Luka 20:16 - Ени Бааланты

¹⁶ Гелип, телеф едеӂек оннары, ама баайы башка адамнара вереӂек». Бу лафлары ишидип, инсан деди: «Олмаз бу олсун!»

Enі Baalantı

¹⁶ Gelip, telef edecek onnarı, ama baayı başka adamnara verecek». Bu lafları işidip, insan dedi: «Olmaz bu olsun!»

Luka 20:16 Referans Kwoze

Luka 19:27

Ама беним душманнарымы, ким истӓмеди падишахлык едейим оннарын ӱстӱнӓ, гетирин бурайы да ӧлдӱрӱн беним ӧнӱмдӓ!“»

Yaptıklar 13:46

Ама Павли хем Варнава гиргин дедилӓр: «Илкин сизӓ лӓӓзымды сӧленсин Аллахын сӧзӱ, ама чӱнкӱ сиз ону рет едерсиниз да истӓмеерсиниз каблетмӓӓ дивеч йашамак, онуштан биз дӧнериз башка миллетлерӓ.

Matfey 21:41

Оннар ӂувап еттилӓр: «Бу хайырсызлары, зеетлейип, ӧлдӱреӂек. Баайы башка бааӂылара вереӂек, ангылары вакыдында она берекедини вереӂеклӓр».

Matfey 22:7

Ачан ишитти буну падишах, ӱфкеленди, йоллады аскерлерини да телеф етти бу ӧлдӱрӱӂӱлери, йакты оннарын касабаларыны.

Matfey 21:34

Ачан гелди ӱзӱм вакыды, йоллады кенди чыракларыны бааӂылара, ки алсыннар берекедини.

Mark 12:9

Шинди не йапаӂэк баа чорбаӂысы? Гелеӂек да телеф едеӂек бу бааӂылары, ама баайы вереӂек башкасына.

Luka 20:15

Чыкарып ону баадан бир тарафа, ӧлдӱрдӱлӓр. Шинди не йапаӂэк баа чорбаӂысы бу бааӂыларлан?

Romalılara 3:4

Олмаз! Еер хепси инсаннар йаланӂы да олса, Аллах доору калэр, ниӂӓ йазылы: «Сӧзӱндӓ доору чыкэрсын хем даавада даавайы казанэрсын».

Romalılara 3:6

Олмаз! Ӧлӓ олурса, ниӂӓ Аллах бу дӱннейи даава едӓбилир?

Romalılara 3:31

Ӧлейсӓ, не, инаннан Айоз Закону куветсиз ми йапэрыз? Олмаз! Ама инаннан Закону каавилеериз.

Romalılara 6:2

Олмаз! Биз гӱнах ичин ӧлдӱк, несой йашайабилириз гӱнахта?

Romalılara 6:15

Шинди не дейеӂез? Чӱнкӱ заплы диилиз Законнан, ама Аллахын иивергисиннӓн, гӱнах мы йапалым? Олмаз!

Romalılara 7:7

Не дейеӂез? Айоз Закон гӱнахкер ми? Олмаз! Буна каршы, о Закон олмасайды, биз гӱнахы танымайаӂэйдык. Сӧзгелиши, бӓн билмейеӂейдим, недир тамахлык, еер Закон демейейди: «Тамахланмайасын».

Romalılara 7:13

Озаман ии бишей, чыкэр, бана ӧлӱм гетирди? Олмаз! Ама гӱнах, файдаланарак ии бишейлӓн, бана ӧлӱм гетирӓрди, ки сымарламаклан ачылсын гӱнах некадар гӱнахлы.

Romalılara 9:14

Шинди не дейеӂез? Аллахта йок му доорулук? Олмаз!

Romalılara 11:1

Шинди сорэрым: Аӂаба Аллах Кенди инсанындан атылды мы? Олмаз! Бӓн кендим израиллийим, Авраамын сенселесиндӓн, Вениаминин тамызлыындан.

Romalılara 11:11

Шинди сорэрым: иудейлӓр кӧстеклендилӓр, хептӓн дӱшсӱннӓр дейни ми? Олмаз! Ама оннарын сӱрчмеклери куртулмак гетирди башка миллетлерӓ, ки бутакым иудейлердӓ дебрешсин кысканчлык.

1 Korіnflіlerä 6:15

Билмеерсиниз ми, ани сизин гӱӱделериниз – Христозун еклери? Не, Христозун еклерини алып, йапайым оннары ороспулук еклери ми? Олмаз!

Galatіyalılara 2:17

Еер биз, истейерӓк доору сайылмаа Христозун араӂылыыннан, кендимиз гӱнахкер чыкарсайдык, озаман чыкэр, ани Христос гӱнах изметкери? Бу олмаз бир сыра билӓ!

Galatіyalılara 3:21

Не дейеӂез? Закон каршы дурэр мы Аллахын адамакларына? Олмаз, бир сыра билӓ! Еер верилмиш олайды бир закон, ани гетирӓбилеӂейди йашамак, озаман доору, ани инсан доору сайылаӂэйды Закондан.

Galatіyalılara 6:14

Бана калса, бир сыра билӓ дӱшмеер, ки ӱӱнейим башка бишейлӓн, салт некадар бизим Сааби Иисус Христозун ставрозуннан, нейлӓн бу дӱннӓ беним ичин ставроза герили, бӓн дӓ бу дӱннӓ ичин герилийим.