İoan 21:22 - Ени Бааланты

²² Иисус деди: «Еер Бӓн истӓрсейдим, ки о калсын дири, таа Бӓн гелинӂӓ, сана не зарар? Сӓн бак да гел ардыма».

Enі Baalantı

²² İisus dedi: «Eer Bän istärseydim, ki o kalsın diri, taa Bän gelincä, sana ne zarar? Sän bak da gel ardıma».

İoan 21:22 Referans Kwoze

Mark 9:1

О деди оннара: «Доору сӧлеерим сизӓ, ани кимиси бурада дураннардан ӧлмейеӂек, гӧрмейинӂӓ Аллахын Падишахлыыны кудретликлӓн гелерӓк».

Apokalіpsіs 2:25

Салт сыкы тутун ону, не вар сиздӓ, Бӓн гелинӂӓ.

1 Korіnflіlerä 4:5

Онуштан хич мааналамайын таа вакыт гелмедийнӓн. Беклейин Саабинин гелмесини, Ангысы ачаӂэк хепсини, не саклы каранныкта, да ӱзӓ чыкараӂэк инсан ӱреклеринин неетлерини. Озаман херкез метинник Аллахтан еденеӂек.

Apokalіpsіs 3:11

Бӓн тез гелерим! Сыкы тут, не вар сендӓ, ки кимсей капмасын сенин фенецини.

İakovun 5:7

Онуштан, кардашлар, Саабинин гелмесинӓ кадар дайанын. Тӓ бакын, чифтчи дайанмаклан беклеер ерин паалы берекедини, каблединӂӓ еркен хем геч йаамуру.

1 Korіnflіlerä 11:26

Зерӓ кач керӓ ийеӂениз бу екмектӓн хем ичеӂениз бу чӧлмектӓн, Саабинин ӧлӱмӱнӱ анасыныз, О гелинӂӓ.

İoan 21:19

Сӧледи буннары, ки гӧстерсин, несой ӧлӱмнӓн Петри метиннейеӂек Аллахы. Буннары сӧледиктӓн сора деди она: «Гел Беним ардыма».

Matfey 24:44

Онуштан сиз дӓ олун хазыр, зерӓ Адам Оолу гелеӂек о саатта, ачан хич дӱшӱнмеерсиниз.

Apokalіpsіs 22:20

О, ким шаатлык едер бу ишлӓр ичин, деер: «Хакына, тездӓ гелерим!» Амин! Ей, гелсӓнӓ, Сааби Иисус!

Apokalіpsіs 22:7

«Тӓ, тез гелерим. Мутлу, ким таманнээр пророклук сӧзлерини, ани вар бу кийатта!» – деер Иисус.

Apokalіpsіs 1:7

Бак, О гелер булутларлан, да хербир гӧз Ону гӧреӂек, артык оннар да, ким Ону саплады. Хепси ердеки сенселелӓр аалайаӂэк Онун бетеринӓ. Ӧлӓ, амин!

Matfey 25:31

Ачан Адам Оолу Кенди метиннииндӓ гелеӂек, хем хепси айоз ангиллӓр Онуннан, озаман отураӂэк Кенди метинни чорбаӂылык скемнесиндӓ.

Matfey 24:27

Зерӓ, ниӂӓ чимчирик чакэр гӱндуусундан да гӧрӱнер гӱнбатысына кадар, ӧлӓ олаӂэк Адам Оолунун гелмеси дӓ.

Matfey 24:3

Ачан Иисус отурду Зейтин байыры ӱстӱндӓ, ӱӱрениӂилери йалныз Она йаклаштылар да дедилӓр: «Сӧлӓ бизӓ, незаман олаӂэк буннар хем несой нышан Сенин гелмени хем заманын биткисини гӧстереӂек?»

Matfey 8:22

«Гел Беним ардыма, брак, ӧлӱлӓр ӧлӱлерини гӧмсӱн», – деди Иисус.

Matfey 16:24

Озаман Иисус деди ӱӱрениӂилеринӓ: «Ким истеер гелсин Беним ардыма, атылсын кенди-кендиндӓн, алсын ставрозуну да Бени излесин.

İoan 21:21

Петри, гӧрӱп ону, сорду Иисуса: «Сааби, онуннан не олаӂэк?»

1 Salonіklіlerä 2:19

Зерӓ ким бизим умудумуз еки севинмемиз, ким о фенец, нейлӓн биз ӱӱнеӂез Саабимизин Иисус Христозун каршысында Онун гелмесиндӓ? Диил ми сиз?

İakovun 5:8

Сиз дӓ дайанын, ӱреклеринизи каавилейин, зерӓ Саабинин гелмеси йаклашэр.