Luka 14:13 - Ени Бааланты

¹³ Ачан койэрсын бир софра, чаар о фукаара оланнары, сакатлары, топаллары хем кӧӧрлары.

Enі Baalantı

¹³ Açan koyêrsın bir sofra, çaar o fukaara olannarı, sakatları, topalları hem köörları.

Luka 14:13 Referans Kwoze

Luka 14:21

Чырак дӧндӱ геери да сӧледи хепсини буннары чорбаӂысына. Озаман евин чорбаӂысы пек гӱӂенди да деди кенди чыраана: „Чабук чык касабанын мейданнарына хем сокакларына да гетир фукааралары, сакатлары, кӧӧрлары хем топаллары“.

Çıfıtlara 13:2

Унутмайын мусаафирӂи олмаа, зерӓ кимиси бутакым, хич билмейерӓк, конаклады ангиллери.

Matfey 22:10

Куллар гиттилӓр сокаклара, топладылар хепсини, кими булдулар: иилери хем кӧтӱлери. Дӱӱн ери долду конакчыларлан.

1 Tіmofeyä 5:10

ии ишлери ичин билинӓн, ушак бӱӱтмӱш, мусаафир каблетмиш, Аллахын айоз халкынын айакларыны йыкамыш, сыкынтыда оланнара йардым етмиш хем чалышканныклан хертӱрлӱ иилик йапмыш.

1 Tіmofeyä 3:2

Онуштан епископ лӓӓзым олсун мааналанмаз табеетли, бир карыйлан евли, айык, саа фикирли, есаплы, мусаафирӂи, беӂерик ӱӱретмӓӓ.

Tіta 1:8

Олсун мусаафирӂи, ииликчи, есаплы, доору, аллахчы хем кендини кулланан.

Fіlіmona 1:7

Зерӓ биз пек севиндик хем ӱреклендик сенин севгин ичин, зерӓ сениннӓн, кардашым, хошланды айозларын ӱреклери.

Yaptıklar 9:39

Петри калкты да гитти оннарлан барабар. Ачан гелди, ону чыкардылар икинӂи каттакы одайа, нередӓ хепси дуллар долайладылар ону, аалайарак хем гӧстерерӓк гӧлмеклери хем ӱст рубалары, ани йапарды Серна, ачан оннарлан йашарды.

Luka 11:41

Йапын иилик, не вар сиздӓ, озаман сизин ичин хепси темиз олаӂэк.

Matfey 15:30

Чок инсан гелди Она орайы. Гетирдилӓр кендилериннӓн топаллары, кӧӧрлары, мутулары, сакатлары хем чок башка хасталары, койдулар оннары Онун айакларына, да О оннары алыштырды.

Luka 14:12

Сора Иисус данышты буйур еденӓ да деди: «Ачан койэрсын бир софра, чаарма кенди достларыны, кардашларыны, хысымнарыны, не дӓ сенин зенгин комушуларыны, олмасын дейни, ки сора оннар да кенди сыраларында чаарсыннар сени. Бутӱрлӱ сӓн кабледерсин ӧдек сенин иилиинӓ.

Luka 14:14

Да мутлу олаӂан, зерӓ оннар йок нейлӓн чевирсиннӓр сана геери. Бунун ичин сана ӧдек олаӂэк доору оланнарын дирилмесиндӓ».