İoan 17:6 - Ени Бааланты

⁶ Ачтым Сенин адыны инсаннара, ангыларыны вердин Бана бу дӱннедӓн. Оннар Сенинди, Сӓн Бана оннары вердин, да оннар таманнадылар Сенин сӧзӱнӱ.

Enі Baalantı

⁶ Açtım Senin adını insannara, angılarını verdin Bana bu dünnedän. Onnar Senindi, Sän Bana onnarı verdin, da onnar tamannadılar Senin sözünü.

İoan 17:6 Referans Kwoze

İoan 17:26

Бӓн Сенин адыны ачтым хем таа ачаӂам да, ки о севги, ангысыннан Сӓн Бени севдин, олсун оннарда, хем Бӓн дӓ олайым оннарлан».

1 İoanın 5:20

Да билериз, ани Аллахын Оолу гелди, ки акыл бизӓ версин, таныйалым Хакына Оланы. Биз булунэрыз Хакына Оланда, Онун Оолунда, Иисус Христозда. Будур – хакына Аллах хем дивеч йашамак.

İoan 6:37

Хепси, не Боба Бана верер, Бана гелер. Ким дӓ Бана гелер, ону хич бирзаман ууратмайаӂам дышары.

İoan 17:24

Боба, истеерим, ки орада, нередӓ Бӓн олаӂам, олсуннар Бенимнӓн барабар оннар да, кими Сӓн вердин Бана, ки гӧрсӱннӓр Беним метинниими, ани вердин Бана, зерӓ Сӓн Бени севдин дӱннейин курулмасындан илери.

İoan 17:2

Сӓн вердин Она заабитлик хепси инсан ӱстӱнӓ, ки версин дивеч йашамак хепсинӓ, кими Сӓн вердин Она.

2 Korіnflіlerä 4:6

Зерӓ Аллах, Ким деди: «Айдыннык шафк етсин каранныктан», О айдыннатты ӱреклеримизи, ки таныйалым Аллахын метинниини, ани шафк едер Иисус Христозун ӱзӱндӓн.

İoan 15:19

Дӱннедӓн олайдыныз, дӱннӓ севеӂейди кендикилерини. Ама чӱнкӱ диилсиниз дӱннедӓн хем чӱнкӱ Бӓн сизи сечтим дӱннӓ ичиндӓн, онун ичин дӱннӓ сиздӓн азетмеер.

Apokalіpsіs 3:8

Билерим сенин йаптыкларыны. Бӓн сенин ӧнӱнӓ ачык бир капу койдум, кимсей ону капайамаз. Аз куведин вар, ама корудун Беним сӧзӱмӱ да инкӓр етмедин Беним адымы.

Çıfıtlara 3:6

Ама Христос, ниӂӓ Оол, инанчты Аллаха Кенди евиндӓ. Онун еви – биз, еер кыйышмаклан /биткийӓдӓн/ коруйарсак умуду, нейлӓн ӱӱнериз.

İoan 15:7

Еер каларсайдыныз Бендӓ, Беним сӧзлерим дӓ каларсайдылар сиздӓ, озаман не истӓрсейдиниз, истейин, да верилеӂек сизӓ.

Apokalіpsіs 2:13

Билерим, нередӓ йашээрсын. Шейтанын чорбаӂылык скемнеси орада. Хеп окадар инанч калэрсын Беним адыма да вазгечмедин Бана инанмаа, артык о гӱннердӓ, незаман Антипа, Беним инанч шаадым, ӧлдӱрӱлдӱ аранызда орада, нередӓ шейтан йашээр.

Çıfıtlara 2:12

зерӓ деер: «Хаберлейеӂӓм Сенин адыны Беним кардашларыма, халкын арасында метинник Сана чалаӂам».

2 Tіmofeyä 1:13

Ӧрнек оларак, тутун о саа сӧзлердӓн, ани бендӓн ишиттин, инаннан хем севгийлӓн, ани Иисус Христозда.

Koloslulara 3:16

Христозун Сӧзӱ сиздӓ ерлешсин ташкынныктан. Ӱӱредин хем акыл верин бири-биринизӓ псалмаларлан, метинник лафларыннан хем духча тӱркӱлӓрлӓн, шӱкӱрлӱклӓн метедерӓк Саабийи ӱректӓн.

Romalılara 11:2

Аллах ӱзӱнӱ чевирмеди Кенди инсанындан, ангысыны баштан билирди. Не, билмеерсиниз ми, не денер Айоз Йазыда пророк Илийа ичин, ниӂӓ о аалашэр Аллаха Израилдӓн? О деер:

Yaptıklar 13:48

Иудей олмайаннар, ачан ишиттилӓр буну, севиндилӓр хем метиннедилӓр Саабинин сӧзӱнӱ, да хепси, ким сыраланмышты дивеч йашамак ичин, инандылар.

İoan 18:9

Буну деди, ки таманнансын сӧз, ани сӧледийди: «Кайбетмедим кимсейи оннардан, ани Сӓн вердин Бана».

İoan 17:16

Оннар диил дӱннедӓн, ниӂӓ Бӓн дӓ диилим дӱннедӓн.

İoan 17:14

Вердим Сенин сӧзӱнӱ оннара, ама дӱннӓ азетмеди оннардан, зерӓ оннар диил бу дӱннедӓн, ниӂӓ Бӓн дӓ диилим бу дӱннедӓн.

İoan 15:3

Шинди сиз пакландыныз о сӧзлӓн, ани Бӓн сизӓ сӧледим.

İoan 12:28

Боба, метиннӓ Сӓн Кенди адыны!» Озаман гӧктӓн ишидилди бир сес, ани деди: «Метиннедим хем метиннейеӂӓм дӓ!»

İoan 6:39

Бени Йоллайанын истедии будур: бирини билӓ оннардан, ани Бана верди, кайбетмейим, ама битки гӱндӓ хепсинӓ йашамак верейим.

İoan 1:18

Аллахы бир сыра билӓ кимсей гӧрмеди. Бириӂик Оол, Аллах, ким Бобанын куӂаанда булунэр, О Аллахы ачты.

1 Petrіnіn 1:1

Бӓн, Петри, Иисус Христозун апостолу, сечилмишлерӓ селӓм йоллээрым, ангылары йабанӂы гиби йашээрлар дааныкта: Понт, Галатийа, Каппадокийа, Асийа хем Вифинийа ерлериндӓ.

İoan 8:51

Доору, доору сӧлеерим сизӓ, ким таманнээр Беним сӧзӱмӱ, о хич ӧлмейеӂек».

İoan 8:52

«Шинди хализ аннээрыз, ани Сендӓ вар фена дух, – деди иудейлӓр. – Авраам ӧлдӱ, пророклар ӧлдӱлӓр, ама Сӓн деерсин: „Ким таманнээр Беним сӧзӱмӱ, о хич ӧлмейеӂек“.

İoan 17:7

Шинди таныдылар, ани хепси, не вердин Бана, Сендӓн гелер.

İoan 17:12

Ачан Бӓн оннарландым, корудум оннары Сенин адыннан, ангысыны вердин Бана, гӧз-кулак олдум, да оннардан бириси билӓ кайбелмеди, ондан каарӓ, ани лӓӓзым кайбелсин, ки таманнансын Айоз Йазы.

Apokalіpsіs 3:10

Чӱнкӱ таманнадын Беним сымарламамы дайанмак ичин, Бӓн дӓ коруйаӂам сени денемӓк вакыдындан, ани гелеӂек бӱтӱн дӱннейин ӱстӱнӓ, ки денесин оннары, ким ер ӱстӱндӓ йашээр.