Luka 12:17 - Ени Бааланты

¹⁷ О кенди-кендинӓ дӱшӱнӓрди хем дейӓрди: „Нӓбайым? Йок нерейи берекедими топлайым.

Enі Baalantı

¹⁷ O kendi-kendinä düşünärdi hem deyärdi: „Näbayım? Yok nereyi berekedimi toplayım.

Luka 12:17 Referans Kwoze

Matfey 5:42

Ким истеер сендӓн, вер она. Дӧнмӓ арканы она, ким истеер ӧдӱнч сендӓн.

1 İoanın 3:16

Биз бундан аннээрыз, недир севги, зерӓ Христос верди бизим ичин Кенди ӂаныны. Биз дӓ лӓӓзым верелим ӂанымызы кардашларымыз ичин.

Romalılara 12:13

Пайедин, не сиздӓ вар Аллахын айоз халкына, ачан о йоклукта. Бакын мусаафирӂи олмаа.

Yaptıklar 16:30

Чыкарып оннары дышары, деди: «Чорбаӂыларым, не дӱшер йапайым, ки куртулайым?»

Luka 19:17

Озаман чорбаӂы ӂувап етти: „Хелал, сӓн ии чыраксын, олдун инанч адам кӱчӱк ишлердӓ, онуштан койэрым сени кулланыӂы он касабанын ӱстӱнӓ“.

Luka 18:22

Иисус, ишидип бу лафлары, деди: «Сана салт бир иш етишмеер: сат варлыыны, пайет фукааралара, да олаӂэк хазнан гӧктӓ. Сора гел да излӓ Бени».

Luka 16:9

Бӓн сизӓ деерим: едениниз дост кендинизӓ бу диил хакына зенгинниклӓн, ки ачан зенгинник битеӂек, кабул оласыныз дивеч биналара.

1 Tіmofeyä 6:17

Зенгиннерӓ бу ӧмӱрдӓ сымарла, ани ходулланмасыннар, умутларыны коймасыннар зенгиннӓӓ, ани гелип-гечер, ама /дири/ Аллаха, Ангысы верер бизӓ хепсини ташкынныктан, ки сефаланалым,

Yaptıklar 2:37

Оннар бу лафлары ишидип, ӱреклери сапланмыш калды, да дедилӓр Петрийӓ хем ӧбӱр апостоллара: «Кардашлар, не йапалым?»

Luka 16:3

Векил кенди-кендинӓ дӱшӱнӱрдӱ: „Не йапайым? Чорбаӂы чыкарыр бени иштӓн. Казмаа куведим йок, диленмӓӓ утанэрым.

Luka 12:33

Сатын не вар сиздӓ, да йапын иилик. Кендинизӓ ескимӓз кеселӓр хазырлайын – гечмӓз зенгинник гӧклердӓ, нерейи хырсыз сокулмээр хем гӱвӓ имеер.

Luka 12:29

Аарамайын, не имӓӓ хем не ичмӓӓ. Бунун ичин касаветленмейин.

Luka 12:22

Сора Иисус деди ӱӱрениӂилеринӓ: «Онуштан деерим сизӓ, кахырланмайын йашамак ичин, дӱшӱнмейин, не ийеӂениз хем не гӱӱденизӓ гиийеӂениз.

Luka 11:41

Йапын иилик, не вар сиздӓ, озаман сизин ичин хепси темиз олаӂэк.

Luka 10:25

Бир закон ӱӱредиӂиси калкты денесин Иисусу да деди: «Ӱӱредиӂи, не йапайым, ки дивеч йашамак еденейим?»

Luka 3:11

О ӂувап етти: «Кимдӓ вар ики руба, пайлашсын онуннан, кимдӓ хич йок, хеп ӧлӓ йапсын о да, кимдӓ имеелик вар».

Matfey 16:7

Ӱӱрениӂилӓр бири-бирилериннӓн лафедирдилӓр: «Онуштан деер, чӱнкӱ екмек алмадык!»

Luka 12:16

Сора сӧледи бир ӧрнек: «Бир зенгин адамын мерасында бӱӱк берекет олду.

Luka 12:18

Тӓ не йапаӂам: ески амбарларымы бозаӂам да таа бӱӱк ени амбарлар йапаӂам. Орайы топлайаӂам хепси екиннерими хем варлыымы.