Matfey 18:32 - Ени Бааланты

³² Озаман чорбаӂы чаарды бу кулу кендисинӓ да деди она: „Йарамаз чырак, бӓн хепси сенин борӂуну баашладым, зерӓ сӓн йалвардын.

Enі Baalantı

³² Ozaman çorbacı çaardı bu kulu kendisinä da dedi ona: „Yaramaz çırak, bän hepsi senin borcunu baaşladım, zerä sän yalvardın.

Matfey 18:32 Referans Kwoze

Romalılara 3:19

Ама биз билериз, не сӧленер Айоз Законда, сӧленер оннара, ким Законун запында, ӧлӓ ки хербир ааз капансын, да бӱтӱн дӱннӓ Аллахын ӧнӱндӓ кабаатлы калсын.

Luka 19:22

Озаман чорбаӂы деди: „Йарамаз чырак! Даава кесеӂӓм сана сенин кенди лафларына гӧрӓ. Билӓрдин, ани бӓн кескин бир адамым, алэрым орадан, нерейи коймадым, хем бичерим, нередӓ екмедим.

Matfey 25:26

Чорбаӂы деди она: „Йарамаз хем хайлаз чырак! Билӓрдин, ани бичерим, нередӓ екмедим хем топлээрым, нередӓ харман дӱӱмедим.

Matfey 18:27

Чорбаӂынын ӂаны аӂыды о чыраа, баашлады борӂуну да салверди, гитсин.

Matfey 18:31

Кафадарлары гӧрдӱлӓр буну да пек гӱӂендилӓр. Оннар гиттилӓр да сӧледилӓр хепсини чорбаӂыйа.

Matfey 18:33

Дӱшмӓрди ми, сӓн дӓ аӂыйасын кафадарыны, ниӂӓ Бӓн сени аӂыдым?“

İakovun 2:13

Зерӓ аӂыйанныксыз даава олаӂэк оннара, ким башкаларыны аӂымээр. Аӂыйаннык даавадан таа ӱстӱндӱр.