İoan 5:25 - Ени Бааланты

²⁵ Доору, доору сӧлеерим сизӓ, гелер вакыт, шиндӓн сора гелди, ачан ӧлӱлӓр ишидеӂеклӓр Аллахын Оолунун сесини, да ишиденнӓр дирилеӂеклӓр.

Enі Baalantı

²⁵ Dooru, dooru söleerim sizä, geler vakıt, şindän sora geldi, açan ölülär işideceklär Allahın Oolunun sesini, da işidennär dirileceklär.

İoan 5:25 Referans Kwoze

İoan 5:28

Шашмайын буна, зерӓ гелер вакыт, ачан хепси, ким булунэр мезарлар ичиндӓ, ишидеӂеклӓр Адам Оолунун сесини.

Efeslіlerä 5:14

Онуштан денер: «Сӓн, ани уйуйэрсын, уйан уйкудан, ӧлӱдӓн дирил! Христос сана шафк едер».

Efeslіlerä 2:5

Макар ки биз ӧлӱйдӱк кабаатларымыз бетеринӓ, О севгийлӓн йашамак верди бизӓ Христозлан барабар. Сиз Онун иивергисиннӓн куртулдунуз.

İoan 4:23

Ама гелер вакыт, артык шиндӓн сора гелди, ачан хакына баш ураннар баш иилдеӂеклӓр Бобайа духта хем аслылыкта, зерӓ бутӱрлӱ баш иилденнери Боба аарээр.

Apokalіpsіs 3:1

Сардис клисесинин ангилинӓ йаз: „Бӧлӓ деер О, Кимдӓ вар Аллахын еди Духу хем еди йылдызы. Билерим сенин йаптыкларыны. Сӓн ад казандын, сансын дирийсин, ама ӧлӱйсӱн.

İoan 8:47

Ким – Аллахтан, о сеслеер Аллахын сӧзлерини. Сиз сеслӓмеерсиниз, зерӓ диилсиниз Аллахтан».

Koloslulara 2:13

Сиз ӧлӱйдӱнӱз, зерӓ гӱнах йапардыныз хем гӱӱдейӂесинӓ диилдиниз кесикли. Ама Аллах сизӓ йашамак Христозлан верди. Зерӓ О баашлады хепси бизим гӱнахларымызы.

Efeslіlerä 2:1

Сиз ӧлӱйдӱнӱз кабаатларыныз хем гӱнахларыныз бетеринӓ,

Romalılara 6:4

Биз ваатиз олмаклан ӧлӱмӓ гӧмӱлдӱк Онуннан барабар, ки ниӂӓ Христос Бобанын метиннииннӓн ӧлӱдӓн дирилди, хеп ӧлӓ биз дӓ бир ени ӧмӱрдӓ йашайалым.

İoan 8:43

Нечин аннамээрсыныз, не сӧлеерим? Онуштан, зерӓ сеслӓмеерсиниз Беним сӧзӱмӱ.

İoan 5:21

Зерӓ, ниӂӓ Боба дирилдер ӧлӱлери да верер ӧмӱр оннара, хеп ӧлӓ Оол да верер ӧмӱр, кимӓ истеер.

Luka 15:24

Зерӓ бу оолум ӧлдӱйдӱ да дирилди, кайыпты да булунду“. Да башладылар шенненмӓӓ.

Luka 9:60

Ама Иисус ӂувап етти: «Брак, ӧлӱлӓр ӧлӱлерини гӧмсӱн, ама сӓн гит да хаберлӓ Аллахын Падишахлыыны».

İoan 4:21

Иисус ӂувап етти она: «Кары, инан Бени, гелер вакыт, ачан баш иилтмейеӂениз Бобайа не бу байыр ӱстӱндӓ, не дӓ Иерусалимдӓ.

Luka 15:32

Ама лӓӓзымды севинелим хем шенненелим, зерӓ бу сенин кардашын ӧлдӱйдӱ да дирилди, кайыпты да булунду“».

İoan 17:1

Бу лафлардан сора Иисус калдырды бакышыны гӧкӓ да деди: «Боба, гелди вакыт, метиннейӓсин Оолуну, ки Оолун да метиннесин Сени.

İoan 13:1

Паскеллӓ йортусундан илерийди. Иисус билӓрди, ани гелди вакыт, гитсин бу дӱннедӓн Бобасына да, чӱнкӱ севди кендикилерини, ангылары варды бу дӱннедӓ, гӧстерди, ани север оннары биткийӓдӓн.

İoan 6:60

Бу лафлардан сора чойу ӱӱрениӂилериндӓн дедилӓр: «Не фасыл лафлар, ким вар насыл каблетсин бу лафлары?»

İoan 9:27

«Демин сӧледим сизӓ, да сеслӓмединиз. Нечин таа бир сыра ишитмӓӓ истеерсиниз? – ӂувап етти о. – Беки сиз дӓ истеерсиниз олмаа Онун ӱӱрениӂилери?»