы инкӓр едер хем Бобайы, хем Оолу.

1 İoanın 4:3

Ама хербир дух, ани ачык каблетмеер Иисусу, о диил Аллахтан. Бусой дух антихристин духу, кимин гелмеси ичин ишиттиниз, хем ангысы шинди дӓ булунэр бу дӱннедӓ.