Matfey 20:23 - Ени Бааланты

²³ Иисус деди: «Хакына, ани ичеӂениз Беним чӧлмеемдӓн /хем ваатиз олаӂэныз о ваатизликлӓн, ани Бӓн олэрым/. Ама Бендӓн тутунмээр, изин верейим отурмаа саа еки сол тарафымда. Бу верилеӂек оннара, кимӓ хазырланмыш Бобамдан».

Enі Baalantı

²³ İisus dedi: «Hakına, ani içeceniz Benim çölmeemdän /hem vaatiz olacenız o vaatizliklän, ani Bän olêrım/. Ama Bendän tutunmêêr, izin vereyim oturmaa saa eki sol tarafımda. Bu verilecek onnara, kimä hazırlanmış Bobamdan».

Matfey 20:23 Referans Kwoze

Apokalіpsіs 1:9

Бӓн, Иоан, сизин кардашыныз, пай алэрым сизиннӓн барабар Иисусун зеетлериндӓ, падишахлыында хем дайанмасында. Булунардым бир адада, ады Патмос, Аллахын сӧзӱ ичин хем Иисусун шаатлыы ичин.

Yaptıklar 12:2

О кылычлан ӧлдӱрттӱ Иакову, Иоанын кардашыны.

Mark 10:40

Ама Бендӓн тутунмээр, изин верейим отурмаа саа еки сол тарафымда. Бу верилеӂек оннара, кимӓ хазырланмыш».

Matfey 25:34

Озаман Падишах дейеӂек саа тарафында оланнара: „Гелин, Бобамын иисӧзленмишлери, да елӓ алын Падишахлыы, ани хазырланмыш сизӓ дӱннейин курулмасындан.

1 Korіnflіlerä 2:9

Ама ниӂӓ йазылы: «Не инсан гӧзӱ гӧрмеди, не инсан кулаа ишитмеди, хем не инсан ӱреенӓ дамнамады, ӧлӓ о ишлӓр, не Аллах хазырлады оннар ичин, ким Ону север».

Romalılara 8:17

Еер Аллахын ушакларысайдык, озаман мирасчы да олаӂэз; еденеӂез Аллахын адамакларыны хем хепсини, не вар Христозда, еер зеетленӓрсейдик Онуннан, ки барабар метинник тӓ еденелим.

Çıfıtlara 11:16

Ама оннар ӧзенӓрдилӓр бир таа ии ерӓ, гӧктеки ерӓ. Онуштан Аллах утанмээр адлансын оннарын Аллахы, зерӓ оннар ичин бир касаба хазырлады.

Koloslulara 1:24

Шинди, зеетленерӓк сизин ичин, бӓн севинерим. Чӱнкӱ кенди тенимдӓ таманнээрым, не Христозун зеетлериндӓн калды чекилмедик Онун гӱӱдеси ичин, ангысы – клисӓ.

2 Korіnflіlerä 1:7

Бизим бӱӱк умудумуз вар сиздӓ, зерӓ билериз, ани пай алэрсыныз бизимнӓн барабар, ниӂӓ зеетлердӓ, хеп ӧлӓ ииленмектӓ дӓ.

Matfey 13:11

Иисус ӂувап етти: «Чӱнкӱ сизӓ верилди, аннайасыныз Гӧк Падишахлыын саклылыкларыны, ама оннара верилмеди.

Matfey 20:24

Калан он ӱӱрениӂилӓр, ишидип буну, ӱфкелендилӓр бу ики кардаша.