Luka 10:22 - Ени Бааланты

²² Хепсини Бобам Беним елимӓ верди. Кимсей билмеер, кимдир Оол, Бобадан каарӓ, хем кимсей билмеер, кимдир Боба, Оолдан каарӓ, хем оннардан, кимӓ Оол истеер ачмаа».

Enі Baalantı

²² Hepsini Bobam Benim elimä verdi. Kimsey bilmeer, kimdir Ool, Bobadan kaarä, hem kimsey bilmeer, kimdir Boba, Ooldan kaarä, hem onnardan, kimä Ool isteer açmaa».

Luka 10:22 Referans Kwoze

Matfey 11:27

Хепсини Бобам Беним елимӓ верди. Кимсей хептӓн аннамээр Оолу, Бобадан каарӓ, хем кимсей хептӓн аннамээр Бобайы, Оолдан каарӓ, хем оннардан, кимӓ Оол истеер ачмаа.

İoan 1:18

Аллахы бир сыра билӓ кимсей гӧрмеди. Бириӂик Оол, Аллах, ким Бобанын куӂаанда булунэр, О Аллахы ачты.

İoan 10:15

ниӂӓ Боба таныйэр Бени, Бӓн дӓ таныйэрым Бобайы. Бӓн верерим йашамамы койуннарым ичин.

2 İoanın 1:9

Ким сырайы басэр да тутунмээр Иисусун ӱӱретмесиндӓн, онда йок Аллах. Ким тутунэр /Христозун/ ӱӱретмесиндӓн, онда вар хем Боба, хем Оол.

2 Korіnflіlerä 4:6

Зерӓ Аллах, Ким деди: «Айдыннык шафк етсин каранныктан», О айдыннатты ӱреклеримизи, ки таныйалым Аллахын метинниини, ани шафк едер Иисус Христозун ӱзӱндӓн.

1 İoanın 5:20

Да билериз, ани Аллахын Оолу гелди, ки акыл бизӓ версин, таныйалым Хакына Оланы. Биз булунэрыз Хакына Оланда, Онун Оолунда, Иисус Христозда. Будур – хакына Аллах хем дивеч йашамак.

İoan 17:26

Бӓн Сенин адыны ачтым хем таа ачаӂам да, ки о севги, ангысыннан Сӓн Бени севдин, олсун оннарда, хем Бӓн дӓ олайым оннарлан».

İoan 17:2

Сӓн вердин Она заабитлик хепси инсан ӱстӱнӓ, ки версин дивеч йашамак хепсинӓ, кими Сӓн вердин Она.

Matfey 28:18

Иисус, йаклашып оннара, деди: «Бана бӱтӱн заабитлик верилди гӧктӓ хем ердӓ.

İoan 13:3

Иисус, Ангысы билӓрди, ани Боба хепсини верди Онун елинӓ, хем Кендиси Аллахтан чыкып-гелди да Аллаха дӧнер,

İoan 3:35

Боба север Оолуну, онун ичин верди хепсини Онун елинӓ.

Çıfıtlara 2:8

Хепсини, онун запына верип, айаклары алтына койдун». Хепсини онун запына верип, Аллах бракмады бишей верилмедик онун запына. Ама шинди таа гӧрмеериз, ани хепси верили онун запына.

Efeslіlerä 1:21

Таа ӱӱсек койду Ону хербир ӧндерӂиликтӓн, заабитликтӓн, куветликтӓн, чорбаӂылыктан хем хер адтан, ани анылэр диил саде бу заманда, ама гелӓр заманда да.

1 Korіnflіlerä 15:24

Сора заманын биткиси олаӂэк, незаман Христос Падишахлыы Аллах Бобанын елинӓ вереӂек, незаман йок едеӂек хертӱрлӱ чорбаӂылыы, хертӱрлӱ заабитлии хем куведи.

İoan 17:10

Хепси, ким Беним, оннар Сенин дӓ, хем ким Сенин, оннар Беним дӓ. Бӓн дӓ оннарлан метинненмиш олдум.

İoan 17:5

Шинди Сӓн метиннӓ Бени, Боба. Вер метиннии, ани варды Бендӓ дӱннейин курулмасындан илери.

Matfey 11:25

Озаман Иисус деди: «Шӱкӱр едерим Сана, Боба, гӧкӱн хем ерин Саабиси, ани сакладын буннары аариф хем фикирли оланнардан да ачтын евлатлара.