İoan 8:32 - Ени Бааланты

³² Сиз аслылыы таныйаӂэныз, да аслылык вереӂек сизӓ сербестлик».

Enі Baalantı

³² Siz aslılıı tanıyacenız, da aslılık verecek sizä serbestlik».

İoan 8:32 Referans Kwoze

Romalılara 8:2

Зерӓ духчасына йашамак закону Иисус Христозда бошандырды бени о закондан, ани гӱнаха хем ӧлӱмӓ гӧтӱрер.

İoan 8:36

Онуштан, еер Оол верӓрсейди сербестлик сизӓ, озаман хакына сербест олаӂэныз.

İoan 17:17

Айозла оннары аслылыклан. Сенин сӧзӱн аслылык.

1 Petrіnіn 2:16

Гӧтӱрӱн кендинизи ниӂӓ сербест инсаннар, саде йапмайын сербестлииниздӓн кӧтӱлӓӓ бир ӧртӱ. Йашайын ниӂӓ Аллахын чыраклары.

İoan 14:6

Иисус ӂувап етти: «Бӓним йол, аслылык хем йашамак. Бенсиз кимсей Бобайа гелмеер.

Romalılara 6:22

Ама шинди, ачан гӱнахтан бошанмышсыныз хем Аллаха чырак олдунуз, бундан файданыз вар: айозлукта йашээрсыныз, хем бунун сону – дивеч йашамак.

İakovun 1:25

Ама ким ии бакэр о таман Закона, ани сербестлик верер, да ону илери доору таманнээр, диил ниӂӓ бир унудан сеслейиӂи, ама ниӂӓ бир чалышкан ишчи, бу адам кенди ишиндӓ мутлу олаӂэк.

Galatіyalılara 5:1

Христос бизи сербест йапты, ки сербест калалым. Онуштан каави дурун да верилмейин енидӓн чыраклык бойундурууна.

İakovun 2:12

Ӧлӓ лафедин хем ӧлӓ ишлейин, ниӂӓ оннар, ким даавалы олаӂэк Айоз Закона гӧрӓ, ани сербестлик верир.

Galatіyalılara 5:13

Сербестлӓӓ чаарылмышыныз, кардашлар, саде сербестликтӓн йапмайын, ки измет едӓсиниз тенинизӓ, ама севгийлӓн измет един бири-биринизӓ.

İoan 7:17

Еер биркимсей истӓрсейди йапсын Онун истедиини, о аннайаӂэк бу ӱӱретмӓк Аллахтан мы, оса Бӓн Кендимдӓн ми сӧлеерим.

Romalılara 8:15

Зерӓ сиз каблетмединиз чыраклык духу, ки енидӓн коркуда оласыныз, ама каблеттиниз Духу, Ангысы бизи оол йапэр. Биз о Духлан баарэрыз «Авва, Боба!»

İoan 16:13

Ачан гелеӂек Иилендириӂи, Аслылык Духу, О доорудаӂэк сизи бӱтӱн аслылаа, зерӓ О лафетмейеӂек Кендиндӓн, ама сӧлейеӂек, не ишидеӂек, хем билдиреӂек сизӓ гелӓр ишлери.

2 Tіmofeyä 3:7

ани дайма ӱӱренерлӓр, ама хич бирзаман етишӓмеерлӓр танысыннар аслылыы.

İoan 6:45

Пророкларын кийатларында йазылы: „Хепси Аллахтан ӱӱредилмиш олаӂэклар“. Хепси, ким Бобадан ишитти хем ӱӱренди, о Бана гелер.

Matfey 11:29

Алын ӱстӱнӱзӓ Беним бойундурууму, Бендӓн ӱӱренин, зерӓ Бӓн йавашым хем услуйум ӱреемдӓн, да сиз ӂаныныза раатлык булаӂэныз.

İoan 1:14

Сӧз адам олду, бизим арамызда йашады, иивергийлӓн хем аслылыклан долу. Онун метинниини гӧрдӱк, ниӂӓ Бобадан бириӂик Оолун метинниини.

İoan 1:17

Зерӓ Закон Моисей ашыры верилди, ама хайыр хем аслылык Иисус Христос ашыры гелди.

1 Korіnflіlerä 7:22

Ким чыракты, ачан Саабидӓн чаарылды, о Саабидӓ сербест. Хеп ӧлӓ ким сербесткӓн чаарылды, о Христозда чырак.

2 İoanın 1:1

Бӓн, пресвитер, селӓм йоллээрым Аллахтан сечилмиш чорбаӂыйкайа хем онун ушакларына, ангыларыны бӓн хакына северим. Диил салт бӓн, ама хепси, ким таныды аслылыы.