Koloslulara 3:17 - Ени Бааланты

¹⁷ Не дӓ йапарсаныз – лафлан мы, ишлӓн ми – хепсини Сааби Иисусун адына йапын, да шӱкӱрлӱк гетирин Аллах Бобайа Иисусун йаптыклары ичин.

Enі Baalantı

¹⁷ Ne dä yaparsanız – laflan mı, işlän mi – hepsini Saabi İisusun adına yapın, da şükürlük getirin Allah Bobaya İisusun yaptıkları için.

Koloslulara 3:17 Referans Kwoze

1 Korіnflіlerä 10:31

Ӧлӓ ки, хепси, не ийерсиниз хем ичерсиниз, хем хепси, не йапэрсыныз, хепсини йапын Аллахын метиннии ичин.

Koloslulara 3:23

Не дӓ йапарсаныз, йапын бӱтӱн ӱректӓн, ниӂӓ Саабийӓ, ама диил ниӂӓ инсана.

Efeslіlerä 5:20

Шӱкӱрлук гетирин хепси ичин херзаман Аллах Бобайа бизим Сааби Иисус Христозун адыннан.

1 Petrіnіn 4:11

Лафедӓрсейди бириси, ко Аллахын сӧзӱнӱ сӧлӓр гиби лафетсин. Измет едӓрсейди бириси, измет етсин о куветлӓн, не Аллахтан верили, ки хепсиндӓн метинненсин Аллах Иисус Христос араӂылыыннан. Христоза дӱшер метинник хем кувет дивечтӓн дивеӂӓ. Амин.

1 Salonіklіlerä 5:18

Хербир халда шӱкӱр един, зерӓ ӧлӓдир сизин ичин Аллахын истедии Иисус Христозда.

1 Petrіnіn 2:5

О сизи файдаласын, ниӂӓ дири ташлары, ки ишлесин бир духча ев, нередӓ сиз, айоз попазлар оларак, гетирӓбилирсиниз Иисус Христозун араӂылыыннан духча курбаннар, не Аллахтан беенилмиш.

Çıfıtlara 13:15

Онуштан Иисусун адыннан Аллаха дайма шӱкӱрлӱк курбаны гетирелим, башка лафларлан демӓк, аазымыздан чыкан сӧзлӓр, ани Онун адыны метиннеер.

1 İoanın 3:18

Ушаӂыкларым! Севелим диил лафлан хем диллӓн, ама ишлӓн хем аслылыклан.

1 Petrіnіn 2:9

Сиз сӓ бир сечилмиш сенселӓ, Падишахын попазлары, бир айоз миллет, Аллахын кенди инсаныйсыныз. Сечилдиниз, ки хаберлейӓсиниз шанны йаптыкларыны Онун, Ангысы чаарды сизи каранныктан Кенди шашылаӂак айдынныына.

Fіlіplіlerä 2:11

хем хербир дил ачык сӧлесин, ани Иисус Христос – Сааби, да бунуннан Аллах Боба метинненсин.

Yaptıklar 4:30

Сӓн дӓ узат елини, ки инсаннар алыштырылсын, да шашмаклы ишлӓр хем нышаннар йапылсын Сенин айоз Оолунун Иисусун адыннан».

2 Salonіklіlerä 2:17

ко сизи ӱреклендирсин хем каавилесин хербир ии ишлӓн хем лафлан.

Fіlіplіlerä 1:11

долу доорулук мейвасыннан, ани гелер Иисус Христоздан, Аллахын шаны ичин хем метиннии ичин.

Yaptıklar 19:17

Бу олуш ичин хабер етишти хепси иудейлерӓ хем урумнара, ангылары йашардылар Ефес касабасында. Бир корку хепсини алды, да Сааби Иисусун ады бӱӱк бир сайгы казанды.

Koloslulara 1:12

шӱкӱр едерӓк Аллах Бобайа, Ангысы колайлык верди бизӓ, пай алалым онда, не саклады айоз халкы ичин айдынныкта.

Efeslіlerä 1:17

ки бизим Сааби Иисус Христозун Аллахы, метинни Боба, версин сизӓ Духу, Ани сизи аариф йапаӂэк хем ачыклайаӂэк Аллахы, ки таныйасыныз Ону.

Koloslulara 2:7

Кӧклешин хем темелленин Онда, каавилешин инанда, ниӂӓ ӱӱрендиниз, херзаман шӱкӱр едерӓк Аллаха.

Matfey 28:19

Гидин да хепси миллетлери Бана ӱӱрениӂи йапын, ваатиз едип оннары Бобанын хем Оолун хем Айоз Духун адына.

1 İoanın 2:23

Херкез, ким атылэр Оолдан, онда йок Боба. /Ама ким ачык кабледер Оолу, онда вар Боба./

Romalılara 1:8

Хепсиндӓн ӧнӂӓ шӱкӱр едерим беним Аллахыма Иисус Христос адыннан хепсиниз ичин, зерӓ хабер сизин инан ичин даалэр бӱтӱн дӱннедӓ.

Çıfıtlara 1:5

Зерӓ незаманса Аллах ангиллерин бирисинӓ деди: «Сӓн Беним Оолумсун, бӱӱн Сенин Бобан олдум», еки: «Бӓн Боба Она олаӂам, О да Оол Бана олаӂэк»?

1 Salonіklіlerä 1:1

Бӓн, Павли, Силуан хем Тимофей селӓм йоллээрыз Салоник клисесинӓ, ангысы Аллах Бобанын хем Сааби Иисус Христозун. Ииверги хем услулук сизӓ /бизим Аллах Бобадан хем Сааби Иисус Христоздан/.

Koloslulara 3:15

Христозун услулуу чорбаӂылык етсин сизин ӱреклериниздӓ. Бу услулаа сиз чаарылмышсыныз, ниӂӓ бир гӱӱденин еклери. Шӱкӱр олун.