Luka 8:22 - Ени Бааланты

²² Бир гӱн Иисус пинди бир кайык ичинӓ ӱӱрениӂилериннӓн барабар да деди оннара: «Гечелим гӧлӱн ӧтӓӓнна». Оннар йолландылар.

Enі Baalantı

²² Bir gün İisus pindi bir kayık içinä üürenicilerinnän barabar da dedi onnara: «Geçelim gölün ötäänna». Onnar yollandılar.

Luka 8:22 Referans Kwoze

Mark 6:45

Иисус чалыштырды ӱӱрениӂилерини, тез гирсиннӓр кайык ичинӓ да ӧнӱ сора гечсиннӓр гӧлӱн ӧбӱр тарафына, Вифсаида касабасына. Бу вакыт Кендиси лӓӓзымды салверсин инсаны.

Luka 8:23

Кайыклан ӱзӓркӓн, Иисус уйуду. Гӧл ӱстӱндӓ ӧлӓ бир кескин лӱзгӓр есмӓӓ башлады, ани долдурурду кайыы суйлан. Хепси бир бӱӱк хатада булунарды.

Luka 5:1

Бир сыра, ачан Иисус булунарды Геннисарет гӧлӱнӱн бойунда, инсан сыкышып сокуларды Она, ишитсин Аллахын сӧзӱнӱ дейни.

Mark 8:13

Сора бракты оннары да енидӓн гирди кайык ичинӓ, гечсин дейни гӧлӱн ӧбӱр тарафына.

Matfey 14:22

Ондан сора Иисус чалыштырды ӱӱрениӂилерини тез гирсиннӓр кайык ичинӓ да ӧнӱ сора гечсиннӓр гӧлӱн ӧбӱр тарафына. Бу вакытта Кендиси лӓӓзымды салверсин инсаны.

İoan 6:1

Бундан сора Иисус гитти Галилейа (Тивериада) гӧлӱнӱн ӧбӱр тарафына.

Mark 5:21

Ачан Иисус кайыклан каршы тарафа дӧндӱ, гӧл бойунда чок инсан топланды Онун долайына.

Matfey 8:18

Ачан Иисус гӧрдӱ чок инсан Кенди долайында, сымарлады ӱӱрениӂилеринӓ, кайыклан гӧлӱн ӧбӱр тарафына гечсиннӓр.

Luka 8:33

Фена духлар, чыкып бу адамдан, гирдилӓр домузлар ичинӓ, да озаман бӱтӱн сӱрӱ хызланды дик йамачтан, атлады гӧл ичинӓ да буулду.

Yaptıklar 27:2

Биз пиндик бир гемийӓ Адрамит касабасындан, ангысы лӓӓзымды ӱзсӱн Асийанын йанындан, да йола чыктык. Бизимнӓн гелди Аристарх Македонийадан, Салоник касабасындан.