Luka 5:17 - Ени Бааланты

¹⁷ Бир гӱнӱ, ачан Иисус ӱӱредӓрди инсаны, фарисейлӓр хем закон ӱӱредиӂилери, ани гелдийдилӓр Галилейанын хем Иудейанын хепси долай кӱӱлериндӓн хем Иерусалимдӓн, дурардылар орада. Саабинин куведи Онуннанды, инсаны алыштырмаа дейни.

Enі Baalantı

¹⁷ Bir günü, açan İisus üüredärdi insanı, fariseylär hem zakon üüredicileri, ani geldiydilär Galileyanın hem İudeyanın hepsi dolay küülerindän hem İerusalimdän, durardılar orada. Saabinin kuvedi Onunnandı, insanı alıştırmaa deyni.

Luka 5:17 Referans Kwoze

Luka 6:19

Хепси инсан бакарды диисин Она, зерӓ Ондан чыкарды бир бӱӱк кувет да хепсини алыштырарды.

Luka 8:46

Ама Иисус ӂувап етти: «Бана биркимсей дииди, зерӓ дуйдум, ани бир кувет чыкты Бендӓн».

Yaptıklar 19:11

Аллах йапты гӧрӱлмемиш кудретли ишлӓр Павлинин еллериннӓн.

Matfey 11:5

кӧӧрлар гӧрерлӓр, топаллар гезерлӓр, лепралылар пакланэрлар, саарлар ишидерлӓр, ӧлӱлӓр дирилерлӓр, фукааралара ии хабер насаат олэр.

Yaptıklar 4:30

Сӓн дӓ узат елини, ки инсаннар алыштырылсын, да шашмаклы ишлӓр хем нышаннар йапылсын Сенин айоз Оолунун Иисусун адыннан».

Mark 7:1

Фарисейлӓр хем биркач билгич, гелмӓ Иерусалимдӓн, топландылар Иисусун долайына.

Mark 5:30

Иисус дуйду, ани бир кувет Ондан чыкты, дӧндӱ инсана доору да сорду: «Ким дииди Беним рубама?»

Matfey 15:1

Озаман фарисейлӓр хем билгичлӓр Иерусалимдӓн гелдилӓр Иисуса да дедилӓр:

İoan 3:21

Ама ким йашээр аслылаа гӧрӓ, о гелер айдыннаа, гӧрӱнсӱн дейни йаптыклары, ани Аллахын кувединнӓн йапылы».

Luka 2:46

Ӱчӱнӂӱ гӱнӱ булдулар Ону Айоз бина ичиндӓ. О, ӱӱредиӂилерин арасында отуруп, сеслӓрди хем соруш койарды.

Luka 15:2

Фарисейлӓр хем билгичлӓр маана булардылар да дейӓрдилӓр: «Бу адам кабледер гӱнахкерлери хем ийер оннарлан».

Luka 7:30

Ама фарисейлӓр хем закон ӱӱредиӂилери бастылар Аллахын истедиини оннар ичин, зерӓ ваатиз олмадылар ондан.

Luka 5:30

Фарисейлӓр хем билгичлӓр, маана булуп, дейӓрдилӓр Онун ӱӱрениӂилеринӓ: «Нечин ийерсиниз хем ичерсиниз харччыларлан хем гӱнахкерлӓрлӓн барабар?»

Luka 5:21

Билгичлӓр хем фарисейлӓр башладылар дӱшӱнмӓӓ кенди-кендилеринӓ: «Кимдир Бу, ани Аллахы кӧтӱлеер? Ким, Аллахтан каарӓ, вар насыл гӱнахлары баашласын?»

Mark 16:18

йылан еллеринӓ алаӂэклар. Зихирли бишей ичӓрсейдилӓр, оннара зарар олмайаӂэк. Койаӂэклар еллерини хасталарын ӱстӱнӓ, да хасталар саа олаӂэклар».

Mark 3:22

Билгичлӓр, ани гелдилӓр Иерусалимдӓн, дейӓрдилӓр, ани О Веелзевулдан тутулу, хем ани фена духлары чыкарэр фена духларын ӧндерӂисинин кувединнӓн.

Mark 1:45

Бу адам са, чыкып орадан, башлады сӧлемӓӓ хем хабер вермӓӓ бунун ичин херердӓ. Ӧлӓ, ани сора Иисус хич бир касабайа ачыкта гирӓмӓрди. О дышанда, сапа ерлердӓ дурарды, да инсан хер тарафтан Она гелӓрди.

İoan 3:10

Иисус ӂувап етти она: «Сӓн, Израилин ӱӱредиӂиси, буну му билмеерсин?

Yaptıklar 5:34

Ама калкты оннарын арасындан бир фарисей, ады Гамалиил, Законун ӱӱредиӂиси, хепси инсандан сайгылы, да буйур етти чыкарсыннар апостоллары бир парча вакыда дышары.