Luka 11:9 - Ени Бааланты

⁹ Онун ичин деерим сизӓ: истейин – да верилеӂек; аарайын – да булаӂэныз; урун – да ачылаӂэк.

Enі Baalantı

⁹ Onun için deerim sizä: isteyin – da verilecek; aarayın – da bulacenız; urun – da açılacek.

Luka 11:9 Referans Kwoze

Mark 11:24

Онуштан сӧлеерим сизӓ: Не дӓ истейеӂениз дуада, инанын каблетмиш гиби, да олаӂэк сизӓ.

Matfey 21:22

Инаннан дуа едӓрсейдиниз, не дӓ истейеӂениз, кабледеӂениз».

İoan 15:16

Сиз Бени сечмединиз, ама Бӓн сизи сечтим. Сыраладым, гидип, мейва гетирӓсиниз, да хожма олсун мейваныз, ки не дӓ истейеӂениз Бобадан Беним адыма, сизӓ версин.

İoan 15:7

Еер каларсайдыныз Бендӓ, Беним сӧзлерим дӓ каларсайдылар сиздӓ, озаман не истӓрсейдиниз, истейин, да верилеӂек сизӓ.

İoan 14:13

Не дӓ истейеӂениз Беним адыма, йапаӂам, ки Боба метинненмиш олсун Оолунда.

1 İoanın 3:22

Да не дӓ истейеӂез Ондан, кабледеӂез, зерӓ таманнээрыз Онун сымарламакларыны хем йапэрыз, не О беенер.

İakovun 1:5

Еер сиздӓн бирисинӓ аарифлик етишмӓрсейди, истесин Аллахтан, Ангысы ӂӧмертликлӓн херкезинӓ верер, хич маана аарамээр, да она верилеӂек.

Çıfıtlara 11:6

Инансыз йок насыл Аллахтан беенилмиш олалым, зерӓ, ким йаклашэр Аллаха, лӓӓзым инансын, ки Аллах вар хем баашыш верер оннара, ким Ону аарээр.

İakovun 5:15

Дуа, ани инаннан йапылы, хастайы куртараӂэк, да Сааби ону айаа калдыраӂэк. Хаста гӱнах йаптысайды, афедилеӂек.

Çıfıtlara 4:16

Онуштан кыйышмаклан Аллахын хайырлы чорбаӂылык скемнесинӓ йаклашалым, ки кабледелим аӂыйаннык хем хайыр, йардым булалым лӓӓзымныклы вакытта.

İoan 4:10

Иисус ӂувап етти она: «Еер билсӓн Аллахын баашышыны хем Ону, Ким сендӓн су истеер, сӓн кендин истӓрсин Ондан су ичмӓӓ, да О йашамак суйу верир сана».

Matfey 6:29

Ама деерим сизӓ: артык Соломон бӱтӱн донаклыында гиинӓмеди, ниӂӓ оннарын бириси.

2 Korіnflіlerä 6:2

Зерӓ Аллах деер: «Уйгун вакытта сени ишиттим, куртулмак гӱнӱндӓ сана йардым еттим». Тӓ, шинди о уйгун вакыт, шинди о куртулмак гӱнӱ.

Mark 13:37

Не сӧлеерим сизӓ, сӧлеерим хепсинӓ: Кушку олун».

Romalılara 2:7

Оннара, ким, дайма иилик йапарак, метинник, икрам хем ӧлӱмсӱзлӱк аарээр, дивеч йашамак вереӂек.

Matfey 21:31

Ангысы оннардан таманнады бобанын истедиини?» «Илкинкиси», – ӂувап етти оннар. Иисус деди оннара: «Доору сӧлеерим сизӓ, ани харччылар хем маскаралар сизин ӧнӱнӱз сора гидерлӓр Гӧк Падишахлыына.

Apokalіpsіs 2:24

Ама каланына сиздӓн, ким булунэр Фиатирада, ангылары тутунмээрлар бу ӱӱретмектӓн да билмеерлӓр ‘шейтанын дерин ишлерини’, ниӂӓ денер, сӧлеерим, ани коймайаӂам ӱстӱнӱзӓ башка аарлык.

Luka 11:10

Зерӓ ким истеер – еденер, ким аарээр – булэр, хем ким урэр – она ачылэр.