İoan 6:45 - Ени Бааланты

⁴⁵ Пророкларын кийатларында йазылы: „Хепси Аллахтан ӱӱредилмиш олаӂэклар“. Хепси, ким Бобадан ишитти хем ӱӱренди, о Бана гелер.

Enі Baalantı

⁴⁵ Prorokların kiyatlarında yazılı: „Hepsi Allahtan üüredilmiş olaceklar“. Hepsi, kim Bobadan işitti hem üürendi, o Bana geler.

İoan 6:45 Referans Kwoze

Çıfıtlara 10:16

«Тӓ, будур бааланты, ани о гӱннердӓн сора оннарлан йапаӂам, деер Сааби: Беним законнарымы оннарын ӱреклеринӓ койаӂам хем оннарын фикирлеринӓ йазаӂам.

1 Salonіklіlerä 4:9

Кардаш севгилии ичин хич йок зорум йазмаа сизӓ, зерӓ сиз кендиниз Аллахтан ӱӱредилмиш олдунуз севмӓӓ бири-биринизи.

İoan 6:65

Да деди: «Бунун ичин сӧледим, ани кимсей йок насыл гелсин Бана, еер бу она диилсейди верилмиш Бобамдан».

İoan 6:37

Хепси, не Боба Бана верер, Бана гелер. Ким дӓ Бана гелер, ону хич бирзаман ууратмайаӂам дышары.

Matfey 17:5

Буну сӧлӓркӓн, бир айдынныклы булут гӧлгесиннӓн каплады оннары, да булут ичиндӓн бир сес деди: «Будур Беним севгили Оолум, Онда Беним ислеелиим».

Efeslіlerä 1:17

ки бизим Сааби Иисус Христозун Аллахы, метинни Боба, версин сизӓ Духу, Ани сизи аариф йапаӂэк хем ачыклайаӂэк Аллахы, ки таныйасыныз Ону.

İoan 10:27

Беним койуннарым сеслеерлӓр Беним сесими. Бӓн таныйэрым оннары, оннар да гелерлӓр Беним ардыма.

Luka 18:31

Иисус, алып бир тарафа оники ӱӱрениӂисини, деди оннара: «Тӓ, биз гидериз Иерусалимӓ. Хепси, не йазылы пророклардан Адам Оолу ичин, таманнанаӂэк.

Luka 1:70

ниӂӓ хаберледийди евел вакыттан айоз пророкларыннан.

Mark 1:2

Ниӂӓ йазылы пророк Исайанын кийадында: «Тӓ, Бӓн йоллээрым хаберӂими Сенин ӧнӱн сора, ангысы хазырлайаӂэк йол Сана».

Matfey 11:27

Хепсини Бобам Беним елимӓ верди. Кимсей хептӓн аннамээр Оолу, Бобадан каарӓ, хем кимсей хептӓн аннамээр Бобайы, Оолдан каарӓ, хем оннардан, кимӓ Оол истеер ачмаа.

Yaptıklar 7:42

Аллах ӱзӱнӱ чевирди оннардан, бракып, тапынсыннар гӧк йылдызларына, ниӂӓ бунун ичин йазылы пророк кийадында: „Гетирдиниз ми Бана кесили хайван хем курбан кырк йыл чол ериндӓ, Израил халкы?

Yaptıklar 13:40

Онуштан бакын, гелмесин башыныза, не сӧленмиш пророклардан:

Fіlіplіlerä 3:15

Онуштан хепсимиз, ким духча ергин, лӓӓзым бӧлӓ дӱшӱнелим. Еер сиздӓ варса башка бир неет бишей ичин, Аллах буну да ачаӂэк сизӓ.

1 İoanın 2:27

Ама йааланмак, ани сиз Ондан каблеттиниз, сиздӓ калэр. Онуштан сизин йок зорунуз, ки биркимсей ӱӱретсин сизи. Ама Онун йааламасы ӱӱредер сизи хепси ишлӓр ичин. О – аслылык хем диил йалан. Онуштан калын Онда, ниӂӓ О ӱӱретти сизи.