Mark 12:14 - Ени Бааланты

¹⁴ Гелип, оннар сордулар Иисуса: «Ӱӱредиӂи, биз билериз, ани Сӓн доору адамсын, кимсейӓ пай тутмээрсын, зерӓ адамын ӱзӱнӓ бакмээрсын, Аллахын йолуну хакына ӱӱредерсин. Дӱшер ми ӧдемӓӓ харч Кесара оса дӱшмеер ми? Харч ӧдейелим ми оса ӧдӓмейелим ми?»

Enі Baalantı

¹⁴ Gelip, onnar sordular İisusa: «Üüredici, biz bileriz, ani Sän dooru adamsın, kimseyä pay tutmêêrsın, zerä adamın üzünä bakmêêrsın, Allahın yolunu hakına üüredersin. Düşer mi ödemää harç Kesara osa düşmeer mi? Harç ödeyelim mi osa ödämeyelim mi?»

Mark 12:14 Referans Kwoze

1 Salonіklіlerä 2:4

Ама чӱнкӱ Аллах сайды бизи уйгун, ки инандырсын бизӓ Ии Хабери, бакэрыз, ӧлӓ лафеделим, ки беендирелим кендимизи диил инсана, ама Аллаха, ани адамын ӱреени денеер.

Galatіyalılara 2:6

Ама оннар, ким ӱстӱн сайылэрлар – оннар, не дӓ олсалар, беним ичин диил бишей, Аллах кимсейӓ пай тутмээр, – бу ӱстӱн сайыланнар бишей еклӓмедилӓр беним насаатыма.

Galatіyalılara 1:10

Бӓн шинди инсанын кайыллыыны мы аарээрым оса Аллахын мы? Аӂаба инсана мы бакэрым кендими беендирейим? Еер инсана кендими беендирмӓӓ бакарсам, озаман олмарым Христозун чыраа.

2 Korіnflіlerä 5:16

Онуштан шиндӓн сора биз танымээрыз кимсейи салт инсанын аннамасына гӧрӓ. Еер вакытча таныдыйсак Христозу салт инсанын аннамасына гӧрӓ, шинди бӧлӓ танымээрыз.

2 Korіnflіlerä 5:11

Ӧлӓ ки, билерӓк недир Аллахтан корку, чалышэрыз инсаны инана гетирмӓӓ. Аллах билер, несой адамнарыз, умут едерим, ки сиз дӓ ӱреениздӓ буну билерсиниз.

2 Korіnflіlerä 2:17

Зерӓ биз чойу гиби бозмээрыз Аллахын сӧзӱнӱ, ки безиргенник йапалым, ама насаат едериз Аллахын ӧнӱндӓ бир темиз ӱректӓн, ниӂӓ оннар, ким Аллахтан йолланмыш хем Христоза инанэр.

2 Korіnflіlerä 2:2

Еер бӓн сизи гӱӂендирӓрсейдим, ким бени шеннендиреӂек, сиздӓн каарӓ, кими гӱӂендирдим?

İoan 7:18

Ким лафедер кендиндӓн, о кендинӓ метинник бакэр, ама ким онун йоллайанын метинниини бакэр, о доору сӧлеер, онда йок йаннышлык.

Romalılara 13:6

Онуштан харчлары ӧдейин, зерӓ заабитлӓр – Аллахын изметчилери, ани хожма чалышэрлар буну таманнамаа.

Luka 23:2

Башладылар Ону кабаатландырмаа бӧлӓ лафларлан: «Биз булдук бу Адамы, бизим инсаны кызыштыраркан калкынмаа хем дургударкан, харч ӧдӓмесиннӓр Кесара. О кендини сайэр Христос – Падишах».

Luka 20:22

Дӱшер ми, ӧдейелим харч Кесара оса дӱшмеер ми?»

Mark 14:45

Иуда, гелип, чабук йаклашты Иисуса да деди: «Ӱӱредиӂи!», сора ӧптӱ Ону.

Matfey 22:17

Ӧлӓ ки, сӧлӓ бизӓ, несой сайэрсын, дӱшер ми ӧдемӓӓ харч Кесара оса дӱшмеер ми?»

2 Korіnflіlerä 4:1

Онуштан, чӱнкӱ Аллахын аӂыйанныыннан бизим бӧлӓ изметчилиимиз вар, биз умуду кайбетмеериз.

Matfey 22:16

Йолладылар Она кенди ӱӱрениӂилерини, Иродун адамнарыннан барабар, десиннӓр: «Ӱӱредиӂи, биз билериз, ани доору адамсын, Аллахын йолуну хакына ӱӱредерсин, кимсейӓ пай тутмээрсын, зерӓ адам ӱзӱнӓ бакмээрсын.

Mark 12:13

Сора йолладылар Иисуса кимисини фарисейлердӓн хем Иродун адамнарындан, ки баксыннар Ону бир лафлан тутмаа.

Mark 12:15

Иисус таныды оннарын икиӱзлӱлӱклерини да деди оннара: «Нечин Бени денеерсиниз? Гетирин бир динар, ки гӧрейим ону».