İoan 20:17 - Ени Бааланты

¹⁷ Иисус деди она: «Тутунма Бендӓн, зерӓ Бӓн таа калкмадым Бобама, ама гит кардашларыма да сӧлӓ оннара, ани калкэрым Беним Бобама хем сизин Бобаныза, Беним Аллахыма хем сизин Аллахыныза».

Enі Baalantı

¹⁷ İisus dedi ona: «Tutunma Bendän, zerä Bän taa kalkmadım Bobama, ama git kardaşlarıma da sölä onnara, ani kalkêrım Benim Bobama hem sizin Bobanıza, Benim Allahıma hem sizin Allahınıza».

İoan 20:17 Referans Kwoze

İoan 16:28

Гелдим Бобадан бу дӱннейӓ, шинди бракэрым дӱннейи да дӧнерим Бобайа».

1 Petrіnіn 1:3

Метинник олсун Аллаха, Саабимиз Иисус Христозун Бобасына, Ангысы Кенди бӱӱк аӂыйанныындан йапты, аники енидӓн дууалым, да Иисус Христозун дирилмесиннӓн биздӓ бир ени умут олсун,

Galatіyalılara 3:26

Хепсиниз, инаннан Иисус Христоза, олэрсыныз Аллахын ооллары.

İoan 17:11

Бӓн шиндӓн сора диилим дӱннедӓ, ама оннар дӱннедӓ калэрлар, Бӓн дӓ Сана гелерим. Айоз Боба, кору оннары кенди адыннан, ангысыны Сӓн вердин Бана, ки олсуннар бирликтӓ, ниӂӓ Биз.

1 İoanın 3:2

Севгили кардашлар! Биз шинди Аллахын ушакларыйыз, ама не олаӂэз, бизӓ таа ачылмады. Салт окадар билериз, ани, ачан Христос ачылаӂэк, Она бензӓр олаӂэз, зерӓ гӧреӂез Ону, ниӂӓ О хакына вар.

İoan 14:6

Иисус ӂувап етти: «Бӓним йол, аслылык хем йашамак. Бенсиз кимсей Бобайа гелмеер.

Mark 16:19

Буннары сӧледиктӓн сора Сааби Иисус гӧкӓ алынды да Аллахын саа тарафында отурду.

Apokalіpsіs 21:3

Чорбаӂылык скемнесиндӓн бир бӱӱк сес ишиттим, ани дейӓрди: «Будур, Аллахын чадыры инсаннар арасында! О йашайаӂэк оннарлан. Оннар Онун инсаны олаӂэк, хем Кенди Аллах оннарын арасында оннарын Аллахы олаӂэк.

2 Korіnflіlerä 6:18

«Бӓн Боба сизӓ олаӂам, сиз да ооллар хем кызлар Бана олаӂэныз», – деер Сааби, Чоккудретли.

Romalılara 8:29

Зерӓ кими Аллах ӧнӂӓ таныды, оннары карарлады, бензӓр олсуннар Кенди Оолуна, ки О илк дуумуш олсун чок кардашларын арасында.

İoan 17:25

Боба, Сӓн дооруйсун. Дӱннӓ Сени танымады, ама Бӓн Сени таныдым. Оннар да аннадылар, ани Сӓн Бени йолладын.

Matfey 28:7

Да хызлы гидин, сӧлейин Онун ӱӱрениӂилеринӓ, ани О дирилди ӧлӱдӓн. О гидер сиздӓн ӧнӂӓ Галилейайа. Орада гӧреӂениз Ону. Тӓ бӓн сизӓ сӧледим».

Matfey 12:50

Ким таманнээр Гӧктеки Бобамын истедиини, оннар Бана кардаш, кызкардаш хем ана».

Apokalіpsіs 21:7

Ким енсейеӂек, о буннары еденеӂек. Бӓн она Аллах олаӂам, о да бана оол олаӂэк.

Çıfıtlara 8:10

Тӓ, будур бааланты, не Израил миллетиннӓн йапэрым о гӱннердӓн сора, деер Сааби: Беним законнарымы оннарын фикирлеринӓ койаӂам хем ӱреклеринӓ йазаӂам. Бӓн оннарын Аллахы олаӂам, оннар да Беним халкым олаӂэклар.

İoan 20:27

Сора деер Фомайа: «Вер пармааны да бак Беним еллеримӓ, вер елини да йокла Беним ийеми да олма инансыз, ама ол инанӂы».

İoan 17:5

Шинди Сӓн метиннӓ Бени, Боба. Вер метиннии, ани варды Бендӓ дӱннейин курулмасындан илери.

İoan 14:28

Ишиттиниз, не сӧледим сизӓ: „Гидерим да сора гелеӂӓм сизӓ“. Еер севӓйдиниз Бени, озаман севинеӂейдиниз, ани Бӓн гидерим Бобайа, зерӓ Боба таа бӱӱк Бендӓн.

İoan 14:2

Беним Бобамын евиндӓ вар чок ода. Еер ӧлӓ олмайайды, сӧлейеӂейдим сизӓ. Бӓн гидерим хазырлайым сизӓ ер.

İoan 13:3

Иисус, Ангысы билӓрди, ани Боба хепсини верди Онун елинӓ, хем Кендиси Аллахтан чыкып-гелди да Аллаха дӧнер,

İoan 13:1

Паскеллӓ йортусундан илерийди. Иисус билӓрди, ани гелди вакыт, гитсин бу дӱннедӓн Бобасына да, чӱнкӱ севди кендикилерини, ангылары варды бу дӱннедӓ, гӧстерди, ани север оннары биткийӓдӓн.

İoan 7:33

Ама Иисус деди: «Бӓн бир парча вакыт таа олаӂам сизиннӓн да сора гидеӂӓм Она, Ким йоллады Бени.

Luka 10:4

Алмайын кендинизлӓн не кесӓ, не хийбӓ, не дӓ айак кабы. Кимсейлӓн йолда селӓмнӓшмейин.

Matfey 25:40

Падишах ӂувап едеӂек оннара: „Доору сӧлеерим сизӓ, кач сыра буннары йаптыныз бу ен кӱчӱк кардашларымдан бирисинӓ, Бана Кендимӓ йаптыныз“.

Çıfıtlara 11:16

Ама оннар ӧзенӓрдилӓр бир таа ии ерӓ, гӧктеки ерӓ. Онуштан Аллах утанмээр адлансын оннарын Аллахы, зерӓ оннар ичин бир касаба хазырлады.

Mark 12:26

Ӧлӱлерин дирилмеси ичин окумадыныз мы Моисейин кийадында, нередӓ лаф гидер йанар гӱмӓ ичин, не деди Аллах она: „Бӓн Авраамын Аллахы, Исаакын Аллахы хем Иаковун Аллахыйым“.