Matfey 12:32 - Ени Бааланты

³² Ким лафедеӂек Адам Оолуна каршы, баашланаӂэк. Ама ким лафедеӂек Айоз Духа каршы, о баашланмайаӂэк не бу заманда, не гелӓн заманда.

Enі Baalantı

³² Kim lafedecek Adam Ooluna karşı, baaşlanacek. Ama kim lafedecek Ayoz Duha karşı, o baaşlanmayacek ne bu zamanda, ne gelän zamanda.

Matfey 12:32 Referans Kwoze

Mark 3:29

Ама ким кӧтӱлеер Айоз Духу, хич бир сыра билӓ баашланмайаӂэк. О кабаатлы бир гӱнахлан, ани дивеӂинӓ калаӂэк».

İoan 7:39

Сӧлӓрди бу лафлары Айоз Дух ичин, Ангысыны лӓӓзымды каблетсиннӓр оннар, ким Она инанэр. Зерӓ Айоз Дух таа верилмедийди, хем Иисус таа диилди метинникли.

1 Tіmofeyä 1:13

макар ки бӓн ӧнӂӓ бир кӧтӱлейиӂи, коолайыӂы хем зулумдум. Ама О аӂыды бени, зерӓ йапардым буннары билгисизликтӓн хем инансызлыктан.

Tіta 2:12

ӱӱредер бизи, аллахсызлыктан хем дӱннӓ хамеллериндӓн бракылалым, да есаплы, доору хем аллахчы йашайалым бу шиндики вакытта.

Efeslіlerä 1:21

Таа ӱӱсек койду Ону хербир ӧндерӂиликтӓн, заабитликтӓн, куветликтӓн, чорбаӂылыктан хем хер адтан, ани анылэр диил саде бу заманда, ама гелӓр заманда да.

Yaptıklar 3:19

Онун ичин пишман олун гӱнахларыныздан да Аллаха дӧнӱн, ки силинсин гӱнахларыныз,

Luka 12:10

Еер биркимсей лафедӓрсӓ Адам Оолуна каршы, афедилеӂек. Ама ким кӧтӱлейеӂек Айоз Духу, афедилмейеӂек.

Matfey 12:31

Онуштан сӧлеерим сизӓ, ани хер гӱнах хем хер кӧтӱлемӓк баашланаӂэк инсана, ама кӧтӱлемӓк Айоз Духу баашланмайаӂэк.

1 Tіmofeyä 1:15

Аслыдыр хем йарашэр, ки херкезиндӓн кабледилсин о сӧз, ани деер: «Иисус Христос гелди бу дӱннейӓ, ки гӱнахкерлери куртарсын», ангыларындан бӓн ен кӧтӱсӱйӱм.

İoan 7:12

Инсан арасында чок тӱрлӱ Онун ичин фисирдемӓк олурду. Кимиси дейӓрди: «О бир ислӓӓ адам», башкасы дейӓрди: «Диил ислӓӓ, О инсаны алдадэр».

Luka 23:34

Иисус дейӓрди: «Боба, афет оннары, зерӓ билмеерлӓр, не йапэрлар!» Аттылар четелӓ, пайедип рубаларыны бири-биринин арасында.

Mark 10:30

о кабледеӂек шинди, бу ӧмӱрдӓ, ӱз катына таа чок ев, кардаш, кызкардаш, ана, ушак, тарла, кооламакларлан билӓ, ама гелӓн ӧмӱрдӓ кабледеӂек дивеч йашамак.

İoan 7:52

Оннар ӂувап еттилӓр: «Беки сӓн дӓ Галилейадансын? Аараштыр ислӓӓ да бак, Галилейадан вар мы насыл чыксын пророк?»

Luka 7:34

Гелди Адам Оолу, ийер хем ичер, деерсиниз: „Хобур хем ичкиӂи, харччыларын хем гӱнахкерлерин досту!“

Matfey 11:19

Гелди Адам Оолу, хем ийер хем ичер, деерлӓр: „Хобур хем ичкиӂи, харччыларын хем гӱнахкерлерин досту!“ Хеп окадар аарифлик гӧстерер ишлериндӓн, ани о доорудур».

Matfey 13:55

Диил ми О дӱлгерин оолу? Марийа диил ми Онун анасы? Иаков, Иосиф, Симон хем Иуда диил ми Онун кардашлары?

Matfey 8:20

Иисус ӂувап етти: «Тилкилерин иннери, кушларын йувалары вар, ама Адам Оолу йок нерейи башыны койсун».

Matfey 12:8

Зерӓ Адам Оолу – артык ӂумертесинин дӓ Саабиси».

Matfey 13:22

Тоомнар, екилмиш чалылар ичинӓ, оннардыр, ким ишидер сӧзӱ, ама бу заманын кахырлары хем зенгинник алдангачлыы буулдэрлар, да оннар берекет гетирӓмеерлӓр.

Matfey 13:39

Душман, айырык тоомуну екӓн – диавол. Бичмӓк вакыды – заман биткиси. Оракчылар – ангиллӓр.

Matfey 13:40

Ниӂӓ айырык оту йолунэр да атылэр атешӓ, ӧлӓ олаӂэк заман биткисиндӓ дӓ.

Mark 3:28

Доору сӧлеерим сизӓ, хер гӱнах, ани инсан йапэр, хем хер кӧтӱ лаф, ани сӧлеер, баашланэр.

Luka 16:8

Чорбаӂы мететти бу диил инанч векили, ани фикирлӓн ишледи. Чӱнкӱ бу дӱннейин адамнары кендикилериннӓн таа фикирли ишлеерлӓр, некадар айдынныын оланнары.

Luka 18:30

кабледеӂек чок таа зеедӓ бу ӧмӱрдӓ хем гелӓр ӧмӱрдӓ дивеч йашамак».

1 Tіmofeyä 4:8

Зерӓ гӱӱдейи сынаштырмаа аз файдалы, ама гитмӓк Аллахын йолунда хер тарафтан файдалы, чӱнкӱ онда аданмак вар шиндики ӧмӱр ичин хем гелеӂек ӧмӱр ичин.

1 Tіmofeyä 6:17

Зенгиннерӓ бу ӧмӱрдӓ сымарла, ани ходулланмасыннар, умутларыны коймасыннар зенгиннӓӓ, ани гелип-гечер, ама /дири/ Аллаха, Ангысы верер бизӓ хепсини ташкынныктан, ки сефаланалым,

2 Tіmofeyä 4:10

Зерӓ Димас бени бракты, чӱнкӱ таа чок севди бу дӱннейи да гитти Салоник касабасына. Крискис гитти Галатийайа, Тит – Далматийайа.

İakovun 1:27

Аллах Бобанын ӧнӱндӓ темиз хем кусурсуз аллахчылык будур: зеет чекӓн ӱӱсӱзлери хем дуллары долашмаа хем кендини дӱннедӓн лекесиз тутмаа.