Matfey 24:42 - Ени Бааланты

⁴² Онуштан кушку олун, зерӓ билмеерсиниз, не гӱнӱ Саабиниз гелеӂек.

Enі Baalantı

⁴² Onuştan kuşku olun, zerä bilmeersiniz, ne günü Saabiniz gelecek.

Matfey 24:42 Referans Kwoze

Luka 21:36

Херзаман олун ачыкгӧз хем дуа един, ки куртулабилӓсиниз хепси буннардан, не олаӂэк, да Адам Оолунун ӧнӱнӓ чыкабилӓсиниз».

1 Salonіklіlerä 5:6

Онуштан уйумайалым, ниӂӓ каланы, ама айык хем уйанык олалым.

Matfey 25:13

Ӧлӓ ки, кушку олун, зерӓ билмеерсиниз, не гӱнӱ хем не саатта Адам Оолу гелеӂек.

Apokalіpsіs 16:15

«Тӓ, Бӓн гелерим, бир хырсыз гиби! Не мутлу, ким уйанык дурэр хем хазыр тутэр кенди рубаларыны, ки чыплак гезмесин да айыплыы гӧрӱнмесин!»

1 Korіnflіlerä 16:13

Кушку олун, инанда каави дурун, гиргин хем куветли олун.

Matfey 24:36

О гӱнӱ хем о саады кимсей билмеер: не гӧктеки ангиллӓр, не дӓ Оол, ама салт Боба.

Romalılara 13:11

Йапын буну, билерӓк, не вакытта йашээрыз. Гелди артык заман уйкудан уйанмаа, зерӓ шинди бизӓ куртулмак таа йакын, некадар озаман, ачан инанмаа башладык.

Matfey 24:44

Онуштан сиз дӓ олун хазыр, зерӓ Адам Оолу гелеӂек о саатта, ачан хич дӱшӱнмеерсиниз.

1 Petrіnіn 5:8

Айык хем кушку олун, зерӓ сизин душманыныз диавол гезер бир хырлайан аслан гиби да аарээр, кими йутсун.

1 Petrіnіn 4:7

Хербир ишин биткиси йакындыр, онуштан акыллы олун, дуайлан кушкулукта беклейин.

Matfey 24:43

Билиниз, еер билейди евин чорбаӂысы, незаман хырсыз гелеӂек, кушку дураӂэйды да бракмайаӂэйды, евини сойсун.

Matfey 25:10

Ачан гиттилӓр сатын алсыннар, гелди гӱвӓӓ. Хазыр оланнар онуннан гирдилӓр дӱӱн еринӓ да капуйу китледилӓр.

Luka 21:34

Кенди-кендинизӓ есап алын, ки биртӱрлӱ аарлашмасын ӱреклериниз хобурлуктан, ичкиӂиликтӓн хем йашамак кахырларындан, да о гӱн гелмесин ап-ансыздан сизин ӱстӱнӱзӓ.