Koloslulara 1:28 - Ени Бааланты

²⁸ Биз Христозу хаберлеериз, акыл верерӓк херкезинӓ хем ӱӱредерӓк херкезини хертӱрлӱ аарифликлӓн, ки чыкаралым Аллахын ӧнӱнӓ херкезини таман Иисус Христозда.

Enі Baalantı

²⁸ Biz Hristozu haberleeriz, akıl vereräk herkezinä hem üürederäk herkezini hertürlü aarifliklän, ki çıkaralım Allahın önünä herkezini taman İisus Hristozda.

Koloslulara 1:28 Referans Kwoze

Efeslіlerä 5:27

да ону Кенди ӧнӱнӓ чыкарсын бир метинни клисӓ гиби, лекесиз, бурушуксуз хем башка кедерсиз, ки айоз хем кусурсуз олсун.

Matfey 5:48

Онуштан, олун таман, ниӂӓ сизин Гӧктеки Бобаныз таман.

Koloslulara 3:16

Христозун Сӧзӱ сиздӓ ерлешсин ташкынныктан. Ӱӱредин хем акыл верин бири-биринизӓ псалмаларлан, метинник лафларыннан хем духча тӱркӱлӓрлӓн, шӱкӱрлӱклӓн метедерӓк Саабийи ӱректӓн.

1 Korіnflіlerä 2:6

Хеп окадар биз насаат едериз аарифлик олгун инанӂылар арасында, ама бу аарифлик диил шиндики заманын йада шиндики кулланыӂыларын аарифлии, ангылары гелип-гидерлӓр.

Koloslulara 1:22

зерӓ Христос гӱӱдейӂесинӓ ӧлдӱ, ки гетирсин сизи Аллахын ӧнӱнӓ айоз, кусурсуз хем кабаатсыз.

2 Korіnflіlerä 11:2

Зерӓ бӓн алифли сизин ичин Аллахын алифлииннӓн, чӱнкӱ йавклу еттим сизи бир коӂайлан, Христозлан, ки чыкарабилейим сизи Онун ӧнӱнӓ бир темиз кыз гиби.

2 Korіnflіlerä 4:5

Зерӓ насаат етмеериз кендимизи, насаат едериз Иисус Христозу ниӂӓ Саабийи, ама кендимизи ниӂӓ чырак сизӓ Иисус ичин.

Yaptıklar 20:31

Онун ичин, кушку олун хем унутмайын, ани бӓн ӱч йыл геӂӓ-гӱндӱз йашлар гӧзлеримдӓ дурмамайӂа херкезинизи ӱӱреттим.

Yaptıklar 8:35

Озаман Филип алды лафы да башлады бу Йазыдан аннатмаа ии хабери Иисус ичин.

Çıfıtlara 10:14

Зерӓ О бир курбаннан таман йапты херзамана оннары, ким айозланмак йолунда.

1 Tіmofeyä 3:2

Онуштан епископ лӓӓзым олсун мааналанмаз табеетли, бир карыйлан евли, айык, саа фикирли, есаплы, мусаафирӂи, беӂерик ӱӱретмӓӓ.

Koloslulara 2:10

Одур, Ким хербир кулланыӂылыын хем заабитлиин Башы, Онда сиз дӓ таман олдунуз.

1 Korіnflіlerä 12:8

Бирисинӓ Духлан верилер, аарифчесинӓ лафетсин, башкасына верилер, билгили лафетсин хеп о Духлан.

Efeslіlerä 3:8

Бана, Аллахын айоз халкындан ен кӱчӱӱнӓ, бу ииверги верилди, ки насаат едейим башка миллетлерӓ ии хабери Христозун акыл ермӓз зенгиннии ичин

2 Korіnflіlerä 10:14

Биз зорламээрыз кендимизи, сансын сизӓ етишмедик. Зерӓ илкин биз сизӓ етиштик Христозун Ии Хабериннӓн.

1 Korіnflіlerä 15:12

Чӱнкӱ насаат едилер, ани Христос дирилди ӧлӱдӓн, озаман не ичин сизин араныздан кимиси деер, ани ӧлӱлӓр дирилмейеӂек?

1 Korіnflіlerä 1:30

Ама Аллах йапты инанӂы оласыныз Иисус Христоза. Онда, Ким олду бизим ичин Аллахтан аарифлик, доорулук, айозлук хем куртулмак.

Luka 21:15

Зерӓ сизӓ аарифлик лафыныза вереӂӓм, да душманнарыныз сизӓ каршы дурамайаӂэк хем бишей дейӓмейеӂек.

1 Korіnflіlerä 2:15

Духтан кулланылмыш инсан са хепсини аннар, ама кендиси кимсейдӓн аннанылмамыш калэр.

1 Korіnflіlerä 1:23

Ама биз насаат едериз Христозу, ани ставроза герилди. Бу иудейлӓр ичин бир кӧстектир, ама йабанӂы миллетлӓр ичин бир акылсызлык.

Romalılara 16:25

Шинди метинник олсун Аллаха, Ким вар насыл каавилесин сизи Ии Хаберӓ гӧрӓ, Иисус Христос ичин хаберӓ гӧрӓ, ани насаат едерим, чӱнкӱ бу саклылык ачылды, ани саклы тутулуйду сонсуз асирлердӓн беери,

Yaptıklar 17:3

Ачыклады да гӧстерди оннара, ани Христос лӓӓзымды зеетленсин да ӧлдӱктӓн сора дирилсин. «Бу Иисус, Ангысы ичин сизӓ хаберлеерим, О Христос», – дейӓрди о.

Yaptıklar 10:36

Сиз билерсиниз сӧзӱ, ангысыны О йоллады Израил оолларына, аннадарак ии хабер услулук ичин Иисус Христозлан, Ангысы хепсинӓ Сааби.

Yaptıklar 9:20

Саул хемен башлады хаберлемӓӓ синагогаларда, ани Иисус – Аллахын Оолу.

Yaptıklar 8:5

Филип Самарийа касабасына гитти да орада Христос ичин насаат едӓрди.

Yaptıklar 5:42

Оннар хер гӱн Айоз бинада хем евлердӓ дайма ӱӱредӓрдилӓр хем Ии Хабери Иисус Христос ичин аннадардылар.

Yaptıklar 3:20

Аллахтан ениленмӓк вакытлары гелсин, да О йолласын Христозу, Ангысыны баштан сизӓ сыралады – Иисусу,

Mark 6:34

Ачан чыкты кайык ичиндӓн, Иисус гӧрдӱ чок инсан. Ӂаны аӂыды оннара, зерӓ оннар ниӂӓ гӱдӱӂӱсӱз койуннарды. Башлады оннары ӱӱретмӓӓ хертӱрлӱ ишлӓр.

Matfey 28:20

Ӱӱредин, хепсини таманнасыннар, не сизӓ сымарладым. Да билиниз, Бӓн олаӂам сизиннӓн хер гӱн, заманын биткисинӓдӓн». /Амин./

Matfey 3:7

Ачан Иоан гӧрдӱ чок фарисей хем садукей, ани она гелӓрдилӓр, ваатиз олсуннар дейни, о деди оннара: «Йылан йаврулары, ким ӱӱретти сизи, качасыныз Аллахын гелӓр ӱфкесиндӓн?

2 Petrіnіn 3:15

Бизим Саабимизин чок дайанмасыны куртулмак гиби сайын, ниӂӓ сизӓ йазды бизим севгили кардаш Павли о аарифлӓӓ гӧрӓ, ани она верилди.

Çıfıtlara 13:21

сизи таман йапсын хербир иилик йапмаа, ки таманнайасыныз Онун истедиини, да биздӓ йапсын, не беенер Иисус Христос ашыры. Она метинник дивечтӓн дивеӂӓ! Амин.

1 Tіmofeyä 3:16

Хич лафсыз, Аллахын йолунун саклылыы бӱӱктӱр: Аллах тенӂӓ гӧстерилди, Духлан Кендини доорулады, ангиллерӓ гӧрӱндӱ, миллетлердӓ насаат едилди, дӱннедӓ инаннан кабледилди, метинниклӓн йукары алынды.

1 Salonіklіlerä 4:6

Бу ӱзерӓ кимсей, сырайы басып, кардашыны гӱӂендирмесин, зерӓ Сааби хепси бу гӱнахлар ичин ӂезалээр, ниӂӓ биз баштан сизӓ сӧледик хем аннаттык.

1 Korіnflіlerä 4:14

Йазмээрым буннары, ки утандырайым сизи, ама насаатлайым, ниӂӓ севгили ушакларымы.

Yaptıklar 13:38

Ӧлӓ ки, билӓсиниз, кардашлар, ки салт Она верилерӓк сизӓ хаберленер, ани вар ниӂӓ гӱнахларыныз афедилсин,

Yaptıklar 11:20

Ама оннардан кими адамнар варды Кипрудан хем Киринедӓн, ангылары гиттилӓр Антиохийа касабасына да лафеттилӓр урумнарлан, аннадарак ии хабери Сааби Иисус ичин.

Yaptıklar 17:18

Кимиси Эпикур хем Стоик философларындан онуннан атышмаа башладылар. Кимиси дейӓрди: «Не истеер сӧлесин бу бошуна лафедӓн?» Башкалары, ишидип, ани о аннадэр хабери Иисус ичин хем Онун дирилмеси ичин, дедилӓр: «Аллелем, о насаат едер йабанӂы аллахлар ичин».

Koloslulara 2:3

Ангысында саклы бӱтӱн аарифлиин хем билимин хазнасы.

Koloslulara 4:12

Селӓм йоллээр сизӓ Епафрас, Иисус Христозун чыраа, ани сиздӓн. О херзаман чалышкан сизин ичин дуада, ки оласыныз таман хем каави инанда, таныйарак хепсини, не истеер Аллах.