Matfey 21:32 - Ени Бааланты

³² Зерӓ Иоан гелди, доорулук йолуну гӧстерсин. Сиз ону инанмадыныз, ама харччылар хем маскаралар инандылар. Сиз гӧрдӱнӱз буну, ама хеп окадар пишман олмадыныз гӱнахларыныздан хем инанмадыныз.

Enі Baalantı

³² Zerä İoan geldi, dooruluk yolunu göstersin. Siz onu inanmadınız, ama harççılar hem maskaralar inandılar. Siz gördünüz bunu, ama hep okadar pişman olmadınız günahlarınızdan hem inanmadınız.

Matfey 21:32 Referans Kwoze

Matfey 21:25

Иоанын ваатизлии нередӓн? Гӧктӓн ми оса инсандан мы?» Оннар бири-бириннӓн лафедӓрдилӓр: «Еер дейӓрсӓк: „Гӧктӓн“, О дейеӂек: „Ӧлейсӓ, нечин она инанмадыныз?“

2 Petrіnіn 2:21

Таа ии олаӂэйды, еер доору йолу танымайдылар, некадар таныдыктан сора геери дӧнсӱннӓр айоз сымарламактан, ани оннара верилди.

Apokalіpsіs 2:21

Бӓн вердим она вакыт, ки ороспулуундан дӧнсӱн, ама о дӧнмӓӓ истӓмеди.

Çıfıtlara 3:12

Кардашлар, бакын, олмасын сиздӓн бирисиндӓ фена хем инансыз бир ӱрек, ангысы атылэр дири Аллахтан.

2 Tіmofeyä 2:25

Йавашлыклан йола гетирсин оннары, ким каршы она дурэр. Аллах беки оннара колайлык вереӂек, ани гӱнахларындан Она дӧнсӱннӓр да аслылыы танысыннар.

Matfey 11:18

Гелди Иоан, не ийӓрди, не ичӓрди, деерлӓр: „Онда вар фена дух“.

Matfey 5:46

Еер севӓрсейдиниз салт оннары, ким сизи север, не ӧдек беклеерсиниз? Йапмээр мы буну харччылар да?

Matfey 21:31

Ангысы оннардан таманнады бобанын истедиини?» «Илкинкиси», – ӂувап етти оннар. Иисус деди оннара: «Доору сӧлеерим сизӓ, ани харччылар хем маскаралар сизин ӧнӱнӱз сора гидерлӓр Гӧк Падишахлыына.